بحبك ياحمار
اليابان عايزه حمير مصريه .. وهي حميرنا دي حاجه بالساهل كده أي دوله تطلبها نروح مدينها .. لأ بقى .. الحمار المصري مش للبيع يا ساده !!؟؟؟
اين انتم يا مصريين .. حميركم بتتباع عادي كده ولا الهوا .. دي مهزلة !!؟؟
!!!! يالَ وصمة العار .. يالَ خيبة الرجاء
هي ايه (يالَ) دي اصلا !!؟؟؟
اكتر حاجه بقى خلتني مش عارف اضحك ولا ابكي .. انهم مش لاقيين حمير كفاية .. ماهو احنا والحمدلله كلنا الحمير كلها خلاص .. وشوية الحمير اللي فاضلين واللي طالباهم اليابان .. دول هم إناث الحمير واللي بيستخدموهم الجزارين كـ وِلده .. يعني عشان يخلفو حمير تانيين ويدبوحهم وكده
وخبر تاني بيقول
.. ل ان الصينين بياخدو دهن جلد الحمار ويعملوله معالجات طبيه ويصنعو منه حبوب تذيد من القدره علي الانجاب
والاكتر سخريه ان اعلانات الحمير بقت في السكه طول ماانت ماشي
شخص واحد : حمارك حصاوي ولا مستورد ؟؟؟
شخص اتنين : - وهو يبتسم بفخر واعتزاز - لا طبعا .. حماري مصري حصاوي
شخص واحد : ياريتني كنت سمعت كلامك .. وشجعت حمير بلدي – ينهار في البكاء
أغنية :يضحك علي مره .. قال ايه قال من بره .. اتدبس انا واجيب الحمار
ولا ليه ورقة صيانه .. ولا ورقة الضمانه .. ياريتني كنت جبت
جولد حمار
صوت : اشتري حمارك من جولد حمار .. وهتبقى في السليم
تعلن مجموعة شركات الشهيق والنهيق عن توافر مجموعة حمير بلدي .. بسعر الجمله
الكميه محدوده .. سارعو بالحجز .. والأولوية لسابقي التنهيق
---
.. في رمضان بقى هنلاقي اعلانات الزكاة جايه في سكة
ساعد اسره فقدت عائلها .. وهاتلهم حماره عُشر .. تساعدهم على معايشهم
!! صورة الحماره وهي بتاكل برسيم
--------------------
واخواننا بتوع الفيس بوك .. هيسكتو .. لأ طبعا
.. هنلاقي جروب طالع اسمه
لا لبيع الحمار المصري لأعداء الوطن
.. وجروب تاني
!! حمار حصاوي .. وافتخر
.. وهيطلع جروب بالانجليزي
Save Our Donkeys
الحكومة تدعم الحمير بسبعة مليار حزمة برسيم
!! استيراد العربجية لتربية الحمير المصرية .. تربيه زرايبي قويمه
.. وجرايد المعارضه هتقول
!! ظابط يعتدي على حمار ويتحبرش به جنسيا
ملف كامل : نواب الحمير .. هل هم امتداد لنواب
اللي لقوها بتؤكد انه الفراعين كانو بيتفائلو بالحمير .. بدليل حكاية الفلاح الفصيح لما الحمار بتاعه اتسرق .. ومش بعيد يكون اللي سرق حماره واحد صيني .. ماهو الصينين في مصر من ايام الفراعنه وبيبعو هاجات هلوة
!!! وتلاقيه سرق الحمار عشان متجوز بقالو تلات سنين .. ومش عارف يخلّف
--------------------
طبعا على قناة النيل الادبيه هيعملو ندوات على مسرحية الحمير لـ توفيق الحكيم .. وخمسين الف واحد هيعيدو دراستها وتفحيصها وتمحيصها واعادة نشرها
.. وهتتعمل مسلسل في رمضان وهتعمل بطولته واحده من الاتنين
ناديه الجندي .. او نبيله عبيد
.. وهيكون اسمه
أرجوك .. أعطني هذا الحمار
!!!!!
--------------------
تكلم عن الحمار المصري ودوره المؤثر على دول العالم في المستقبل .. موضحا دور الحكومة المصرية
!!!!
.. ولكنه بعد أن أكل آخر حزمة برسيم واشتد به الجوع .. تذكر طفولته عندما كان جحشا صغيرا
!!!! تكلم عن موضوع ينتهي بهذه الجمله
.. ملحوظة
.. بناءا على ماسبق .. هسرّب كل الخرفان اللي عالسطح ومالهاش لازمة
!!! ماهو الواحد لازم يواكب التكنولوجيا والتطور الطبيعي .. ويحب الحمير
اتمني ان ينال اعجابكم
سندريلا
fpf; dhplhv!!
بحبك ياحمار!!
العرض العادي
