...... , الحُكومَة , باخافْ , ؟!!!!

باخافْ مِ الحُكومَة ...... ؟!!!!

بخاف مـ الحكومة!!!

باخافْ مِ الحكومه
وعارف بإنّ اللىّ يشغـل دماغهُم
مفيش منـّـه قُومَه
فقاعِدْ فى حالى
مواطن مثالى
وهانصحْ عِيالى.. اللى لسّة فْ خيالى
يكونوا فْ بلادهم تمام كالضيوفْ
ولا حدّ يسمعْ

ولا حد يمنعْ
ولا حد يفتح عِنيه
أو يشوفْ
باخافْ مِ النّجوم والنّسور والسّيوف اللىّ فوق الكِتافْ
وقلبى بيتشدّ لو مرّة شافْ
حدّ شايل لاسلكى
وبانسَى انّ هذا الوطن مش بتاعُه
ده ملكُه .. ومِلكِى
ما بسألشى ليه علّمونى انى اجاهدْ
واعاندْ واذاكرْ
إذا كنت هاطْلَع جبان لمّا هاكبر
واخافْ مِ العساكِرْ؟
برغم انىّ أول مواطن فى جيبُه البطاقة البلاستيكْ
وبايع ضميرى اللى مش لاقى غيرى
بكام ذمّة أستيكْ
وخادِم فى جيشى
ولا عمرى قلت ان جيشى السعيد.. كان بعيد

وياما مَسَحت وكنَست الزّبالة فى أوضة العقيدْ
وكلّه عشان أمْن هذا الوطنْ
ولو حتّى أجوع.. أو أضيع.. أو أصيع
أو فى يوم اتشنـَق
ولا دماغى حاضرة
ولا دقنى خـَضرة
مادام مصر خـَضرة
وليه القلقْ؟!!
باخاف مِ اللىّ قاعدين بيقضوا المصالِح
وباسمع كلامهمْ
وبابنى اللىّ فاسد
واهدّ اللى صالحْ
باخاف مِن زَعَلهم
واخاف من رِضَاهم
واخاف لو مشاكلى هتقلق فََضَاهم
بادبّر أمورى بكام وَعْد منهم
وباتمنىّ لو مرّة يصدُق يَمِينهُم
ولو حتى ما وْفوش
ما بزعلش مِنهُم
برغم انّ دِينهُم يدِينهُم
لكن برضُه راضِى
ما انا برضُه فاضِى
وممكن أشيل همّ حالى وعيالى
ما دام همَّه قاعدين فى زحمة مشاغِل
قِراية الجرايدْ
وحلّ التسالى!!

باخافْ مِ المرور
وباسمع زِعيق العساكر فى وشِّى
واقول برضُه: ماشى
وباخُد يمينى .. برغم انّى مَاشى!!!
وكلّ امّا اسرَّع أقول : لأ.. كفاية
واعلَّق حزام بنطلونى فْ قفايا!!
باخاف برضُة يمكن انا آخُدْ مخالفة
ما كل البلد خايفة.. من بدرى خَايفة
ولو خَدتْ .. هادفعْ وإيه المشاكِل
ما دام مصرْ عارفة
باخاف لمَّا باصحَى.. لغاية ما انام
باخافْ حتىّ مِنىِّ
باخافْ والسّلامْ !!
لكِنْ فيه سؤالْ
أنا ليه باخَافْ؟
إذا كنت أصلاً
أساساً
طَبيعى
باخافْ مِ الحُكومَة ؟!!!!

أشرف توفيق

---

fhohtX lA hgpE;,lQm >>>>>> ?!!!!

احنا الى اتعودنا على كدا
وبلدنا خادت على كدا
والظالم بقى جبار
والمظلوم بقى صرصار
الكبير يضربه باى حاجه يموته
بس الحمد لله الدنيا ماشيه
وخادنا شويه من حقنا
ومتغلطشى فى حكومتنا يافارس
انا بهدى النفوس

مابخافش غير من اللي خالقني
ماتهمنيش الحكومه
ولا غيرها
وبعدين الشعب المصري هيفضل طول عمره جبان
وماشيين جمب الحيط
لحد ماالحيط هيتهد فوقهم

حياة بتتحكم بالحديد والنار

وماشيين جمب الحيط
لحد ماالحيط هيتهد فوقهم

احنا ماشين جنب الحيط لعل وعسل ان الحيط ينطق بالنيابة عننا
ممكن نصعب عليه وينطق .... انما احنا ماعتقدش اننا هننطق
عشان اللي بينطق في الزمن دا بيروح النار

باخافْ مِ المرور
وباسمع زِعيق العساكر فى وشِّى

لا دي بقي مش معاك فيها
لغاية هنا وستوب
انا لما بركب البي ام دابليو بتاعتي ماحدش بيقولي تلت التلاته كام

اشكرك فارس علي الطرح
وربنا يفك اسر مصر يارب

أنا ليه باخَافْ؟
إذا كنت أصلاً
أساساً
طَبيعى
باخافْ مِ الحُكومَة ؟!!!!

عداك العيب ياريس .. انا مبسوط منك ,, متخليش حد يزعل منك

بالنسبة للحيط ياسندريلا إحنا ماشيين جوا الحيط نفسه مش جمبه

انا لما بركب البي ام دابليو بتاعتي ماحدش بيقولي تلت التلاته كام

حاسب ياللا يابتاع البى ام دابيو ياجامد ,, ههههه

انا لما بركب البي ام دابليو بتاعتي ماحدش بيقولي تلت التلاته كام

حااااااااااااااااااااااااااااسب
كده عدت أوى منك دى مش عدت دى شرخت
يا جدعان العربيه البى أم شروكى الى بيتكلم عنها دى تبقى فيات 32
خلينا نكون صرحا ههههههههه
عاوز أقولك على حاجه يا فارس بالنسبه للموضوع

لو سألتك إنت مصرى تقولى إيه ؟

.........

ههههههههههههههههههههه


استرها يارب على مصر وكل المصرين


تحياتى

الصورة دى عجبانى اووووى

صور وقورة كدة

المشاركة الأصلية كتبت بواسطة فارس بلا جواد

باخاف لمَّا باصحَى.. لغاية ما انام
باخافْ حتىّ مِنىِّ
باخافْ والسّلامْ !!

الخوف بقا الحل الظاهرى لكا موضوع
علشان الموضوع ما يكبرش بنخاف و السلام

كلامك كله واقع نعيشه و نلتمسه
و لكن الى متى سننتظر التغيير ؟؟؟؟

احنا بنتكلم كأن الناس اللى بتخاف دى من بلد تانية
كأن احنا مش منهم, وكل واحد فينا شايف كده
وكل واحد لو سألته هيقول الشعب المصرى جبان على اساس انه مش مصرى
كل واحد لازم يبدأ من نفسه ويعرف حقوقه ويعرف ان محدش له سلطة عليه
يمكن ساعتها نبقى حاجة تانية ونبطل نخاف