البانجو , الطوارئ , خالد , سعيد , شهيد , فوضى , وهي

خالد سعيد شهيد الطوارئ ام شهيد البانجو وهى فوضى

استيقظت فى احد الايام على خبر نشر على موقع مصراوى يشير الى حادثه قتل بشعه تعرض لها شاب مصرى على يد مخبرين فى محافظه الاسكندريه

خبر من سابق ما رايته على اليوتيوب والفيديوهات المتناقله على الموبايلات يعتبر خبر عادى

فالشرطه المصريه لها تجاوزات كثيره فى حق المواطن المصرى

يكفينى ما اراه بشكل يومى فى لجان المرور المنتشره على الطرق

الخبر وجدت انه حظى بمتابعه اسطوريه فى تاريخ الموضوعات مما ادى بالطبع الى انتشاره بشكل غريب فى جموع الشباب المصرى من خلال المنتديات

الامر الذى اوصل الموضوع الى موقع الفيس بوك الشهير ونشات جروبات تحمل اسم الشاب القتيل

وصور شخصيه للكثير تغيرت الى صوره هذا الشاب مطالبه باخذ حق دمه المراق سدا

خالد من وجهه نظر من يروه شهيد الطوارئ

هوا مثال لشباب مصريين كثيريين يجلسون على مقاهى الانترنت ويقضون فيها الكثير من الوقت

اضف الى ذلك الفيديو الذى ظهر الى النور بعد الوفاه وهوا فيديو اراه غريبا نوعا ما

فسابقا كان الضباط يصورون انفسهم وهم يضربون المتهمين

اما الان فهم يصورون عمليه تهريب حشيش الى الشارع المصرى اللى الحشيش كان شاحح منه

البعض اتكلم ان دا السبب

الحشيش كان شاحح

والداخليه مش من مهامها انها تعكنن على الشعب علطول

فكان فى تويجهات من فوق انه " خلى الشعب يعيش" وبالتالى وزعوا الحشيش بشويش

بس حظهم ان الفيديو اتصور

ووصل لايد الشاب ده

اللى نزله ونشره بين زمايله

واتكلموا انه كان عايز يعمل مدونه يفضح فيها البوليس

بصراحه انا كنت مستنى اى برنامج من اللى بيغطوا الوفاه يذيع الفيديو ده علشان نعرف تعقيب الداخليه

بس لا تعقيب

المهم

فكان نتيجه كده

انه حصل زى فيلم "هى فوضى "

بعتوله خالد صالح

واللى اتفرج على فيلم "هى فوضى" ( واظن ان كل اللى شاركوا فى المظاهرات او تعاطفوا مع الشاب شافوه ) هيفهم يعنى ايه خالد صالح

وبما انه وزى الفيلم البوليس هيعرف يسلك نفسه

فطبعا النيابه لما جت تحقق البوليس لبس الادله وجاب شهود تبعه شهدوا باللى قاله المخبرين

وعليه تم الافراج على المخبرين

م " هى فوضى"

وكالعاده تم تظبيط الطب الشرعى علشان يطلع تقرير ان سبب الوفاه هوا بلع الشاب للحشيش اوالبانجو اللى كان معاه مما ادى الى اختناقه

"هى فوضى"


حسيت من الشباب والفتيات اللى اتكلموا فى الموضوع انهم بيتكلموا عن فيلم هى فوضى

بس بدل المخبر كان صول فى القسم

وتوالت الايام

واذا بى كل يوم اجد عشرات الاحاديث هنا وهناك حول هذا الامر

وعلى فكره الناس بتوع حقوق الانسان وكده المفروض يفرحوا

الشعب المصرى كله هب وقام علشان مقتل شاب

زمان من 10 سنين كده

كان بتحصل مدابح اكتر منها فى مصر ومحدش كان بيتكلم

المهم

بدا الموضوع ياخد شكل الجديه

بدخول الجرائد القوميه السباق

الاهرام دخل متزنا عندما ذكر الروايتين

(روايه اهل الشاب والشهود)

