السلام عليكم ورحمة الله وبركاته
بسم الله الرحمن الرحيم
يقدم جوجل خدمة ظريفة وقيمة وهي تذكيرك
بالمواعيد على موبايلك من خلال رسائل إس إم
إس ، وهي خدمة مجانية تماما ، كل ما عليك هو
إنشاء حساب على الجوجل ثم الذهاب للتقويم
واختيار الإعدادات ثم ضع رقم موبايلك ،
واضغط على زر إرسال الكود ، ستصلك رسالة
فيها رقم ، ضع هذا الرقم في مكان الكود على
الموقع ، و يمكنك بعد ذلك تسجيل مواعيدك على
التقويم في جوجل وتفعيل الإعلام عن طريق ال
إس إم إس ، و إن شاء الله ستصلك رسالة
بالتذكير بمواعيدك كما عينتها وطلبتها.
بالتوفيق.
لحد هنا م ن ق و ل
ودلوقتى هاشرح بالصور علشان المبتدئين
https://www.google.com.eg/
بعد الدخول على
جوجل اضغط على كلمة حسابى
ثم اضغط على كلمة المزيد
ثم اضغط على التقويم
هاتأكد كلمة السر
1- الاسم 2- اسم العائلة 3- اختار الدولة
لما اخترت مصر كتبلى GMT+2 وانت عارف ان التوقيت اتغير يعنى احنا دلوقتى GMT +3
فانا دوست على رقم 4 وبعدين اخترت اى مدينة بالتوقيت ده (لو 4 ماظهرتش يبقى علم على اى دولة غير مصر هاتلاقيها ظهرت وبعدين ارجع على مصر هاتلاقيها لسة موجودة)
ولازم الخطوة دى لان لو الساعة مش مظبوطه فى التقويم يبقى كل المواعيد اللى عليه هاتبقى غلط
اضغط على كلمة انشاء حدث
اكتب العنوان واكتب معاد الحدث هايبدأ امتى وهاينتهى امتى ( المهم هايبدأ امتى )
واعمل صح على تكرار لو عايزه يتكرر كل يوم او كل اسبوع او كل شهر او كل عدد معين من الايام
وحدد انت عايزه يتكرر لمدة اد ايه ولا على طول (انا مختار فوق كلمة (مطلق) ولو اخترت كلمة حتى يبقى هاتحدد انت عايزه يتكرر لمدة اد ايه
كلمة حالتى دى لو انت ليك اصدقاء ومش فاضي تسيت معاهم وبتعمل حالتك مشغول او متواجد
وكلمة الخصوصية يعنى انت لو عايز حد من اصدقائك يشوف مواعيدك ولا هيه خاصة
وماتنساش فى الاخر تدوس على كلمة حفظ
يبقى هو ده الشكل الجديد اللى عندنا
اضغط بقه على كلمة اعدادات علشان نظبط موضوع الرسالة اللى هاتجيلك على الموبايل بالتذكير ده
اضغط على كلمة اعداد الجوال
اختار الدولة وبعدين اكتب رقم الموبايل من غير كود الدولة وبعدين اضغط على ارسال رمز التحقق
هاتجيلك رسالة على الموبايل انقل الرقم اللى فيها فى الخانة رقم 4 ودوس على انهاء الاعداد
هيديك القائمة دى
هايجيبلك الصفحة دى
اختار اذا كنت عايز التنبية يجيلك على الايميل او بال SMS بعدين شوف تحب الرسالة تجيلك قبل معاد
التذكير بأد ايه
وممكن تضيف كذا تذكير لنفس الحدث تذكير فى النص وتذكير فى اخر الحدث مثلا
وعلى على موضوع الدعوات الجديدة شوف عايزها تجيلك على الايميل ولا ال SMS ولا الاتنين
وممكن تعلم على الاجندة اليومية بحيث ان كل يوم الساعة 5 يبعتلك رسالة تقولك ايه اللى عليك النهاردة
ولو فيه اى حد معرفش يشغل الموضوع ده يقولى وانا ان شاء الله افيده لحد مايعرف يشغل الحوار ده
انا نسيت اقولكم ان النهاردة الفجر بالفعل جاتلى رسالة من عمو جوجل وقاتلى فيها بالنص
التذكير : صلاة الفجر @ الاتنين 3 مايو 4:35 ص - 5 ص فى الصلاة الفجر جماعة
ممكن تعمل اكتر من تذكير على صلاة الفجر مثلا بحيث تجيلك اكتر من رسالة على الموبايل
والسلام عليكم ورحمة الله وبركاته
هاتصحى الفجر مع خدمة التذكير بالرسائل المجانية من جوجل
العرض العادي
