جوه , قلبى , كلام

كلام من جوه قلبي

كان ليا فى حبك اكتر من حكايات مش بايدى ولا بايدك ننسى اللى فات


اولها قلب جريح ظالم كان فى غدر الناس عالم


كان بيظلم ويقسى ويجرح وبعذابه لاحبابه بيتباهى ويفرح


كان عايش فى حياته وحيد فاكر بنفسه كده سعيد


لحد مجه اليوم وفاق من كاس الحزن اللى باعه داق


لما عرفك كان من جواه فاضى وكان قلبك عليه اظلم قاضى


حكم عليه بالبعد والفراق انه يقضى عمره مسجون اشواق


ليه ياللى كنت على قلبى غالى تبيع قلب سهر فى حبك ليالى


هو ده الحب الموجود فيكى يادنيا توهمينا بيه ويضيع منا فى ثانية


ياخسارة عمرى اللى عشتهولك ده لو طلبتى عمرى كنت وهبتهولك


خطفتى الفرحة من عينينا حتى الذكرى استكترتيها علينا


ليه مسبتيناش نخطف لحظات العمر اللى باقى خدتى منى الحب وسبتينى اسير اشواقى


هو ده الحب اللى بتتباهى بيه فى حكاويكى هى ديه الصورة اللى موجودة فى غناويكى


بس برجع وبقولك يادنيا لاااا لو كان الحب كده يبقى لازم انساه


ايه بعد قلبى اللى هيبقالى يهون عليا وحدتى ويسالنى مالى


ايه يخلينى اجى على نفسى واضحى بيه علشان وهم اسمه حب اختفى من حياتنا ومش هنلاقيه


اهون عليا يادنيا اعيش فى عذابك بدل ماالف وارجع اكون خدامك


اديتينى ايه يادنيا علشان تاخدى مكتوب عليا اعيش فيكى قسمتى وبختى


بتاخدى منى الاحباب وتسيبيلى الحنين بتسيبيلى ذكرى مرة بتزيد مع السنين


لكن ارجع واقولك لا يادنيا تانى لاااا مش هستسلم لقسوتك ولاهتوه فى دوامة الحياة


هنسى الحب ومن قلبى هرميه بعد مجمعتى كل عذابك وفى قلبى بتخليه


مش هقدر اعيش فيكى يادنيا اسف بعد مسبتى جرح فراقه ليا نازف


من كتر قسوتك علينا اتغيرت ملامحك رجعيلى حب عمرى وانا مسامحك


صدقينى هو اللى فى عذابى باقيلى رجعيه لحضن قلبى وصالحينى


لو هقدر اعشق بعده كنت سكت وسجنت حزنى جوايا وصبرت


فى بعده عشقت غيره حاولت لكن عذبنى حبه وهربت


مدى ايديكى يادنيا وخدينى فى حضنك ده احنا مهما قسينا على بعض انا برده ابنك


من بعده عنى اتولد جوايا من الاشواق بركان والحزن والالم بقوا جوايا طوفان


كفاية بقى فى فراقه عذاب ولاالحزن بتكتبيه ديما على الاحباب


كان نفسى تحسى بيا تحاولى تعرفى ايه بيا


كل ما افتكر كل اللى فات بسرح فى حبك بالساعات


وانتا عمرك مكنت بيا دارى لانك مكنتش لحبى وقلبى شارى


هعملك ايه تانى علشان تعبرنى مبقاش غير دمعتى بتصبرنى


سلمتلك قلبى مكنش بايدى حيلة راجع تقولى حياتى معاك مستحيلة


كنت عارف ان فى فراقى عنك موت ابعد بعيد وامشى فى سكوت مقدرش اسمع كلمة منك ولاصوت


مش خلاص بعتنى هتبقى على ايه تانى بعد مكسرت كل حاجة فيا وموت جواياالامانى


كنت فاكر بتخاف عليا وانتا خايف على نفسك مش بعيد كنت بتكدب عليا حتى فى همسك


