اختر لونك:


المنتدى العام كل ما لا يخص الاقسام الاخرى

بلاش تكدب على نفسك

:rudolph: بلاش تكذب على نفسك يجوز تغضب ... يجوز تظهر كإنك وحش عـ الشاشة يجوز تعمل حاجات وحاجات .. لكن قلبك .. هيفضل برده

أضف رد جديد
 
أدوات الموضوع انواع عرض الموضوع

قديم 2006-08-20, 11:02 PM   #1
الصورة الرمزية فجر الاسلام
مشرفة عامة
تاريخ التسجيل: 2006-07-26
الدولة: EGYPT_ALEX
العمر: 36
المشاركات: 3,155
التقييم: 739
الصورة الرمزية فجر الاسلام
مشرفة عامة
تاريخ التسجيل: 2006-07-26
الدولة: EGYPT_ALEX
العمر: 36
المشاركات: 3,155
التقييم: 739
افتراضي بلاش تكدب على نفسك

بلاش تكدب على نفسك rudolph.gif

بلاش تكذب على نفسك



يجوز تغضب ...
يجوز تظهر كإنك وحش عـ الشاشة
يجوز تعمل حاجات وحاجات ..
لكن قلبك .. هيفضل برده كالعادة .. محلك سر!


***********************


وإيه هيضر .. لو انك تكسر العادة،
تكسّر كل قضبانك، وتخرج عـ البراح تصرخ
وتحرق رايتك البيضا ..
فتغلى وتغلى مـ الحسرة
تروح عـ "الكوفة" و"البصرة"،
تعدى بـ "دير يس" و"جنين"،
ويحرق قلبك المسكين .. دموع بنوتة غلبانة ..
فى غمضة عين .. تلاقى الأم ويـّا الأب،
واخواتها الخمس أولاد .. فى كوم أجساد
وحتى الدار .. عليها دار غراب البين
فوقعت فجأة من طولها...
تفوق البنت مـ الصدمة .. وكل احلامها عريانة
فترفع راسها للخالق،
وتدعى ربها وتمسح دموع فى بحورها غرقانة
أتارى البنت من "قـــانا"


***********************


وإيه "قـانا" ..؟!!!
وإيه ستين شهيد ماتوا؟
وإيه أطفال .. منشف دمهم خوفهم...
تفجر قنبلة فـ جوفهم ..
وفى الآخر .. تنادى بوقف طلق النار!!!
يا ريت الحرب طلقة نار...
يا ريت الضرب كان راجل قصاد راجل،
يا ريتك حتى لو تقدر فى يوم تختار...


***********************


دا بيت أهلك خلاص هدوه،
طريقكم للخلاص سدوه،
ولو حس الغريب بيكم .. بشربة ميّة ترويكم،
يقوموا بقوة ويصدوه


***********************


وكان ياما كان ..
وكانت عـ الأمل بتعيش ..
قلوب تحلم بحضن كبير
بيجمعهم .. يجمّعهم .. يحبّبهم فى خلق الله،
يصحيهم على البسمة .. يوضيهم من النسمة ..
يصلوا الفجر ويشقوا الصخور،
تطرح خضار فى خضار ..
قلوب كات راضية بالقسمة...
قلوب .. قلبك ماهوش منهم؛
لأنك لو تحس فـ يوم بأحوالهم، لكنت تغير
وكنت تطير لأبعد نقطة فى حدودك


***********************


وتثبت للحياة وجودك،
تروح تنسى ولو لحظة ..
هموم الأرض والمصنع،
بتحلم بالرغد فى العيشة .. قوللى ازاى
هتقدر من بعيد لبعيد .. تعدى الخندق الملغوم
عشان توصل لكون أوسع...
وقوللى ازاى .. تطهر مية الوادى ..
وأصل السم فى المنبع؟!!!


***********************


قلوب الطيبين ضاقت بقولة " آه "...
وصوت مبحوح بيستنصر..
ويدعى يقوى نصر الله
يا نصر الله ..
طريقك بالحفر مليان ..
وعمرك يوم ما كنت جبان،
فقوم ما تخافشى أو تضعف ..
لأن الحق كلمة " لأ " بتحقق حياة إنسان...


