مين؟؟؟ , انت , تتكلم , عارف

انت عارف انت بتكلم مين؟؟؟

بسم الله الرحمن الرحيم


هههههههههههه كل يوم بيعدى علينا بشوف مواقف جديده وبنسمع كلام غريب والله
يعنى من ضمن كلام كتير بنسمعه
( أنت اتهبلت انت مش عارف انت بتكلم مين ؟)
تشوف الواد من دول لسه مطلعش من البيضة بس ابوه ماسك منصب مش كبير اوى فى البلد بس ليه وضعه يعنى ماشى بصدره فى الشارع
ولما حد يكلمه ولا يقوله يابنى عيب لما يغلط
يقوله انت مش عارف انت بتكلم مين ؟

والراجل الكبير يا عينى واقف خايف يقول لنفسه مين ده اللى بكلمه ليطع ابوه رئيس المجلس المحلى وينخ تانى
ويقوله والله يابنى مقصد اعمل اللى انت عايزة
ويمشى الراجل خايف للواد الصغير يعمل فيه حاجه فيقعد فى البيت ميطلعش كام يوم ويفضل بعدها خايف للواد الصغير يزحلقة وهو ماشى فى الطريق ولا حاجه

ونمشى لمكان تانى بعيد شوية
وتلاقى بنت امورة صغنتوته كده ضاربة النضارة الشمس والطقم الفخم والبرفان اللى ريحته تشمم شارعين قدام
ورايحه تخلص ورق من مصلحة حكومية ودخلت على موظف حوكمى غلبان تقوله عايزة اخلص الورق ده ؟
يرد عليها يقولها طيب ثوانى يا فندم وهخلصهولك
تقوله ثوانى ايه انت مش عارف انت بتكلم مين ؟
يرد الموظف اللى طالع عين اهله . هتكونى مين يعنى ؟
تقوله لا انت لازم تتربى وتطلع الموبيل وتتصل على واحد صاحبها وتقوله انا اتهزقت على اساس انها بتكلم يعنى ابن وزير المصالح الحكوميه وهو اصلا زميلها فى الجامعه
الموظف الغلبان يبصلها وهى متنرفزة . خلاص والنبى يا بنتى انا غلطان ومش هعملها تانى ويسيب كل اللى فى ايده ويقوم جرى يخلصلها ورقها ويسيب مليون واحد واقف قدامه لغاية ميخلص للانسه ورقها

خدوهم بالصوووووووووت قبل ميغلبوكوا
مثل شعبى اصبح كل الناس بتمشى بيه مع شوية مظاهر كدابه تخفى الحقيقة المرة وشوية براعة فى الكلام بلسان فيه شوية تناكه
وصفة سهله اوى علشان تعمل نفسك مهم فى البلد
وديما الناس بتبص للمظهر وتحدد ازاى هتتعامل معاه ومبتفكرش مين فعلا اللى قدامهم وبيفرحوا اوى لما حد يكلمهم بتكبر على اعتبار منهم انه صاحب منصب كبير ولو اتحاجوه فى حاجه كوسطة يعنى يسهلهم العملية
وهو فى الاخر مش حاجه اصلا بس عرف يمثل دور خايب عليهم وهما يصدقوه

انت عارف انت بتكلم مين ؟
بنسمعها كتير ومبنعرفش ايه وراها
هل اللى بيقولها بيقولها بجد وفعلا هو منصبة عالى فى البلد ويقدر يعمل ويسوى فينا ؟
ولا واحد بيحاول يتحايل عالقانون بتمثسل دور صغير علشان يخلص ورقه ملففاه الكرة الارضية ؟

وفى النهاية
مقدرش اقول غير اننا لو فضلنا نتعامل كده مش هنتقدم ولا هنقدر نوصل ونبقى زى زمان لما كنا بنتحكم بعلمنا فى العالم كله

بنضحك على بعض بالكلام علشان منعطلش نفسنا بس والله اللى بيعمل كده معاه الف حق فى كده مهو عايز يخلص مصلحته زى محصل مع البنت فى المثال التانى
او بنتباها بالمنصب زى محصل فى المثال الاول للواد الصغير والراجل الكبير

---

hkj uhvt fj;gl ldk??? jj;gl

ونبقى زى زمان لما كنا بنتحكم بعلمنا فى العالم كله

صدقنى أما أقولك ان اليوم ده ليه عودة

........

أما عن الموضوع بوجه عام فانت هتنصح مين ولا مين يا عمنا دى بقت كوسة

لا اللى فى المثال الأول هيسمع ولا اللى فى التانى كمان

هو الحل الوحيد ان الواحد يحاول يصلح من نفسه قدر الإمكان ويسيب الباقى على ربنا

كلمة اصبحت على لسان اغلب الناس
" انت مش عارف انت بتكلم مين"
كلنا سواسيه فى الاخر ابن الوزير زى ابن الغفير
لازم الانعره الكدابه يعنى وعلى ايه
بس على راى عبد الرحمن نبدأ بنفسنا الاول
وربنا يهدى الجميع
شكرا اللهم ارزقنى الجنه لموضوعك الواقعى فعلا
جزاكى الله الخير
ورزقكى الله واياكى الجنه
تقبلى مرورى؛؛

(اللى ملوش ظهر يضرب على بطنه)
ده مثل شعبى اكيد كلنا سمعناه قبل كده
المثل ده زى بظبط كلمه انت عارف انت بتكلم مين ده انا ورايا ظهر كبير سوء كان نفوز او مال
دلوقتى العباره دى حتى الغلابه اللى قد حالهم بيقولها علشان يخرجو من المحنه او المكشله اللى هما فيها
واللى وصلنا اننا نردد الجمله دى هى حكومتنا العظيمه
لانى بتحمى اصحاب النفوذ واصحاب الفلوس اللى سرقين البلد
دلوقتى يبقى الولد عنده 20 سنه وماشى فى الشارع بعريبته ويكسر الاشارات ويعمل مشاكل ولما يجى ظابط المرور اللى ربنا يكون في عونه واقف طول النهار على رجليه واللى ممكن يكون عنده 45 سنه ويقول للولد الرخص يطلع من العربيه بمنتهى قله الادب يقوله انت اتجننت انت عارف انا ابن مين
ده انا هخلى بابا يلبسك قضيه وهتروح فى 60 دايهه .

انتم بقه عارفين انا مين ............

انت مش عارفه بتكتب لمين ................

انت مش عارفه اللى بيقرا ده يبقي مين...........

تقبلوا مروري
دمتم علي خير