لو كنت عرفت الحب اللى جوايا مكنتش تفكر لحظة تبيع هوايا


لوبصيت فى عينايا كنت هتشوف مليانيين بحبك وعليك خوف


لكن كل اللى قدرت عليه انك تجرح مهنش عليك حتى ولولحظة معايا تفرح


سبت الزمن والدنيا يلعبوا بيك شوف حب مين من بعدى هيكفيك


هى الحياة تبقى بالنسبة لك ايه غير قلب بجد يخاف عليك وتخاف عليه


بسهولة ضحيت كده بيه بعد ماعشت سنين تحلم بيه


مدتش نفسك فرصة نحاول سوا بتحافظ على قلبك كمان من الهوا


اعند براحتك كمان وكمان بس الحب اللى حبتهولك محبوش انسان


اوعدك انى هاحاول على قد ماقدر اقسى لكن الاصعب والاصعب انى مقدرش انسى


لازم عنك ابعد بعيد ماانتا من بعدى مش هتعيش وحيد


هتلاقى فى بعدى اللى ينسيك لكن انا مين ينسينى نظرة عينيك


بعد ما كنت فاكر انى انا وانتا واحد جاى دلوقت تحط حدود علشان تباعد


بس لما صحيت من وهمى لاقيت انك عمرك فى بعدى مابكيت عمرك ما فى يوم عليا حنيت


بعد مابعت قلبى بقى كل شئ فى الامكان كل حاجة فيك مخبيها مع الوقت هتبان


حب عمرى اللى عمرى مابعته رجع وبعنى مش هيفيد معاه حب واخلاص ولاهقدر اقول انه خدعنى


وارجع اقول اصبر ياقلبى ده حبيبى حتى ولو لسة برده راضى بتعذيبى


مبقتش عارف اروح ولا اجى منين لو اختفيتمن حياته هيسال يترى انا فين


بكيت من الوفا والوفا عليا دين مكتوب عليا اعيش بعده مكسور حزين


مجبور اعيش ودمعتى فى عينى من كتر احزانى الالم بقى تكوينى


خسارة ضاع منا الهوى ومفيش غير الحزن اللى بقى


انتى اللى اتغيرتى صدقينى ولا غرورك ساعد انك تفهمينى


على فكرة بجد وحشتينى رغم بعدك ورغم انك نسيتينى


هسمع ضحكتك مع حد غيرى ياترى هتنسى قلب حبك وكل شئ بينا جرى


كل لمسة هتفضل منقوشة على كفوفك هتفضل صورتى جواك لحد ماشوفك


مكتوب علينا كده نعيش باوجاعنا نتكلم مهما نقول ولاقلب يسمعنا ونصيب ساعات بيروح ولايرجع يودعنا


ازاى نشوف الضحك فى عز مدامعنا صبرت كتير يادنيا وعمرى ماقلت اشمعنى


كنت فاكر بتحبنى لكن طلعت انانى ايوة انانى مش مصدق ارددها تانى


فاكر نفسك لوحدك انتا اللى هتعانى بعد ماقطفت كل الورد فى بستانى


مسمعتش كلمة واحدة من كلامى بتبقى فين لما بصرخ بكل وجدانى


اديت للعمر فرصة يفرق بينا ...وفكرت فى نفسك وقلت ممكن يحب غيرنا


بتسبنى دلوقتى انا وقلبى نعانىهمشى واسيبلك الدنيا هوده اخر كلامى


شوف هتعوض اللى راح من العمر ازاى مش بعيد تحب بعدى ومكنش اخر اللى جاى


فكرت فى نفسك ونسيت انا مين انا اللى مكنش هتفرقنى عنك سنين


انتا اللى بعدت وده كان اختيارك علشان فكرت فى نفسك وقد قرارك


لحقت نفسك قبل ماتعشقنى بتخدع نفسك ولا بتخدعنى


بتقول انى فى الحب والاشواق كداب لكن انتا فى خسارتك ليا هتشوف كل عذاب


ده لو كنت فعلا بتحبنى زى ماشوفتها فى عينيك لو كنت فعلا باقى عليا وهابقى كل اللى ليك


