لتلاميذ , القلب , الكابتن , تسريحات , هيصا , قبل , كوميدية

قبل القمة تصريحات كوميدية لتلاميذ الكابتن هيصا !!

بعد تأهل الاهلى والزمالك لدور الستة عشر وسيول التصريحات من نجوم نادي الزمالك لا تنقطع على مدار الساعات الماضية فهل لاعبو الزمالك يحاولون سد الفراغ بعد إختفاء المنسق العام مع ايقاف التنفيذ عن الساحة وغياب تصريحاته الرنانة؟؟ فقرروا أن يقوموا بالواجب خصوصا أنهم مقبلون على حدث تاريخي وهو لقاء النادي الاهلى وهو بمثابة العيد القومي لظهورهم على شاشات الفضائيات وهدفا لمراسلي المواقع الالكترونية حرمهم المنسق العام في لقاءي الدوري بأستحواذه على كافة المنافذ الاعلامية !!

تصريحات نجوم الابيض قبل لقاء الكأس توضح مدى قلقهم وخوفهم الشديد من اقصاء على يد المارد الاحمر يجهض كل الاحلام بالعودة لمنصات التتويج وانكشاف اكذوبة المنقذ !!

وبالفعل لم يخيب نجوم الابيض ظن منسقهم وكانوا خير من يخلفه في اطلاق التصريحات النارية وكانوا هدفا سهلا للمراسلين فكل دقيقة بتصريح ناري وكانت البداية مع احمد جعفر

* فأحمد جعفر يتوعد الاهلى وأنه سيمزق شباكه طيب وأيه الحل يا عم جعفر نوصي اتحاد الكرة يعد شباك من حديد حتى لا تتمزق ويتعرض فريقك لتحمل تكاليفها وندخل في دوامة القسط والشيكات المضروبة !!ولاانت واد فييص وعامل حسابك وها تتنازل عن القسط بتاع مستحقاتك وكله فدا الشباك !!!

*وان كان أحمد جعفر مهاجم وربنا كرمه ودخل التاريخ وأحرز هدف في الاهلى وطمع أنه يقدر يجيب شقلة أجوان وقولنا ماشى يا يابن عم جعفر ما انت ما حضرتش ايام الستات والاربعات والتلاتات وجيت لما اتعادلتوا وعملتوا من مدربكم اسطورة !!المرة دي ابراهيم صلاح وأبوخليل بيلعب وسط مدافع وربنا ما كتبلوش أنه يحرز اهداف من يوم ما لبس فانلة الزمالك قام زايط في الزيطة وأهو كله بيزيط دا المنسق بتاعه ها يقفل الاهلى جات على أبو صلاح يعني !!فابراهيم وعد ووعد الحر دين ان اول أهدافه في شباك الاهلى ؟؟ مش كفاية الاخ اللى ناوى ينزل بمطوى يقطع الشباك ولا أنتو ناويين تلعبو الماتش قبل ما فريق الاهلى ينزل الملعب !!

*الناس دي جديدة ولهم كل العذر يقولوا اللى يقولوه انت يا عبد الواحد يا عاقل ياراسي يا قديم تركب الموجه وتهيص في الهيصة دا انت وزميلك أوسة عارفين اللى فيها ولا علشان ما كسبتم الفيوم خلاص قلبك مات ياراجل دا الصفتى لسه مخاصمك على القلم اللى اديتهولو بعد جول فلافيو !!

*وعمرو زكي قولنا احترف في بلاد بره وعرف الكرة بتتلعب ازاي وان موضوع التصريحات دا حيلة الضعيف والمهزوز اتاري أن الطبع بيغلب التطبع وموسم ونصف في بلاد الضباب لم تضيف جديد على عموره ابن المنصورة وأول ما نزل من سلم الطيارة وهاتك يا تصريحات وانه بيوعد الجمهور الابيض ببطولة الكاس هل بت الحج زكي ما عرفكشى ان حبيب الناس ناوي على الكاس ؟ وانت عارف اللى فيها ولا نسيت ماتش 4/3 !

