المنجميين , التاروت , اوراق , وتليفونات

اوراق التاروت وتليفونات المنجميين

استفزنى بشده ظاهره ارقام 0900 والهبل من الجوايز الوهميه اللى بتتعرض فيها وكنت هكتب موضوع نقاشى عن اسباب انتشار هذه التفاهات على جميع القنوات

لكن ما اثارنى اكثر كان اعلان اوراق التاروت واتصل وانته تعرف بكره فيه ايه

لا حول ولا قوه الا بالله

طبعا دا كان بعدد ما ظهرت اعلانات المنجمه مش فاكر اسمها كده اللى هتقرالك الطالع


ايه الهبل ده

للدرجه دى

دا كفر

هما بيستهبلوا

وبيعلنوا عنها فى التليفزيون

طب اعلانات الفلوس قلنا رزق الهبل على المجانيين

لكن دا حاجه حرام والقنوات اللى بتعلن عنها بتاخد ذنب كل واحد ضعف واتصل

ليه نلعب على ضعف الناس

الناس ضعيفه خصوصا بالامر المتعلق ببكره فيه ايه

ليه نلعب على الوتر ده

وليه الجانب الدينى عند الناس حاليا مخليها تجرى ورا الحاجات اللى منهى عنها


الموضوع مطروح للنقاش علشان الناس تقول رايها فى اسباب الظاهره دى

ولو حد عنده حلول يشاركنا بيها

---

h,vhr hgjhv,j ,jgdt,khj hglk[lddk

أولاً بشكرك على طرح الموضوع الى كان بجد نفسى أتكلم فيه هو موضوع القنوات بتاع الهدايا الوهميه دى
أنا فعلاً قربت أتجنن دلوقتى على النايل سات وصلو لحوالى 150 قناة بتعمل الحوار ده
ومفيش أى قناة عندها مصداقيه ،، المشكله انهم زى ما قولت بيضحكوا على العالم المجانين ( رزق الهبل ع المجانين )
وللأسف المجـ ـ ـ كتير ،،

أنا بس عاوز أفهم الناس دى مبتبصش للحرام والحلال خالص طيب على إفتراض أن الناس دى معندهاش ضمير
القنوات الى بتسمح للناس دى إنهم يطلعوا عندهم كمان أصحابها معندهاش ضمير ،،
فجآه الضمير إنعدم فى الناس

الى بيجننى أكتر واكتر إنى ساعات بقعد أتابعهم وأضحك عليهم
السؤال بيقول أسم ولد بيبدأ بحرف الألف وآخره دال ألاقى واحد بيتصل يقول حسن
الله ،، للدرجاى الناس بقت طيبه وأنا عارف ومتأكد إن فى ناس بتتصل بردو فى ناس طيبه وعلنياتها

دا كمان لما الناس بدأت تفهم شويه ومحدش بقى يتصل كتير كتبوا إيه بقى ( إدينا رنه وإحنا نكلمك )
يااااااا سلام أصلهم معاهم خط وعارفين ان الناس كارت وقلوبهم طيبه
يقوم واحد طيب او واحده طيبه تروح ترن عليهم يبقى كده بردو شكراً هما خدو الى هما عاوزينه

ياريت يا جماعه تاخدو بالكوا والله الموضوع ده مهم جداً
بجد عاوزين نعمل حملة توعيه للناس وننشرها فى كل مكان
ربنا ينتقم منهم وقولى ايه رأيك يا ماندوز فى موضوع حملة التوعيه دى
وننشرها على الفيس بوك ويمكن نطلع فى 90 دقيقه انا وانت ويقولو علينا كلمتين حلويين والله ،،

الله يكرمك انا كنت مغلول وطلعت طاقتى فى الرد /

ومستغرب ليه ؟

من زمان وموجود فى الجرايد قسم "برجك اليوم" واللى لو بصيتلها صح هتلاقيها كلمة صريحة "إعرف اللى هيحصلك"

تفتكر حاجة زى دى ازاى تتكتب وازاى يتوافق عليها من قِبَل الناشرين ورؤساء التحرير

دى حرب لغوية ..... إذناب واضح بتلاعب فى الكلمات ومش بعيد يقولك الدين أمرنا بكده

أما عن

لكن ما اثارنى اكثر كان اعلان اوراق التاروت واتصل وانته تعرف بكره فيه ايه

فالرد الوحيد هو لا حول ولا قوة إلا بالله العلى العظيم

القائمين على الفضائيات بقت عليهم علامات استفهام جديده

يعنى قناه بدات تذيع الاذان فرحت اوى

لكن لما شفت الصور اللى فى خلفيه الاذان اتدايقت

يعنى لو قلنا ان المسئوليين دول جهله هاتوا صوره للكعبه والصلاه

لكن تجيبوا الصور الهجص اللى عرفنا انها ملعوب فيها وتحطوها فى خلفيه الاذان اكبر غلط