السلام عليكم ورحمة الله وبركاته
اولا احب ارحب بالاخ حبيب الله فى تيفا نت وبرحب اكتر بمشاركته معانا
وببارك لكل جزائري شريف ومحترم
اما الشرذمة فلا أعدها من شعب الجزائر
ثانيا فوز الجزائر - ده لو فازت او وصلت للنهائي - مش هيزعل مصر ولا هيضرها فى حاجة
لان مصر حاملة اللقب ويمكن من كتر مافزنا بكاس الامم استكفينا منه
ويكفينا ان المنتخب بتاعنا دايما مشرفنا ورافع راسنا
ثالثا انا ضد التعميم لان مش كل جزائري بيكره مصر ومش كل جزائري راح ضرب المصريين فى السودان ومش كل جزائري هيزعل لو مصر فازت
وفى ناس جزائريين كتير محترمين شرفاء كانوا ضد اللى حصل واستنكروه وملهمش ذنب فيه
ده غير ان كلنا عارفين ان الموضوع كان مدبر والمقصود بيه احداث وقيعة بين شعبين عربيين شقيقين وعارفين كمان مين اللى وراه
رابعاً وده الاهم اتمنى من كل الاعضاء المشاركين فى الموضوع ان محدش يسيء لاى دولة عربية
من حق المصريين ياخدوا موقف لكن بطريقة راقية ومحترمة وبدون اساءة لحد مما يدل على رقي المصريين وتحضرهم وثقافتهم
لاننا ولله الحمد شعب متدين وراقي ومحترم حتى فى اختلافه واعتراضه بيختلف بطريقة محترمة
والموقف ناخده من حكومة الجزائر ومن مشاغبيها مش من الشعب اللى هو شعب غلبان ومالوش ذنب فى اى حاجة زينا كده بالظبط
وياريت السادة الاعضاء تبقى مشاركاتهم فى اطار الموضوع المطروح ومنخرجش عنه ومنسيئش لحد
مبروك عليك يا لخضرة بتاهل لدور الربع النهائي
العرض العادي