وروايه الداخليه التى قرتموها

والتى يرى مصدقها

ان الشاب عاطل

فشاب يقضى وقته على الانترنت طوال الوقت حسب شهاده الجميع

هوا شاب عاطل

وبالتاكيد شبهه تعاطيه للمخدر ليست بالمستحيله

ولا يستبعد ان يكون عاكس احد الفتيات فى السابق مثل شباب كتير من شباب الجيل ده

ولم جه المخبرين يمسكون بلع المخدر

فما كان منهم غير انهم ضربوه علشان يلفظها مره اخرى لانها دليل ادانته

وكلنا بفتكر احمد ذكى لما قال دى حتت حشيشه ملناش دعوه بيها ورماها وبكده يبقى الحرز طار ومفيش قضيه

لكن حسب روايه الداخليه الولد بلعها

والمخبرين كانوا بيضربوا فيه علشان يخرجها

ولكن امر الله نفذ ومات الشاب من الاختناق

طبعا للاسف ظهر طرف تالت

وهوا مطبلاتيه الحكومه

اللى زى جرنان الجمهوريه الغير محترم اخلاقيا

ليصف شاب ميت بشهيد البانجو

حتى وان كان مات كما روت الحكومه

ولكن

علينا احترام حرمه الموت

وبداو فى التشكيك فى الولد

وبدل من التعاطى اصبح يتجر

وبدل المعاكسه اصبح تحرش جنسى

وتحدثت فى خبر لم يتم تبين صحته ان الصوره المنشروه على الانترنت لخالد بعد الوفاه هيا صورته بعد التشريح بتاع الطب الشرعى وبالتالى هيكون الصوره منطقيه

زيهم زى الطرف الاخر المعارض

اللى اختزل مصايب مصر كلها

فى قضيه الشاب خالد

الناس نسيت انتخابات الشورى والفضائج اللى فيها

نسيت الراجل اللى بيكلم نفسه اللى اسمه البرادعى ومطالبته بتعديل الدستور المصرى

نسيت مصيبه اسطول الحريه وفتح معبر رفح

المهم

اسئله نقاشيه


رايك فى اللى حصل ؟

اى من القصص او الروايات تصدقها ؟

توقعك بقرار لجنه التحقيق اللى النائب العام شكلها وامرها باعاده تشريح الجثه ؟

شفت فيلم "هى فوضى" ولا لاه

---

ohg] sud] aid] hg',hvz hl hgfhk[, ,in t,qn ,id

الحادثة دى حديث الشارع فى إسكندرية وفى مصر بشكل عام تقريباً ، سمعت قصص كتير عن الحادثة بس اللى صدقته إن خالد مات من الضرب مش مات من بلع المخدرات ، سمعت كمان إن فيه إتنين من مجلس الشعب متصدرين فى الحكاية دى وإنهم مش ناويين يعدوا الموضوع غير لما الحقيقة تبان ، أتمنى كده بجد ، حرام دم خالد يهدر كده بالسهولة دى ، الله يرحمه وحسبنا الله ونعم الوكيل

تقريبا هى فوضى ,,
ودا اللى انا شايفه بصراحة .. أى حاجه تانيه من اللى الحكومة بتقولها والخبر اللى اتذاع على التلفزيون المصرى مش داخل دماغى ابدا انه واد منحرف يعنى
وبيشرب مخدرات وبيتحرش بالبنات دا حتى شكله ميديش على كدا
بصراحة كنا مستنيين من المدعى العام والداخلية حاجة بس الظاهر معندناش مدعى عام والداخلية ظبطت الخبر وشكرا
أخو المجنى عليه فضحهم على الانترنت يعنى لا تلفزيون ولا بتنجان
الشعب معتش ساذج بالدرجة اللى هيا يعنى كل حاجه بقت واضحة عيانا بيانا
تقريبا الناس كلها بتدخل نت اللوقت ونسبة كبيرة جدا بتدخل الفيس بوك اللى اتعمل عليه جروبات فعلا خاصه بقضية الشاب والمطالبة بأخذ حقه
لكن لا حياة لمن تنادى ودا رأيى بكل صراحة وبأختصار الحكومة بتحمى ولادها أوووو بلطجيتها بمعنى اصح
وبقولها وسلملى على حرية التعبير

