مفيش , تعاملهــم , جيب , غيرهم , هـكذا , طبعاً

هـكذا يجب أن تعاملهــم :) طبعاً مفيش غيرهم ،

على لسان كاتب الموضوع ،،

انا من منطلق انى ماعتش عارف الستات عايزة ايه فبدأت اقرا كتب كتيره
علشان افهم المراه ولقيت كتاب بيقولى حاول تفهم نفسك علشان تفهم المراة
قلت والله عندك حق طيب ازاى قالى يعنى انت مثلا راجع من الشغل تعبان
قمت مشغل التليفزيون وقعدت تتفرج على كليب هيفا الجديد
وهى جت قعدت جنبك بقى وبتقطف ملوخية وبدات تتكلم معاك بقى يا معلم /


- اسكت يا حسين المدير خصملى انهاردة 3 ايام عشان اتاخرت على الشغل

- وايه اللى اخرك

-كنت بوصل الولاد للمدرسة

- خلاص ابقى روحى انتى الشغل وانا اوصلهم بعد كده (عدانى العيب اهو )

- مانا اصلى كده كده باعدى من طريق المدرسة علشان اسلم على ماما

- ابقسى سلمى عليها فى التليفون

- ماهى تليفونها بايظ من اسبوع

- ( الواحد بدأ ضغطة يعلى ) خلاص هاروح اصلحهولها عشان تكلميها فى التليفون وماتوصليش الولاد فـ ماتتأخريش على الشغل
والمدير ما يخصمش من مرتبك تانى

- بس تليفون ماما محطوط فى الصالة وهى ياعينى مش بتقدر تمشى لحد هناك علشان الروماتيزم

- ( خلاص بقى مافيش فايدة ) يعنى أأجرلها تاكسى يوديها لحد الصالة ولا ابقى اروح انا ارد لها على التليفون دا ايه النيلة دى غورى حضرى الغدا

--------------------------------------

فالكتاب بيقول بقى انت بزمتك مستعد تروح تصلح التليفون
وتوصل العيال الصبح على غيار ريق كده انت ممكن تعدى من كل ده يامعلم
لانك لو فهمت نفسك هتعرف انك مش عايز تعمل ولا حاجه من اللى انت قلتها دى
فترد عليها كالتاتى ،،



- اسكت يا حسين المدير خصملى انهاردة 3 ايام عشان اتاخرت على الشغل
- معلشى, راجل مفترى

- لا انا اللى اتاخرت عشان كنت بوصل الولاد المدرسة

- ماهو مش مقدر الخلفة منه لله

- مانا اصلى انهاردة اتاخرت زيادة علشان عديت اسلم على ماما

- بر الوالدين ده شىء ضرورى سلمتيلى عليها

- طبعا وبتسلم عليك كتييييير بس هى تعبانة شوية الروماتيزم بقى ما انت عارف

- لا الف سلامة عليها . معلشى يا حبيبتى على صوت التليفزيون شوية وحضرى لنا الغدا

- من عنيا يا حسين



والحمد لله عدت على خير مع حسين زى ما انت شايف واهو حتى علشان يكمل الكليب بمزاج
وعلى راى الشاعر
خليك بارد هتاكل اكل جامد
وسوق فى الهطل هتبقى والله بطل
واعمل عبيط هترتاح من التخبيط
والله ولى التوفيق

---

iJ;`h d[f Hk juhlgiJJl :) 'fuhW ltda ydvil K [df

شوف يا سير حماتو أى حد مهما كان عاوز حد يريحه بزوق وهتاخد منه أحلى معاملة حتى الرجالة مش الستات بس
تقبل المرور