***********************


يا إنسان فى الهوان مكبوت،
ماهيش قصة حياة أو موت ...
سكوت .. واسمع لقولة " آه " ..
بتخرج من حشا الطفل الوليد .. تهديد...
تزمجر فى الفضا وتملاه،
تبشر بانتفاضة فجر كله حياة ..
هتحضن جثته وتبكى، وتغسل بالدموع قلبك،
تقوم تغضب .. وتحرق رايتك البيضا،
تحس القوة والقدرة ..
تروح عـ "الكوفة" و"البصرة"،
تعدى بـ "دير يس" و"جنين"،
يبرّد قلبك المحزون ..
ضفاير عـ الكتاف سارحة،
عيون بنوتة مرفوعة ..
بتدعى ربها وتمسح ..
دموع سابقاها مـ الفرحة



***********************

فقوم واغضب ..
ودوّر عـ الربيع .. والقاه
لأن البنت مستنيّة تلقى فـ حضنك الواسع ..
دفا الأهل اللى مش لقياه...
ساعتها تعدى مـ الخندق،
عشان توصل لكون ترضاه ..
تدوق الفرحة فى عنيها..
تقول " الله ".....





أحمد عبد المنعم السرساوى


منقووووووووووول من جروب

fgha j;]f ugn kts;

التعديل الأخير تم بواسطة عاشق الايمان ; 2009-10-19 الساعة 09:55 PM
فجر الاسلام غير متصل   رد مع اقتباس
قديم 2006-08-21, 08:52 PM   #2
الصورة الرمزية MafiawwY
Designer
تاريخ التسجيل: 2006-07-26
الدولة: Egypt
المشاركات: 2,692
التقييم: 728
إرسال رسالة عبر مراسل MSN إلى MafiawwY إرسال رسالة عبر مراسل Yahoo إلى MafiawwY
الصورة الرمزية MafiawwY
Designer
افتراضي

مشكوره جدا على الكلام القوى دا بجد كلام جميل
وشكرا على مواضيك الميزه
MafiawwY غير متصل   رد مع اقتباس
قديم 2009-04-18, 03:10 PM   #3
الصورة الرمزية ساحر الحب
احمس طارد الهكسوس
تاريخ التسجيل: 2008-12-18
الدولة: في الأمارات لو مكنش عند سيتك مانع
العمر: 33
المشاركات: 706
التقييم: 16
إرسال رسالة عبر مراسل MSN إلى ساحر الحب إرسال رسالة عبر مراسل Yahoo إلى ساحر الحب
الصورة الرمزية ساحر الحب
احمس طارد الهكسوس
افتراضي

كلامك حلو وياريت نشوف منك مواضيع تانيه
ساحر الحب غير متصل   رد مع اقتباس
قديم 2009-08-08, 10:13 PM   #4
الصورة الرمزية مـــــلآك
محترم
تاريخ التسجيل: 2009-08-08
العمر: 31
المشاركات: 149
التقييم: 92
الصورة الرمزية مـــــلآك
محترم
افتراضي

رااااااااااااااااائع فجر كلام جميل جداااااااااااا
مـــــلآك غير متصل   رد مع اقتباس
قديم 2009-10-19, 09:34 PM   #5
الصورة الرمزية اخت الايتام
عضو قدير
تاريخ التسجيل: 2009-10-05
المشاركات: 19
التقييم: 10
الصورة الرمزية اخت الايتام
عضو قدير
افتراضي

جميل جزاك الله خير
اخت الايتام غير متصل   رد مع اقتباس
قديم 2009-10-19, 11:30 PM   #6
الصورة الرمزية La via
مناضل
تاريخ التسجيل: 2009-07-05
العمر: 36
المشاركات: 429
التقييم: 22
الصورة الرمزية La via
مناضل
افتراضي

شكرا لك جميل جدا فى المتحف
La via غير متصل   رد مع اقتباس
أضف رد جديد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


المواضيع المتشابهه
الموضوع كاتب الموضوع المنتدى مشاركات آخر مشاركة
متى تبكي على نفسك ؟ غريبه في دنيا عجيبه المنتدى العام 3 2010-11-15 11:51 PM
لا تاسف على نفسك silver_shadow كلمات من القلب للقلب 1 2010-02-26 05:42 PM
إبك على نفسك عاشق الايمان المنتدى الاسلامى 0 2009-08-29 05:45 PM
متى تبكي على نفسك اسامه عادل المنتدى الاسلامى 2 2009-07-22 08:37 PM
متى تبكى على نفسك .... Sir.7amato المنتدى الاسلامى 8 2009-01-23 04:04 PM


Internal & External Links

الساعة الآن 11:12 PM.
Powered by vBulletin Version 3.8.11
Copyright ©2000 - 2026, Jelsoft Enterprises Ltd
استضافة , دعم فنى