السلام عليكم ورحمة الله وبركاته !!
كل عام وأنتم بخير ،،
رمضان خلاص عالأبواب ، يا ريت نستعد نفسيًا وإيمانيًا ..
بس مش هو ده موضوعنا النهاردة ،،
استرجل !!
كلمة كتير مننا سمعها في إعلان مشروب شعير مشهور ،
ناس كتير اعترضت عليها ، وناس كتير أعجبت بيها ،،
وكان بين دول ودول فريق اعترض عالكلمة واستغلها في أغراض تانية ..
استرجل !!
كلمة رنت في وداني إمبارح ساعة صلاة الفجر ،،
كنت قاعد عالنت لمدة طويلة جدًا بدور على حاجة ،
وقدر ربنا عز وجل إني ألاقيها ساعة الآذان ..
وبطبيعة الحال طبعًا إبليس - لعنه الله - شغال وساوس بقلب جامد ،
مرة واحدة ! قمت وسبت الكمبيوتر وقلت لنفسي
استرجل !!
استرجل دي الناس فاكراها كلمة موضة مثلا ،، بس ده طبعًا كلام تعبان !!
أقولك ليه ؛ هو انتا مسمعتش قول ربنا عز وجل :
" من المؤمنين
رجال صدقوا .. "
استرجل !!
في زماننا ده مفهوم الرجولة للأسف ضاع بين كتير من الشباب ،،
منهم اللي فاكر الرجولة في إنو يكون ماشي معووج والسيجارة في بؤه ،
وطبعًا مش أي ماركة ، لازم تكون حاجة مستورد ،
وحتى لو كان معهوش فلوس يجيب المستورد ،
يجيب علبة المستورد ويحط جواها المحلي ،
سبحان الله !! حتى في المعاصي بنتعوج
وشباب كتير فاكر الرجولة إنو يصاحب فلانة وعلانة ، ويخرجو ويروشو زي مابيقولو !!
لا لا لا لا لا !!
مش هيا دي الرجولة خااااااااااااالص !!
الرجولة دي حاجة أكبر من كده بكتييييييييييييييييييييير يا جماعة !!
استرجل !! إحساس ميقدرهوش غير الراجل !!
استرجل ، وجاهد نفسك وصلي !!
استرجل ، وجاهد سيجارتك وبطل تدخين !!
استرجل ، وبطل تصاحب فلانة وعلانة !!
استرجل ، وبطل تسمع أغاني وتسهر في ديسكوهات !!
استرجل ، وخلي عندك شخصية تقتدي فيها بالنبي صلي الله عليه وسلم !!
استرجل ، ومتصاحبس كل من هب ودب >> اخترلك صحبة تعينك عالخير !!
استرجل ، وخليك صادق في كلامك ووعودك واكسب حب الناس !!
استرجل ، وانفع دينك وأهلك وبلدك وقبل ده كله >> نفسك !!
قال تعالى : "
عليكم أنفسكم لا يضركم من ضل إذا اهتديتم "
استرجل ، وغض بصرك وقاوم شهواتك !!
استرجل ، ومتضيعش رمضان من إيديك !!
سدأني هيا دي الرجولة بحق ،، ولو أي حد تاني في الكون حاول يقنعك بخلاف كده ..
يبقى بجد بيخدعك وبيضحك عليك !!
استرجل !! إحساس ميقدرهوش غير الراجل 
منقول.
استرجل !! إحساس ميقدرهوش غير الراجل !!
العرض العادي
