فنجان , وطن

فنجان وطن

مــا بين كلمه جاهينيه
و بين غنــوة منيريــة
باحب ارتـاح ف كراستي
و احب أسكن ف أغنيـة

مــا بين إحساس بيخنقني
و بين فرحــة بتسرقني
افك زرار قميصي و اطير
اقع ف الحزن بالنية

مـــا بين كلمة تبكيني
و بين نكته تضحكني
أنام ويا القمر أصحى
أدور ع الضيا فيا

مـــا بين حلم ف سما شارد
و بين نجم السما البارد
اخاف م الحب و استنى
يقع قلبي... ف رجليا

مابين جنة ف خيال خالي
و بين خلوة زمن جالي
كلام شارد على عودي
و انا عندي الغنا غيه

ما بين ذكرى من الماضي
و بين قلبي اللي فاض فاضي
أفضي العمر من جيبي
و اموت فيكي بلا ديه

مــا بين فنجان وطن ساده
و بين فنجان وطن مظبوط
بحب الشــاي على سطوحي
تدوب جــواه معــانيا

و انا بيني و بين نفسي
تبان بين البينين شمسي
اشوفني فيكي وانساني
مـــا بين اللحظه و التانيه

بحبك يامصر
sendrela

---

tk[hk ,'k

كلمات رائعه
تسلمى ياسندريلا

الله عليكي ياسندريلا
كلمات رائعة
تسلم ايدك
وتقبلي المرور؛

شكرا علي مروركم ياجماعه
وانتظروا مفاجآت سندريلا

موضوعي ماعجبكوش ولا ايه ياتيفاويه
؟؟؟؟

ما بين ذكرى من الماضي
و بين قلبي اللي فاض فاضي
أفضي العمر من جيبي
وأموت فيكي بلا دية

تسلم أديكي سندريلا علي الشعر الرائع

شكرا يامحمد علي مرورك

فنجان وطن ساده

ممكن واحد سكر زيادة