المهم قولي انت ظروفك ايه ؟
حاجة تجنن والله
كل ما تفتح منتدى او تدخل على موقع او تعمل جولة فى الفيس بوك تلاقى نفس الموضوع بأشكال وطرق مختلفة وكأننا خلاص كلنا بقينا فلاسفة واساتذة وخلصنا تجاربنا الشخصية وفاضل بقى نشرف على تجارب الاخرين ونعطى لهم الارشادات ونقولهم يعملوا ايه ويتصرفوا ازاى و كل مرة نكتب كم هائل من النصائح المكررة من امثلة كيف تكون ناجح فى حياتك واقصر الطرق للوصول لأحلامك البعيدة مش عارف بعيدة فين يعنى على الصحراوى مثلاً
يا جماعة ارحمونا مش كده انا عن نفسى فكرت اعمل فيها فيلسوف
ايوه فيلسوف هى جت عليا ولا علشان انا طيب و وبحب انام بدرى
بس بينى وبينكم الجو لم يأتى على الهوى والقلم اعلن العصيان وقالى وبعدين يعنى هى الحكاية ناقصة حضرتك أليس هناك خبراء ومتخصصون فى هذا المجال أكثر علما ودراية ومعرفة ؟
جميل انك تكتب نصائح مفيدة للناس . جميل انك تاخد واحد تايه ومش لاقى طريق لأقرب محطة ممكن ينطلق منها الى مستقبل مشرق ورائع .
جميل انك تزرع فى قلوب الناس امل وحلم وفرحة .
جميل انك تشيل روح اليأس من صدورهم وتزرع شجرة امانى فى قلوبهم
كل ده حلو ومطلوب بس الاول لازم برضه تعرف ظروف الناس ايه وانت عارف صوابعك مش زى بعضها وعمرها ما تكون
انا معك تماما من ان هناك مجموعة من الخطوط العامة التى يتفق عليها الجميع لكن حين الحديث فى التفاصيل سنختلف من المؤكد فى الرأى لأن كل انسان سيرى الامور من واقع تجربته الشخصية عشان كده بنقول ياريت نستمع هنا الى رأى الخبراء فى هذا المجال لأن الموضوع مش سهل او بسيط زى ما بعض الناس فاهمين
ويا عزيزى القارئ اليك النصيحة الاهم
انت ادرى واحد بظروفك وانت اكتر واحد عارف مصلحتك فين وتقدر تحدد طريقك ومستقبلك خذ من النصائح المتراكمة امامك ما تشعر انه سيضيف اليك وسيساعدك فى طريقك الذى اخترته انت و توكل على الله وابدأ
الحكاية مش كيميا الحكاية بس عاوزة شوية تركيز فى انك تحدد هدفك وشوية اصرار انك توصل له وخذ من نصائح الاخرين ما يتلائم مع ظروفك ويتناسب مع حالتك اجعل نصائحهم وقودا يدفعك للأمام طالما امكن ذلك وفى الاخر انت اكتر واحد عارف ايه يمشى معاك
hglil r,gd hkj /v,t; hdi > ? hggil
المهم قولي انت ظروفك ايه . . . . ؟
العرض العادي
