شوفوا ولاد اللذينه اليابنين بيغشوا ازاى..!!!؟؟؟؟

**حبيبـة ابـوها** · 2010-04-15, 09:45 PM

اللذينه , اليابنين , ازاى..!!!؟؟؟؟ , بيغشوا , شوفوا , ولاد

شوفوا ولاد اللذينه اليابنين بيغشوا ازاى..!!!؟؟؟؟

السلام عليكم ورحمة الله وبركاته

صباح الخير / مساء الخير ياحبايبي
ازيكو عاملين ايه؟ يارب تكونوا بخير وزى الفل

قبل ماتنامو تعالو شوفو اليانيين بيبرشمو ازاي
اول حاجة يكتبو اللي عايزين يبرشموه ع الكمبيوتر

بعد كده يطبعوها

بعد كده يحطوا عليها بلاستر

شوفوا ولاد اللذينه اليابنين بيغشوا ازاى..!!!؟؟؟؟ 132003670.jpg

وبعدين يقصو الجزء اللي عليه البلاستر الشفاف

وبعدين يحطوها في الميه

يشيل الورق

وبعدين ينشفها

وبعدين يحطها في اي حتة بقه .. على الكتاب

على القلم

على العصير

وكده اخر فــــــــــــــل وجوز اللوز
وتمام التمام

ماحدش يغش بقه علشان من غشنا فليس منا
عيب ماشى اتفقنااااااااااااا

a,t,h ,gh] hgg`dki hgdhfkdk fdya,h h.hn>>!!!????

**AlSam3r** · 2010-04-15, 09:51 PM

بتعرفيهم ازاى يغشوا وبعدين محدش يغش بقى حلوة النصيحة والطريقة

**silver_shadow** · 2010-04-15, 10:07 PM

والله انا بيتهيقلي المذاكرة ارحم واسهل من اللى هو بيعمله ده

**عاشق الايمان** · 2010-04-15, 10:13 PM

ههههههههههه

فكره جامده والله

يا ولاد اللذينه

موضوع جامد حبيبه بابا

**حبيبـة ابـوها** · 2010-04-15, 11:29 PM

ما دى نصيحتى ياسامر بئه اللى عايز يغش ادى الطريقه
بس من غشنا فليس منا
وعلى رايك والله ياسيلفر لو ذاكر اريحله من وجع الدماغ دا
بس القصد من الموضوع شوفتى تفكيرهم وصل لغايه ايه
ومنور كعادتك الموضوع يافارس
ومنورين طبعا ياسيلفر انتى والسامر

**أبو عبد الملك** · 2010-04-16, 12:47 AM

احنا انصح منهم

كان منتشر جدا ايام مانا كنت فى الثانوية الأزهرية

يعنى من 10 سنين

عمار يامصر سبقتى اليابان فى حاجة اخيراً

**حبيبـة ابـوها** · 2010-04-16, 02:16 AM

طيب ياريتنا يعنى سبقنا اليابان فى حاجه عدله ولا ايييييييييه
ياخيبتنا القويه
وازهرى كمان وفيه غش اه يانى
عماااااااااااااااار يامصر من يومك ياام الدنيا
وعاشت مصر حره مستقله
نورت ياابو عبد الملك

**عيون الحب** · 2010-04-16, 04:37 AM

ههههههه
مشكورة حبيبة بابا علي الموضوع
(من غشنا فليس منا)
الحمدلله بحل في الكلية من مجهودي
لكن قبل كدة الله اعلم

**سمو الأحساس** · 2010-04-16, 11:32 AM

المشكله انهم غشاشين وكل الناس بتصدقهم

شكرا على موضوعك

**حبيبـة ابـوها** · 2010-04-16, 02:13 PM

ماشى ياعيون الحب دايما كدا تحل من مجهودك
ولو انها خلاص لسه نص ترم بإذن الله وتخلص
ربنا يوفقك
مشكور لمرورك انت وسمو الاحساس

