مواطن , مطحون(الجزء , الاول) , حوار

حوار مع مواطن مطحون(الجزء الاول)

حوار مع مواطن مطحون
الجـزء الأول
بلال فضل مواطن مصرى بسيط من السكان الأصليين لمصر، كان عائدا من عمله بالمعادى ماشيا إلى مقر إقامته ببولاق أبو العلا، توفيرا لنصف جنيه ثمن الأتوبيس، وحين مر من أمام التليفزيون لفحه هواء التكييف، فوقف قليلا، حتى يجفف عرقه، وكان يفتح فمه للهواء البارد حتى يروى عطشه
خرج أحد معدى البرامج فاصطاده، وقال له: «اتفضل جوه»، فتفضل جوه وهو غير مصدق أن يدخل التليفزيون الذى لا يراه إلا فى التليفزيون
دخل الاستوديو، وانهار تماما حين لمح ساقى المذيعة من الجيبة القصيرة، ركبوا له الميكرفون، وأجلسوه على الكرسى أمام المذيعة
ثم بدأ البرنامج..
*******
المذيعة أمام الكاميرا: من آلاف الاتصالات اللى جت للبرنامج، اخترنا المواطن بلال فضل عشان يشترك معانا. قاطعها، قائلا: ممكن أعفر سيجارة؟
المذيعة من غير الكاميرا: ستوب، ممنوع التدخين يا أخ بلال، إنت هنا فى استوديو، لو سمحت إحنا هنبدأ، وإنت هتطلع فى التليفزيون، لازم تطلع بشكل كويس، وكمان شيل عينك من على رجلى وإحنا بنسجل، بلاش فضايح، لما نخلص إبقى بص براحتك
المذيعة أمام الكاميرا: زى ما انتوا عارفين فكرة برنامجنا قايمة على إننا بنسأل أحد المواطنين فى المعلومات العامة، وبنختلف عن كل البرامج فى إن الضيف، سواء جاوب صح أو غلط بيكسب جايزتنا، والمرة دى الجايزة عبارة عن موسوعة: ما تقلش إيه إدتنا مصر، اللى بتلخص إنجازات الحزب الوطنى فى مصر، فى طباعة فاخرة، وغلاف سميك، وهى مكونة من 75 مجلدا، والبرنامج بيوصلها للفايز لحد البيت
ـ جاهز يا أخ بلال، ممكن تعرف المشاهدين بنفسك؟
ـ محسوبك بلال محمد فضل، ده الاسم اللى فى «البوتاءه»، بس فى «المنتئة» بيقولوا لى يا أشرف، عشان كان ليا أخ اسمه أشرف بيلعب فى الشارع وهو عيل زبلة كده، ولا مؤاخذة، مسكت فيه الكهربا بتاعة عمود النور مات طوّالى، ومن ساعتها بقى الناس بيقولوا لى يا أشرف، عشان أمى ما تعرفش إنه مات، ومش عايزين نزعلها عشان عيانة
ـ بتشتغل إيه يا بلال؟ اتكلم بصراحة
ـ بصراحة أنا باشتغل فى مصنع لبن، فى ستة أكتوبر، عارفاها سيادتك، اللى هى زى العاشر من رمضان بس ورا الجيزة، وديكهه ورا المطار
*******
ـ بتشتغل إيه فى مصنع الألبان وياريت تتكلم بصراحة؟
ـ طالما قلتى نتكلم بصراحة، هاقول لسعادتك، لما بيكون فى لبن شاكين إنه باظ، بيديهونى أشربه عشان يتأكدوا ينزلوه السوق ولا لأ، هى شغلانة تموع النفس، بس مكسبها حلو، باخد 280 جنيه
ـ بس؟
ـ ماتنسيش إن اللبن اللى باشربه ببلاش، دى فى ناس فى الحتة بتاعتنا بتحلم بالشغلانة دى
ـ معقولة بتعيش بـ280 جنيه بس فى الشهر؟
ـ إنتى مش شايفانى باتنفس قدامك أهوه أبقى عايش ولا مش عايش، وبعدين طالما قلتى بصراحة، أنا باشتغل بالليل فى قهوة جنب البيت
ـ بتشتغل إيه فى القهوة؟
ـ صاحبها بيبعتنى طريق السويس أجيب له مخدرات عشان ينزلها فى الشيَش
المذيعة من غير الكاميرا: إنت بتقول إيه يا أخ انت، ستوب، إيه الكلام ده، وقلت لك 100 مرة ما تبصش على رجلى، إنت بتهزر فى الكلام ده طبعا؟
ـ هههه، طبعا ياست هانم، هو أنا غبى عشان أعترف، ده الراجل فاتح بيتى
المذيعة أمام الكاميرا: بتشتغل إيه فى القهوة؟
ـ باعرق فى الشاى عشان يبقى شاى بلبن، ما أنا بابقى شارب لبن طول النهار، إيه رأيك فى الإجابة دى؟ صايعة مش كده؟
*******
إنت متجوز يا أشرف، قصدى يا بلال؟
ـ هو أنا كنت عايز أتجوز، بس أمى قالت لى مايصحش لازم أخوك أشرف يتجوز الأول، فجوزتنى على أساس إنى أشرف، وأنا وافقت عشان ما أزعلهاش، مش أنا قلت لك إنها عيانة؟
ـ قلت لى، ألف سلامة عليها، عندك أولاد؟
ـ لحد مانزلت النهارده من البيت كان عندى أربع عيال خلفتهم لأشرف الله يرحمه، بس ما أعرفش هالاقيهم لما أروح ولا لأ، عشان العيال عندنا فى «المنتئة» مابتعيشّى كتير
المذيعة مندهشة: غريبة قوى، يعنى إنت عايش مع مامتك ومرات أخوك اللى هى مراتك وعياله اللى هم عيالك؟
يقاطعها: ده غير أبويا اللى مشلول من عشر سنين عشان الماكنة كلت رجليه فى المصنع اللى كان شغال فيه ومارضيوش يدوا له تعويض، لإن المفروض إننا صعايدة وعيب نقبل العوض، ده غير أم مرات أشرف، وأبو مرات أشرف بس هو تايه بقى له فترة ومارضيناش ندور عليه عشان أكلته جامدة وبيعمل حاجات وحشة بعد الأكل
ـ فهمت فهمت، بس اللى مش فاهماه إزاى بتقدر تصرف الـ280 جنيه على الأسرة دى كلها طول الشهر؟
ـ يعنى إيه أسرة؟
ـ العيلة بتاعتك، بتصرف إزاى عليهم كلهم 280 جنيه فى الشهر؟
ـ يعنى إيه شهر؟
تبدو ملامح الغضب على وجه المذيعة فيقول بلال ضاحكاً: إيه قفشتى ليه يا آنسة؟ باهزر معاكى، «ما تتعسبيش»، والله أهو ربنا ساترها معانا، أصلنا مابندفعش إيجار عشان صاحب البيت مات، جت له أنفلونزا بتاعة الفراخ، عشان كانت أمى مربية فراخ فى السطوح، بس الفراخ لسه عايشة
ـ الحمد لله، طب تنصح الشباب اللى فى سنك بإيه؟
ـ لو ليك أخ اسمه أشرف ومات قول لأمك، حتى لو كانت عيانة وزعلت، وإن كان على أمك اطمن، مش هتموت إلا لما يخلص أجلها
*******
يـ تـ بـ ـع..
-بــلال فضــل

