الدنيا , بيض , إلا , ولا , كبيرة! , كرتونة

وما الدنيا إلا كرتونة بيض كبيرة!

لماذا سقف المعارضة أن تقول "لا" دون وجود خطة لما بعد مرحلة الـ"لا"

لحظة من فضلك.. لن أستقطع من وقتك كثيرا؛ فقط وجدت نفسي أريد مشاركتك هذه الاستفسارات.. حقا أنا لا أملك إجابة، ساعدني إن كنت تملك أنت إجابة:

1- لماذا صار كل من يقول لا للحكومة بطلا؟ هل هو العيب في الحكومة أم الميزة فيمن يقول لا؟

2- لماذا سقف المعارضة أن تقول "لا" دون وجود خطة لما بعد مرحلة الـ"لا"؟ وهل هذا يكفي للتغيير والإصلاح؟ أم إنه مجرد سعي لأن تغني الحكومة: "أنا كل ما أقول له آه، يقول لي هو لأ"؟!

3- لماذا يوجد دائما نوع من الإيمان بأن الحكومة تحاول إسكات من يقول "لا"، على الرغم من أنه غالبا لا يملك أي خطط لما بعد هذه الـ"لا"؟

4- ما العلاقة بين بيان الداخلية عن المرحوم "خالد سعيد" وجريمة قتله؟ إن كان مجرماً -وأشك في ذلك- فهل تقصد الداخلية أن تقول: "يستاهل اللي حصل له عشان سوابق".. كنوع من الميكافيلية "الغاية تبرر الوسيلة"؟ أم هو مجرد "أي بطيخ" كالمعتاد؟

5- ما هى خطط كبار معارضينا في مصر، غير "إحنا بنتضرب"، و"الحكومة بنت ستين في سبعين"، والكلام المطلق عن الرشوة والفساد والفقر... إلخ؟ بمعنى آخر يوجد في البحث العلمى ما يسمى بـ"التوصية الناقصة" Incomplete Recommendation وتعني أن توضّح المشكلة دون ذكر طريقة عملية لحلها، مثل أن تقول: "لحل مشكلة الأمية علينا بناء مدارس"، كيف وأين وآليات عملها... هذا هو الجزء الأهم؛ فالجزء المذكور هو الجزء البديهي، أما الآليات فهي الجزء الذي يحتاج إلى عمل حقيقي.. هكذا تخرج أحاديث أغلب معارضينا؛ فغالبا تستخدم جملة "يجب القضاء على الفساد".. يا حلاوة يعني هنقول له "بخ يا فساد" هيخاف ويمشي؟!! لا داعى لأن أقول إن هذا النوع من التوصيات يؤدي للرسوب في امتحان الدراسات العليا.

6- هي إسرائيل كاسرة عينّا لا سمح الله؟ يعني ماسكة علينا صور لبرج القاهرة مع القلعة ولا حاجة؟

7- لو سيادة النائب أحمد عز فكّر يحلق فرزاتشي هل من الممكن أن تزداد شعبيته؟ على أساس إنها ما خيّبتش مع عمرو دياب؟

8- ماذا قدّم مصطفى بكري وأيمن نور وإبراهيم عيسى فعليا للمجتمع المصري؟

9- لماذا قام الأستاذ إبراهيم عيسى بعمل برنامج ديني "الرائعتان"؟ وهل يملك من الخلفية الدينية ما يؤهله لمثل هذا الدور؟ خلفيته السياسية الثقافية لا غبار عليها، ولكن الدينية؟ هل يملك أحدكم فكرة؟

10- هل من الملائم أن يظهر مقدّم برنامج ديني في فيلم للمخرج خالد يوسف المشهور بالأفلام الجريئة، كما ظهر الأستاذ إبراهيم عيسى في فيلم "خيانة مشروعة"؟ هل من الممكن أن تتصور أن يظهر -لا سمح الله- الأستاذ عمرو خالد في فيلم لإيناس الدغيدي مثلا؟

11- هل صحيح الأستاذ "جمال مروان" حفيد "جمال عبد الناصر"؟ إذا كان ذلك صحيحا سيكون من المثير أن نعرف من هو حفيد "سعد زغلول".

12- هو شباب البلد فين؟ يعني أنا شايف كل القيادات من مواليد 1950 ونازل.. أمال الشباب فين؟ بيصيّفوا؟!

13- قالها الله يرحمه "يوسف بك وهبي": وما الدنيا إلا مسرح كبير.. ولو كان عايش كان قال: ما الدنيا إلا كرتونة بيض كبيرة وقابلة للكسر و"برشت".. يعنى اتضحك علينا فيها.. ومش بس كده، ده إنت اللي بتجري وراها.. يعنى لو بتحبها روح لها لحد البيت!!!!

---

,lh hg]kdh Ygh ;vj,km fdq ;fdvm! ,gh

بص يافارس كلامك كله منظقى
واسئلتك جميله اوى وطبيعيه

بس معلش انا هختلف معاك ف السؤال ده
ماذا قدّم مصطفى بكري وأيمن نور وإبراهيم عيسى فعليا للمجتمع المصري؟
انا مش هدافع عن ايمن نور او حتى ابراهيم عيسى
كل الحكايه انى هتكلم شويه عن مصطفى بكرى
بص يافارس انا بعشق الراجل ده
وهقولك بس حاجات بسيطه ده عن اللى عاملها للشعب المصري
__اول واحد وقف مع الشعب ف العيش ونزل وقف وسط الجماهير وساعدهم
__وبرضه هو اللى وقف مع الشعب ف ازمة الانابيب
__اغلب قضايا الفساد او كلها تقريبا هو السبب ف نشرها للجمهور
__كفايه انك لما تسمعه تحس انه بيحب البلاد دى من غير سلطه ومن غير حاجه
تحسه فعلا راجل عايز يعمل حاجه للبلد دى وللشعب
تحس انك واقف قدام راجل مننا مش من الحكومه
كفايه انه اى بنى ادم ف مصر سهل يوصله ويكلمه عن مشكلته
اخرها انه حضر العزا بتاع المقاولين العرب
وقبلها موقفه من غزه
كفايه تعرف انه ممنوع من الظهور عالجزيره عشان موقفه من التطبيع
وختاما يعنى كفايه موقف الدايره بتاعته لما قام من النوم لاقاها اختفت
وف 30 ثانيه كان القرار على الغاء الدايره
ومع انه لو نزل ف اى دايره هيكسب وباكتساح
الا انه ماتخلاش عن دايرته
رغم انه نازل قدام وزير الانتاج الحربى
وانت عارف يعنى ايه وزير الانتاج الحربي ف حلوان
يعنى المصانع اللى مشغله الألاف ف حلوان
وبرضه ساعتها
تسمع صوت الملايين وهما بيهتفوا ف صوت واحد
**لو حلوان هتولع نار...غير بكرى ماهتختار**
لو سمعتها منهم هتعرف مصطفى بكرى قدم ايه للشعب
قالوها بصدق وحب حقيقي للشخصيه دى
لانهم حسوا انه واحد منهم

وده اللى انا فاكراه الا انى متاكده انه قدم حاجات اكتر
يمكن انا مااوعاش عليها
بس الراجل ده علا انا بعشقه
تحسه صادق وحقيقى مش مزيف ولا بتاع شعارات

بس كده
انا كده خلصت كلامى يافارس
ومستنيه اسمع ردك
ومعلش انا طولت عليك
بس الموضوع رائع
تقبل مرورى