المصرى الاصيل هوا اللى لو ... !!

السلام عليكم ورحمة الله وبركاته

المصري هو اللي لو عمل حاجة حلوة يبعت لجاره طبق يدوقه

وهو اللي لو لقى الدنيا بتشتّي يجري يخبّط عليك يقولك لمّ الغسيل

وهو اللي لو شم عندك حاجة بتتحرق يجري يطمن عليك لا تكون اتخنقت

وهو اللي لو سمع صوت زعيق وخناق عندك يجي يصلح

وهو اللي لو لقى خناقة في الشارع يقف يحوش مش بس يتفرّج

وهو اللي لو لقى حد بيغرق يجري ينط في الميه حتى لو هيغرق معاه

وهو اللي لو اتفرط منك كيس الجوافة في الشارع يقف يلمّ معاك

**********

المصري هو اللي لو حس انك مزنوق يعملك جمعية مخصوص و يقبّضك الأول

و هو اللي يقف معاك في الأحزان و الأفراح زي مايكون من بقية اهلك

و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش

و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه

**********

المصري هو اللي يقعد معاك ع الفطار في رمضان

المصري اللي يشتري بالونات لولادك في العيد

المصري اللي يقف جنبك وانت بتدبح الاضحية

المصري اللي يباركلك لما ابنك يجيب مجموع ويساعدك يجيبله شغلانة

المصري اللي ييجي يقولك تجيب كشاكيل و أقلام بالجملة عشان توفر المصاريف

**********

طيبة المصري مش ممكن تلاقي زيّها فى اي بلد تانية

---

المصرى الاصيل هوا اللى لو >>> !!

لا والله كلامك جميل يامافياوي ......... تسلم ايدك ياغالي علي الكلام الأكثر من رائع

انا افتخر اني مصري

شكراً Mr.s على مرورك الكريم

المصرى هوا اللى بيرحب وفاتح دراعاته لكل الاشقاء العرب



وبيحاول يساعدهم كلهم من قلبه



ويا ويله من يجى عليهم


والتاريخ يشهد

المصرى هوا اللى بيرحب وفاتح دراعاته لكل الاشقاء العرب



وبيحاول يساعدهم كلهم من قلبه



ويا ويله من يجى عليهم


والتاريخ يشهد

شكراً يا مندوذ على مرورك الجميل

شكرا يا مافياوى على موضوعك الجميل جدا
وعرضك النموذجى للانسان المصرى العظييييييييم

اشكرك يا مفياوى على موضوعك الجميل بجد

اتشرف طبعا انى اكون مصرى

لو لم اكن مصريا لوددت ان اكون مصريا

المصريين معروفين بكرمهم واخلاقهم بين الناس

مفيش حد ابدا اشتكى من المصريين الا الجبناء

هما اللى بيشتكوا مننا لانهم جبناء هتتوقع اية غير كدة