---

p,hv lu l,h'k l'p,k(hg[.x hgh,g)

جميلة قوى يا فجر بلال فضل اولا اسلوبه بيعجبنى كتير وانا بتابع كتاباته دايما لانه بينقل وضع الشارع المصرى
تقبلى مرورى

لو ليك أخ اسمه أشرف ومات قول لأمك، حتى لو كانت عيانة وزعلت، وإن كان على أمك اطمن، مش هتموت إلا لما يخلص أجلها
التعبير ده صح فعلا
ما هو لكل اجل كتاب

جميلة قوى يا فجر بلال فضل اولا اسلوبه بيعجبنى كتير وانا بتابع كتاباته دايما لانه بينقل وضع الشارع المصرى
تقبلى مرورى

نورت التوبيك يا سامر
فعلا بلال فضل كتابته حلوة

ان شاء الله لما يوصلى الجزء التانى
هنزله فى المنتدى

من نظرتي المبدئيه للموضوع اكتشفت الاتي

ان الموضوع مبني علي الفساد والاستغلال السئ للمستوي الاجتماعي المتدني من الافراد واد ايه قسوه الحياه في زمن كثر فيه الفساد وايضا بيوضح التعالي والتكبر من المذيعه ................. الخ

.................................................. ......

بس ليا نظره تانيه خاااالص

بتوضح اد ايه الرضا بتوضح ايضا حبه للحياه وطاعته العمياء لوالدته واد ايه خوفه علي مشاعرهااا واد ايه طيبه قلبه وطريقه معاملته


.................................................. .........

شكرا علي موضوعك فجر

بارك الله فيكي

first the name of the topic remember me with flash

and i think belal choose the name from the great hero in flash books




"al mowaten al mathon "

بلال فضل

i know him from afriend of mine

he is a good and wonderful writer
(but unfortunately work as journalist)


i know that he aims to show the bad side of the socity to make the reader see the bad side so something may change if the reader was from "....."rabna g3al kalmna '7afef 3alyhom


still

there is some thing i would like to said

each country has is owen
(mowaten mathon )

still the problem is about the %

in egypt % might be high regarding

"not our government"

but actually

regarding our people

egyption people like "pharous"

i know all will said no

but this the truth

Pharous can't be but pharous

when u said to jopless man and tell him gov. will give u 100 pund per month

instead of taking them he .... walla balsh kolkom 3arfen haykol eh

boso

here

iam in acountary considered from "asian tigers"

people work in some jops u won't imagine

still they r happy

why

they want to be happy

here

people far far away from the heart of islam

they pray

the do every thing writed in holly quran in action

but what about soul

no change for good with out changed the way we treat with our soul

i'll return again to this topic to cont. my words

.....

"al mowaten al mathon "

ههههههههههههه انا كنت بحبه اوى فى قصص فلاش وفعلا اول ما قريت العنوان افتكرته ربنا يمسيه بالخير لو كان لسه عايش وربنا يرحمه لو كان مات لانه كان عايش ببركة دعا الوالدين

people far far away from the heart of islam

they pray

the do every thing writed in holly quran in action

but what about soul

صح الناس ينقصها الضمير ودى كظاهرة عامة

بس فى ناس برضو بيكون عندها ضمير ومش واخده حقها
وناس الظروف اللى حواليها بتخليها وتجبرها انها تفقد ضميرها

هى دايرة مقفولة واحنا كلنا بنلف فيها

شكرا لكى موضوع رائع

يجمع بين الجديه والفكاهه

تقبلى مرورى