*وحسين ياسر شايل مصحف في ايده وكل ما يقابل صحفي يحلف عليه ان الكاس للزمالك طيب يا سحس مش لما تشرب طاسة الخضة بعد قلم بركات تبقى تحلف براحتك !!

واللى يسمع التصريحات الرنانة دي وهو حديث عهد بالتشجيع الكروي يتسرب اليه أن اتحاد الكرة أقر قانون الفورة وهو النظام المتبع في دوري الحواري فشيكا وزكي وحسين ياسر وجعفر وكمان ابراهيم صلاح بيحلفوا كلهم بأغلظ الايمان انهم سيهزون شباك الاهلى كل على حده ؟طيب فين الاهداف دى كلها فى ماتش الفيوم ؟؟

المهم إن التصريحات دي بتماثل تماما تصريحات بعض لاعبي الفرق الافريقية المغمورة والتي وضعها القدر في طريق التوربيني الاحمر عملاق مصر وملك افريقيا المتوج لنجد تصريحات على هذه الشاكلة حتى يعتقد البعض أن الاهلى سيلاقي اسود وعندما يطلق الحكم صافرة البداية تتحول الاسود لنعام يختبئون خوفا من مواجهة المارد الاحمر .

*أما المدرب الابيض فشاف أنه قام بالواجب وزيادة بعد ماتش الدوري لما بركات قال كلمته في الدقيقة الاخيرة فحاول الا يتورط مجددا في تصريح ابراهيماوي فاراد أن يكحلها فأعماها بعد أن خرج ليتهم جمهور الاهلى انه يسبه هو وشقيقه ويناشد اتحاد الكرة بانزال اقصى العقوبة على النادي الاهلى ؟ ايه يا حس المبارة بين الزمالك والفيوم وتقام على ملعب الفيوم وليس للأهلي ولا جمهوره ناقة ولا جمل في المبارة فتحت اي بند تطلب من اتحاد الكرة عقاب الاهلى وجماهيره ياراجل دا حتى عيب وجمهور فريقك عامل شغب وخرب المدينة الهادئة ودخل في عراك مع الامن وروع سكان المنازل المجاوره للاستاد مش أولى ان نصايحك تكون لجمهور فريقك المشاغب ؟ والا بالحق صحيح انت ما وقفتش تطلع المحتجزين ليه زي كل مرة اصل مواقع ناديك لا حس ولا خبر ولا قالوا انك جريت خلف مجموعة متعصبة كانت بتستهدف الاتوبيس !!! على كدة الكلام بتاع زمان دا كان طق حنك وترويج انك حامي حمى عكا ولا ايه !!!

*ف النهاية ان غدا لناظره قريب ويوم الاربعاء على الابواب (والميا تكدب الغطاس) المهم تطلعوا بحيلة جديدة وتبرير مقنع علشان الجمهور الابيض متعلق في حبال الهوى وهاتكون الصدمة قاسية فحدوتة القهر والمؤامرة مش ها تأكل عيش ,

وكل قمة والاهلى فوق الجميع .

---

rfg hgrlm jwvdphj ;,ld]dm gjghld` hg;hfjk idwh !! hgrgf jsvdphj

الظاهر كده والله اعلم
ان الزمالك مرعوب ياحرااااااااام وحظه جى مع الاهلى بدري بدري
فمالقوش حاجه يعملوها غير الكلام
وارض الملعب تكدب اللعيب
مش كده ولا ايه؟؟

نورت تانى يامحمد

تسلمي سلفر علي المرور
_ بالنسبة لحسام حسن الواحد بس ما بيحبش الغرور وحسام مغرور جدا ً
وأنا نفسي الأهلي يكسب مش علشان أنا اهلاوي لا بس علشان يكسر منخير حسام حسن
زي الدوري
دا كانت الفيوم هتشيلهم الماتش لولا ستر ربنا مرداش يكسفهم
دول بهدولوا الزمالك خالص
النتيجة دي تعتبر خسارة بالنسبة للزمالك مش مكسب
صح ولا في كلامي خطأ

كلامك مزبوط جدا
وزى ماقلت ارض الملعب هتكون الفيصل
ربنا معانا ان شاء الله