محدش فينا سأل نفسه اشمعنى المعاصى بتكتر بالليل أكتر
ما بين سكر وعربدة وملاهى ليلية وجلوس على المقاهى مقترنا بشرب ما يغضب الله من دخان وشيشة
وأغانى صاخبة وأجواء غير إيمانية
دا غير اللى بيحصل جوا البيوت عافاكم الله
ما بين معاصى ومخالفات وشجار بين الآزواج
وشباب قاعد بيعصى الله على النت ما بين شات محرم ومواقع إباحية وغيره
أنا أقولكم ليه
دا جزء من حديث صحيح للرسول
ورد في صحيح البخاري
حدثنا إسحاق بن منصور أخبرنا روح بن عبادة أخبرنا ابن جريج قال أخبرني عطاء أنه سمع جابر بن عبد الله رضي الله عنهما يقول
قال رسول الله صلى الله عليه وسلم :
إذا كان جنح الليل أو أمسيتم فكفــّوا صبيانكم فإن الشياطين تنتشر حينئذ ٍ
يعنى تبتدى تنتشر بعد المغرب وتشتغل على بنى آدم!!!!
"والحكمة في انتشارهم حينئذ أن حركتهم في الليل أمكن منها لهم في النهار ؛ لأن الظلام أجمع للقوى الشيطانية
من غيره ، وكذلك كل سواد " " فتح الباري " (6/341)
ويبقوا منتظرين كل واحد عند بيته قبل ما يدخل البيت
ويشوفوا اذاكان هيذكر الله و لا لأ
فاذا ذكر الله قالوا لا مبيت لكم ولا عشاء واذا لم يذكر الله قالوا أدركتم المبيت
للحديث الصحيح
وعن جابر رضي الله عنه قال : سمعت رسول الله يقول :
إذا دخل الرجل بيته فذكر الله تعالى عند دخوله وعند
طعامه قال الشيطان لأصحابه : لا مبيت لكم ولا عشاء وإذا دخل فلم يذكر الله تعالى عند دخوله قال الشيطان : أدركتم المبيت وإذا لم يذكر الله تعالى عند طعامه قال : أدركتم المبيت والعشاء رواه مسلم
كام واحد بقى من المسلمين بيفتكر يسمى الله قبل ما يدخل بيته بالليل !!!!!!!! إلا من رحم ربى
ونقول فى الآخر بيوتنا خربت .. ماهى الشياطين مبيـّتة فيها !!!!!!!!!!
وشوفوا بقى لما تبيــّت الشياطين فى بيت بقى هيحصل
ايه !!!!!!! ... ولا حول ولا قوة إلا بالله
الخلاصة
أى مخالفة للسنة النبوية فى أى شىء لا تأتى إلا بالخسران على صاحبها
فرسول الله صلى الله عليه وسلم لا ينطق إلا بالحق
وسبب ضياعنا دلوقتى هو ابتعادنا عن الكتاب والسنة فى حاجات كتيرة أوى
يا جماعة دى بكلمات بسيطة جدا علمهلنا الرسول ممكن
نبعد بيها أذى كتير أوى ونحصّن بيوتنا وأنفسنا
ولا حول ولا قوة إلا بالله
!!!!!!!!!!!!!!!!
سبب كثرة معاصى بنى آدم بالليل .. مسألتش نفسك؟؟؟؟
العرض العادي