حسبى الله ونعم الوكيل فيهم



ان شاء الله حق خالد مش هيروح لانه مش يستاهل اللى حصل له ده ابدا



دى اخر اخبار القضيه





الطب الشرعي "شهيد الطوارئ لم يبتلع لفافه البانجو"

اسم السلسلة: شهيد الطوارئ
فجرت هيئة المدعين بالحق المدني في قضية مقتل خالد سعيد الشهير بقتيل الشرطة مفاجأة جديدة بتأكيدها أن لفافة البانجو التي قالت وزارة الداخلية إن خالد قام بابتلاعها يصل قطرها إلي 2.5 سم فيما يصل طولها إلي 7.5 سم وهو ما يجعل فكرة دخولها إلي القصبة الهوائية شبه مستحيلة.

وقال محمد عبد العزيز ـ المحامي ـ إنه في حالة صدق رواية وزارة الداخلية حول ابتلاع خالد لفافة البانجو كان يجب أن تظهر مجموعة من العلامات حول القصبة الهوائية لكن هذا غير موجود ولم يتم الكشف عنه في معاينات الطب الشرعي، وهو ما يفتح الباب نحو التشكك في هذه الرواية خاصة أن الطبيب الشرعي قام بإرسال اللفافة إلي المعمل الكيماوي دون تحريزها.

وأشار المحامي إلي أن معاينة الطبيب الشرعي أثبتت وجود قطع بالقصبة الهوائية لكن شكل القطع ليس مطابقاً لحالة الاختناق ببلع لفافة البانجو، ومن الممكن أن يكون القطع ناتجاً عن ضربه بقوة عليها وهو ما تؤكده شهادات الشهود.

من جهة أخري أعادت اللجنة الثلاثية للطب الشرعي دفن جثة خالد سعيد بمدافن المنارة بعد إعادة تشريحها بحضور عم القتيل وخاله وشقيقه، بينما رفض المستشار أحمد عمر ـ رئيس نيابة الاستئناف بالإسكندرية ـ الإعلان عن التقرير الأولي للجنة الثلاثية المنتدبة من مصلحة الطب الشرعي برئاسة كبير الأطباء، مؤكداً أن النائب العام سيعلن عنه خلال أربعة أيام.

وفي سياق متصل نظم المئات من شباب القوي السياسية بالإسكندرية مظاهرة جديدة أمام منزل خالد سعيد بميدان كليوباترا وسط تشديد أمني، وشارك في المظاهرة الشيخ أبو عمر المصري وممثلون لمراكز حقوقية فضلاً عن ممثلين لأحزاب التجمع والوفد والكرامة والغد والجبهة الديمقراطية والجمعية الوطنية للتغيير ومركز الدراسات الاشتراكية وحملة دعم البرادعي وجماعة الإخوان المسلمين.

وطالب المتظاهرون بتقديم القتلة إلي المحاكمة العاجلة وتغليظ العقوبات عليهم، كما طالبوا بمحاسبة وزير الداخلية لمسئوليته السياسية عن وقائع التعذيب وآخرها مقتل الشاب خالد سعيد.

وفي نفس السياق أعلنت جماعة الإخوان المسلمين عن تدشين حملة لمحاكمة اللواء محمد إبراهيم ـ مدير أمن الإسكندرية ـ لمسئوليته عن قتل خالد سعيد فضلاً عن حالة الانفلات الأمني التي بدأت في التصاعد منذ توليه مهامه بالمحافظة ومنها قيامه بمحاصرة ميدان الساعة واعتقال أكثر من 30 مواطناً دون تهمة، فضلاً عن عشرات حالات التعذيب التي تمت في أقسام الشرطة في عهده - حسب بيان الجماعة.

وأعلنت الجماعة في بيانها أن الحملة ستبدأ بجمع 100 ألف توقيع لمحاكمة مدير الأمن بالإسكندرية، ومن المنتظر عقد مؤتمر صحفي حسام الوكيلللإعلان عن متحدث رسمي باسم الحملة وإعلان خطواتها ومراحلها.
المصدر: الدستور