**ملكة الرحمه** · 2010-04-16, 04:14 PM

ههههههههههه دا كان زمانى حفظت البرشام قبل ماعمله
مشكوره حبيبه ابوها

**غريبه في دنيا عجيبه** · 2010-04-16, 04:41 PM

هههههههههه . لا حلوة أهو بنتعلم برده
بس المشكلة انى مش بعرف ابرشم بخاف احسن اتمسك و يبقى شكلى وحش
وكمان زى ما سيلفر قالت انا اروح اذاكر احسن ده تضييع وقت وجهد وبعدين
الجهد اللى أبذله فى عمل البرشام أبذله فى المذاكرة أحسن

**حبيبـة ابـوها** · 2010-04-16, 06:03 PM

شطورة ياملكه احفظى احسن من البرشام
وخليكى فى السليم ياغريبه وزى ماانتى
ربنا يوفقكوا وينجحكوا ان شاءالله
نورتوا وانستوا

**أبو عبد الملك** · 2010-04-17, 12:43 AM

اقتباس:

المشاركة الأصلية كتبت بواسطة حبيبة ابوها

طيب ياريتنا يعنى سبقنا اليابان فى حاجه عدله ولا ايييييييييه
ياخيبتنا القويه
وازهرى كمان وفيه غش اه يانى
عماااااااااااااااار يامصر من يومك ياام الدنيا
وعاشت مصر حره مستقله
نورت ياابو عبد الملك

بغض النظر عن سبقناهم فى ايه

المهم اهو اننا سبقناهم وخلاص

مش نبقى خايبين حتى فى الخيابة نفسها

وبعدين مالهم الأزهرية دول اول من ابتدعوا الغش

ادخلى كدة على اليوتيوب واكتبى غش فى امتحانات الأزهر وانتى تشوفى

بس انا عموما عمرى ماستعملت الاستيكر دة

انا كنت بدخل معايا الكتاب على طول

**غريبه في دنيا عجيبه** · 2010-04-17, 01:01 AM

اقتباس:

المشاركة الأصلية كتبت بواسطة أبو عبد الملك

انا كنت بدخل معايا الكتاب على طول

هههههههه واثق حضرتك من نفسك أوووى

**حبيبـة ابـوها** · 2010-04-17, 08:15 PM

لا ثقه اووووووووووووووى ماشاءالله ياابو عبد الملكـ
اكيد كنت بتاخد الكتاب معاك الامتحان تراجع مش تغش
نيتى حلوة اهووو
انا كان قصدى ازهرى انهم المفترض اكتر ناس تلتزم يعنى
دين وشريعه وسنه وكل ما يخص الاسلام
يعنى بس يلا ميجراش
على رايك كفايه سبقناهم فى الخيابه نفسها

**فجر الاسلام** · 2010-04-18, 03:38 PM

هههههههههههههههههههه

بس هو لو اعد يذاكر كان اسهل ده كده برشمه المنهج هتاخد منه وقت اكتر من المذاكرة

اقتباس:

انا كان قصدى ازهرى انهم المفترض اكتر ناس تلتزم يعنى
دين وشريعه وسنه وكل ما يخص الاسلام
يعنى بس يلا ميجراش

ههههههههههه مهم الازهريين دول بنى ادمين من عامة الشعب المصرى الاصيل

هم عارفين الغش حرام وبيغشوا

والتعليم العادى عارفين الغش حرام وبنغش

شفتى المعادلة سهلة ازاى

بس اهو كويس لقينا حاجة نسبق فيها اليابان

فى امل بس مفييييش فايدة

**حبيبـة ابـوها** · 2010-04-18, 05:20 PM

مفيش اسهل من كدا يافجر فعلا معادله سهله 100%

**أبو عبد الملك** · 2010-04-18, 09:59 PM

طبعا ياجماعة
لازم اكون واثق من نفسى
من المبادئ الأساسية للغش فى الامتحانات الثقة فى النفس وعدم الاضطراب
انا كنت باخد معايا الكتاب علشان اراجع جوا الامتحان
لسه هاوجع دماغى واراجع
بس يعنى هى جت على دى مع الأزهرية
دول بيعملوا بلاوى تانية
فالغش هايبقى حاجة بسيطة
ولو اى حد عايز اى استشارة فى الغش انا فى الخدمة