لكن بعد ماجتلك وجرحتنى عرفت انك اكيد مش بتحبنى عارف ليه لانك عمرك مفهمتنى


قضى باقى حياتك مع غيرى وعيش لكن هتدور على حب زى متلقيش


انسى اللى راح وكل اللى كان هو ده اللى كنت مستنيه من زمان


لا بجد ببعدك عنى فاجاتنى ده بدل ماترجع وتقول بتحبنى


جاى دلوقتى بتحط بينا حدود كأن حبى ليك مكنش له وجود


اخر حاجة كنت اتصورها انك تقسى بس يترى فى جرحك ليا هتقدر تنسى


عيش بعدى وانتا عارف انك ظلمتنى مش هتحس بذنب لانك مكنتش بتحبنى


هو ده جزاء الحب اللى حبتهولك حتى قلبى لحد عندك ودتهولك


فرقت بينا بس ليه هترجع تانى هتقول ايه


بعد ما امنتك على قلبى ووثقت فيك ارجع الاقيك مش واثق فيا مهما دموعى تحكيك


روح وحياة حبى مسامحك وربى وربك يقدرنى على جرحك


ادعيلى انى انساك محسش يوم تانى بهواك ماتمناش تانى لقاك


هابعد بعيد عنك وملامحى مش هتشوف وانا عارف انك فى بعدى مش هتفكر عليا بخوف

---

;ghl lk [,i rgfd rgfn

قد يكون الاختيار من الاول كان غلط
ولكن هو دا الحب ( مرايه الحب اعمى )
ومش فى كل الاحوال الحب كدا ساعات بنعطى حبنا لناس متستاهلش
مننا ذرة حب وساعات بتعطيه لناس تستحقه
وتخاف عليك وتحبك اكتر ماانت نفسك بتحبها وتديها
وايا كانت حياتنا عمرها ما هتقف عند شخص بيه من غيره هتفضل ماشيه
ان شاءالله مادمنا عايشين وبنقول الحمدلله على كل حاال
والطبيعى ان الدنيا مش هتدينا كل حاجه احنا عايزنها كل اللى فى نصيبك
بيصيبك ومادمت مؤمن بالله يبقى هتسلم بالقضاء والقدر
وهتقول رضيت يارب وهيعوضك ان شااءالله
اسفه انى طولت عليك
(ولكن موضوعاتك اليوم فيها شئ من الحزن )
ربنا معاك ان شاءالله
مشكووووووووووووووووووووووور لكلماتك الحزينه
ساحر الحب

دا انتي نورتيني النهارده يا حبيبه...بس هو ممكن حد يحب تاني بعد ما حب انسان مكنش يستهال ورملو قلبو وقالو خدوه هديه..صعب جدا جدا جدا...

ع كل حال زي ما قولتلي الدنيا مش هتوقف عند حد..

وبجد تسلميلي كتير.............

المشاركة الأصلية كتبت بواسطة ساحر الحب

.بس هو ممكن حد يحب تاني بعد ما حب انسان مكنش يستهال ورملو قلبو وقالو خدوه هديه..صعب جدا جدا جدا....

صدقنى الايام وحدها كفيله انها تنسى كويس اوى
والحزن وجرح القلب بيتولد كبير وبيصغر مع الايام
وكلامى دا عن تجربه والله بجد ولو فضلت عايش ومقتنع بكدا
هتفضل كدا ومش هتتحرك ولا خطوة واحده فى حياتك
انما الحمدلله ان ربنا انعم علينا بالنسيان لانه فعلا نعمه كبيره اوى
والايام وحدها كفيله انها تنسيك والجأ لله وحده هو قادر يداويك من اى شئ بجد
وربنا يعينك ومعاك وينورلك طريقك ان شاءالله يارب انت وكل المسلمين .. يااااارب

اميييييييييين ياااااااارب..و بجد فعلن نعمت النسيان ده نعمممممممممممه غاليه علينا اووووووووي...وفعلن كلامك صح صح بجد..وتسلميلي كتير يا حبيبه