اقتباس:
المشاركة الأصلية كتبت بواسطة فجر الاسلام
اممممممممممممممممممممممم
انا مش عارفه انا هتفهم صح ولا غلط
لو هم برابرة
واحنا فراعنة
والاردن وفلسطين يهود (بعد خروج سيدنا موسى من مصر وقصه التيه)
وشبه الجزيرة العربية عبده اصنام وعبده نار
يبقى ايه بقه قيمة الاسلام اللى بيلغى ما قبله
انا مهما حصل وده مبدأ وخداه من كتاب الله وسنه رسوله
ان مهما حصل لا يصح ان اشبه المسلم مهما كان بكافر
ميصحش مهما كان انى اكفر حد مسلم واخرجه عن دينه لمجرد ان اصوله كانوا كفره
وبعدين لو رجعنا للاصل الصحيح كل الناس اصلها ابونا ادم وامنا حوا
لذلك انا من الرافضين ومن زمان تلقيب المصريين بلقب الفراعنة اللى لعنهم الله فى القرآن
وللاسف برغم ان ربنا لعنهم فى القرآن فنحن نفتخر باننا فراعنة
وكذلك ارفض لكل شعب مسلم ان يلقب بلقب كافر مهما حصل بينى وبينه
موقفى هيكون ايه ادام ربنا لما اقف بين ايديه واقوله انا خد شريحة من المسلمين واطلقت عليهم لقب كان يطلق عليهم قبل ان يدخلوا الاسلام
انا افتخر بكونى من اصول مسلمة وليس اصول فرعونية لعنها الله فى القرآن
وربنا لما سبلنا الاهرامات وبيوت الفراعنة سبهالنا مش عشان نفتخر بيها
سبهالنا عشان ناخد عظة ان الناس دى وصلت ازاى للقوة و بسبب عنادها وكفرها ربنا سلط ليهم العذاب
أَوَ لَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ كَانُوا مِن قَبْلِهِمْ كَانُوا هُمْ أَشَدَّ مِنْهُمْ قُوَّةً وَآثَارًا فِي الْأَرْضِ فَأَخَذَهُمُ اللَّهُ بِذُنُوبِهِمْ وَمَا كَانَ لَهُم مِّنَ اللَّهِ مِن وَاقٍ
مهو قبل منقول كلام نفكر فيه ونوزنه
لما نعد نقول انتم فراعنة وانتم برابره وانتم مجوس وانت مش عارفه ايه
يبقى ايه بقه لازمته الاسلام
يبقى لغانا اكبر قيمة للاسلام وهو بيمحى ما قبله
يبقى احنا متعلمناش ا ب اسلام
مبدأ الغاية تبرر الوسيلة مبدأ مرفوض فى معظم الاحوال
مش عشان المواضيع اللى حصلت مبينا ومبين الجزائر
اقوم ألقبهم بلقب الكفر او هم يلقبونى بلقب الكفر
احنا كده بنكفر بعضنا
عارفه ان هيجى رد وهيقول هم بيقولوا كده
هرد واقول ان لما هتقف ادام ربنا مش هيكون ده مبرر لربنا لما تقف بين ايديه وتقوله مهما كانوا بيلقبونا بكذا فانا لقبتهم بكذا
ساعتها انتو اللى اتنين هتكونوا سواسية
واذكر بحديث الرسول صلى الله عليه وسلم
عن عبد الله بن مسعود قال: قال رسول الله  : " سباب المسلم فسوق، وقتاله كفر ".
فما بالكم لو السب ده بكفره بيه
عن عبد الله بن عمر عن النبي أنه قال في حجة الوداع: " ويحكم - أو قال: ويلكم - لا ترجعوا بعدي كفارا يضرب بعضكم رقاب بعض ".
ارجو مكنش ازعجتك بكلامى او كنت قاسية بس بجد الموضوع ده حارقنى اوى من زمان لما كنت بشوف ان فى اى حاجة عندنا يفتخروا انهم احفاد الفراعنة اللى لعنهم الله فى القرآن
وزاد حرقتى اكتر
لما حصل موضوع الجزائر ده بقوا دول يشبهونا باننا فراعنة ويهود واحنا نشبهم بالبرابره واليهود
المسلمين بيشبهوا بعض بالكفرة
اكنهم كلهم نسيوا اننا مسلمين وان الاسلام بيلغة ما قبله من الكفر
ونسوا مجهود الرسول الكريم والتعب اللى تعبه عشان رسالة الاسلام توصلنا وهم بافعالهم دى بيلغوا رسالة الاسلام
تصور واحنا داخلين فى ايام مفترجة وعيد الاضحى
الرسول دلوقتى يجلس باكيا على امته
المفروض اللى احنا احباب الرسول اللى الرسول اشتاق اليهم
بالمنظر ده والاحداث اللى حصلت من الطرفين والاعلام السفيه فى الطرفين
منستهلش يا رسول الله حبك وشوقك الينا ومنستهلش ان دمعه من دمعتك الشريفة تنزل حزنا علينا
|
بارك الله فيكى
كل اللى كنت محتاج اقوله ذكرتيه
تفتكروا ليه الاسلام امرنا بعدم رد الاساءه بالاساءه عند التعامل مع شخص مسلم
مهو المفروض اننا مسلمين يبقى محدش هيسئ لحد لو مشينا زى ما الاسلام ما بيقول
لكن ربنا عارف ان درجات الاسلام مختلفه من شخص للاخر
فعارف ان هيحصل اساءه
وقالنا نعمل ايه
كمان هوا كلمه فراعنه بقت حاجه حلوه من امتى
حقيقة الجزائريين 00000
العرض العادي
