موعد , باركنج , تاكسي؟ , تكوني

أوعي تكوني باركنج أو تاكسي؟

عارفه ايه هو الباركنج و ايه هو التاكسي؟
ايه هو الباركنج اصلا؟
الباركنج هو الجراج اللي الناس بتركن فيه عربيتهم ساعة اتنين تلاتة وبعدين تمشي
اااااااااه
هو ده بقى اللي عاوزة اوصلهولك.. اوعي ياأختي ياحبيبتي تكوني باركنج لولد تصاحبيه وتبقي تسليته لحد برده ما هييجي اليوم وهيمشي زي الباركنج اللي مشي منه
اصله هيسيبك هيسيبك
اوعي تفتكري لما تصاحبي ولد من على النت ولا عن طريق المنتديات ولا بوي فرند في الكلية انه هيكمل معاك
على فكرة.. هو لو بيخاف عليكي مكنش اصلا سمح لنفسه انك تصاحبيه وكان دخل البيت من بابه
خليكي مرة بتكلميه واسأليه سؤال
تقبل ده على امك؟
تقبل ده على اختك؟
لو قالك لا.. اعرفي انه مش بيحبك لانه قبل ده عليكي
ولو قالك اااه عااادي اعرفي انه ديوث مطرود من رحمة الله
*******
أوعي تكوني باركنج لولد يركن فيه شوية لغاية لما يلاقي البنت العفيفة الطاهرة اللي هتبقي أم ولادها وتبقي مراته
اوعي تكوني باركنج للخروج والمكالمات والمسدات والمسجات وقلة الحياء
اوعي تكوني باركنج للخيانة.. خيانة الله عز وجل
وخيانة رسول الله
وخيانة الاهل.. باباكي.. ومامتك
وخيانة نفسك

*******

اوعي تكوني باركنج لشاب ضائع هائم في ظلمات الشهوات والمعاصي
لازم تعرفي ان الشاب اللي يسمح لنفسه بالارتباط عبر كلمات او رسائل خاصة او عبر الحرم الجامعي ببنت وهو لسه مشتغلش ولا شاف مستقبله ولا حط رجله على اول سلمة اكيد معندهوش الاخلاق الكافية اللي تقدر تحافظ عليكي يا اختي

*******
واوعي تكوني تاكسي
اول ما واحد يشاور لك تقفي يركب شوية و ينزل
و يركب واحد تاني
لحد ما يرجع بيته و يستقر
*******

اوعي تقولي ما كل اللي أدّي اتجوزا وخلفوا وانا قاعدة اشمعنى انا؟.. ده انا المحترمة اللي فيهم.. ده انا اللي مكنتش بكلم ولاد.. ده انا المؤدبة اللي فيهم
يااختي ياحبيبتي.. ممكن يكونوا اتجوزوا اااه بس بعد ماضاعت البركة من بيتهم
مش ممكن يكون ده بلاء من ربنا ليكي يشوفك هتصبري ولا لا؟؟
والله هيعوضك احسن منهم
يااااااا اختي
عاوزاكي تصبري ووالله ربنا ماهيضيع صبرك ابدا
فكري في نعمة الصحة والمال والاهل والعقل

*******

الطعام سعادة يوم.. والسفر سعادة أسبوع.. والزواج سعادة شهر.. والمال سعادة سنة.. والإيمان سعادة العمر كله
رزقك أَعرَف بمكانك منك بمكانه.. وهو يطاردك مطاردة الظل.. ولن تموت حتى تستوفي رزقك
انتي جوهرة مصونة في لؤلؤة مكنونة حافظي على نفسك علشان ربنا يحافظ عليكي
اوعي تكوني وانتي بتكلميه ولاّ بتقابليه عمّالة تستخبي من باباكي ولا مامتك ولا اخوكي ولا اختك ولا قريبك ده ولا صاحبتك دي
اوعي تكوني نسيتي ان ربنا شايفك ومطلع عليكي وهيحاسبك على كل كلمة بتقوليها
ورجلك وايديكي ولسانك هيشهدوا عليكي يوم القيامة
اوعي تفتكري انه هيتجوزك.. على لما تيجوا تتجوزا هيكون خلاص زهق منك عاوز يغير بقى
ولو اتجوزك البركة خلاص راحت من بيتك.. وممكن يفضل يعايرك في كل مشكلة وخناقة ما بينكم

*******

لازم تحافظي على نفسك
بحجابك.. بصلاتك.. بعدم خضوعك بالقول.. بعدم المخالطة.. عدم المصاحبة
ولا مُتخذات أخدان
مفيش حاجة اسمها صحوبية في الاسلام
لو كبير في نظرك فالله اكبر
لو بتحبيه فالله احق ان تحبيه
اللي انتي مصحباه ده ادّالك ايه
حب مُزيف كله كدب في كدب
ربنا نعمه عليكي كبيرة تقومي تستخدميها غلط

*******

اختي
ماكان الحياء في شييء الا زانه
وما انتزع الحياء من شييء الا شانه
الحياء تاجك.. الحياء عفتك
اعملي ليوم وداعك.. يوم يبكيك فيه الحبيب والقريب
يوم تجدين من عملك محضرا امامك
فاعملي ليوم وداعك لتعطر سيرتك بعد فراقك

*******

---

H,ud j;,kd fhv;k[ H, jh;sd? l,u]

والله يامحمد الواحد من يوم مانزل الكليه وهو شايف البنات كلهم باركنج وتاكسي

زي ما انت قولت
والي تمشي محترمه وفي حالها برضه مابتسلمش من الكلام
ويتقال عليها معقده ونفسيه وحاجات كده
بس انا عايزه اسال البنت اللي بتعمل كده
لو مرهبعد ما كلمتيه وقفلتي معاه سماعة التليفون وسمعتي اذان الفجر
حتقومي تصلي؟؟
لو وانتوا بتتمشوا في النادي ولا فالحرم الجامعي وسمع الادان حياخدك من ايدك ويقولك تعالي نصلي؟؟

بتحبيه!!!!

لو بتحبيه سبيه !!! انتي كده حتكوني سبب دخوله النار
لو بتحبيه سبيه !!! انتي كده سبب فتنته في الدين والدنيا

بيحبك!!

اسأليه
حتشيل عني عذاب النار ؟؟
لما تشهد علينا الارض اللي وقفنا عليها!!!
لما تشهد علينا لمسات ادينا ونظرات عيوننا!!!
لما يشهد علينا الوقت اللي كنا بنتكلم فيه في مالا ينفع!!!

لو حيشيل عنك العذاب وغضب ربنا
من حق تحبيه ويحبك

اعلمي انك جوهرة مصونه ودره حفظها الله غاليه
واعلمي ان الشاب الذي سمح لنفسه ان يجلس معك ويهاتفك ويسمعك الكلمات المعسوله
لن يرضى هو لنفسه ان يكون لك زوجا وان تكوني ام اولاده
حتى لو كنتي له زوجه
فحتما سيخونك كما خان نفسه وعائلته من قبل
وخان الله قبل كل شئ

ختاما ..محمد احيك عالموضوع الرائع
لك مني التحيه
واسفه عالاطاله
تقبل المرور...

مشكورة سلفر علي التعليق الجميل دة
وربنا يجازيك خيرا ً