مخنوق , القصه , احكيلوا , تاني , عرفك , وابقى , واحد , قابلنى

لو مخنوق من واحد احكيلوا القصه وابقى قابلنى لو عرفك تانى

واحد وواحدة بيحبوا بعض حب كبير
قرر الحبيب انه يتقدم لابو حبيبته عشان يطلب ايدها
اخد ميعاد وجلس مع الاب ودار الحوار التالى
الحبيب : عمو انا وبنتك بنحب بعض من زمان
الاب : وماله يا بنى الحب مش عيب
الحبيب : عشان كده يا عمو انا جاى اتقدم لبنتك
الاب : وماله يا بنى اتقدم زى مانت عايز بس انا ليا طلبات للى ييجى يتقدم لبنتى
الحبيب : ايه هى يا عمو ...رقبتى سدادة
الاب : شقة بمليون جنيه .. سيارة مش اقل من bmw فئة سابعة ...مهر نص مليون وشبكة بميت الف جنيه
الحبيب : بس يا عمو انا ماحلتيش حاجة
الاب: اتصرف يا بنى ...اسرق ..انصب ..ان شالله تسافر امريكا
الحبيب : بس وعد يا عمى لو سافرت امريكا وعملت ثروة ارجع اتجوز بنتك ؟
الاب : وعد يا بنى ...اتكل على الله





لم يكذب الحبيب خبر

اخذ اول طيارة وسافر الى امريكا

وعندما هبط على الاراضى الامريكية وجد مطعم يطلب عمالة فذهب الى صاحب المطعم ودار الحوار التالى

الحبيب : انا مزنوق اوى وبحب واحدة فى مصر وعايز اعمل ثروة عشان اتجوزها
صاحب المطعم : وماله ..انا هاشغلك عندى تغسل اطباق لمدة 3 سنين بس عندى شرط
الحبيب : اؤمرنى
صاحب المطعم : شرطى الوحيد انك خلال ال3 سنين لو كسرت طبق واحد ملكش فلوس عندى
الحبيب : بس كده...موافق طبعا

ودخل
الحبيب فى تحدى مع نفسه فى غسل الاطباق باتقان شديد خلال 3 سنوات حتى جاء
اخر يوم فى ال3 سنوات وحدثت الكارثة وكسر طبق واحد وتم طرده من المطعم شر
طرده

هل يأس الحبيب؟

لا طبعا ...اتجه الى شيكاغو وانضم
لعصابات (ال كابونى )و (دلينجر) وكون ثروة كبيرة جدا وقرر الرجوع الى مصر
واتقدم للزواج لحبيبته وتم الزواج بالفعل
عاش الزوجان فى تبات ونبات لمدة 20 سنة
وفى ليلة من ذات الليالى نقح ضمير الزوج عليه اوى وقرر انه يصارح زوجته بمصدر الثروة اللى معيشها فيها وكان الحوار التالى

الزوج : حبيبتى
الزوجة: ايوة يا حبيبى ..عاوز حاجة؟
الزوج: انا مخبى عليكى سر خطييييير بقالى 20 سنة
الزوجة : يا لهوى..ايه هو؟
الزوج : انا بقالى 20 سنة معيشك بفلوس حرام
الزوجة : يا لهوى ...طب وبعدين؟
الزوج : شورى عليا اعمل ايه
الزوجة : اتبرع بالفلوس للجمعيات الخيرية
الزوج : ازاى ؟ وهى فلوس حرام
الزوجة : طب ندى الفلوس دى لايتام
الزوج : بقولك فلوس حرام ....حرااااام
الزوجة : طب بص انا عندى فكرة ....انزل على القهوة دلوقت اشرب فنجان قهوة مع شيشة معسل واكيد اكيد هايجيلك الحل
الزوج : فكرة برضه



لم يكذب الزوج خبرا

ولكنه

جه ينزل على القهوة

حدث مالا يتوقعه احد

نزل على الشاى !!!!!!!

خلصت الحكاية

---

g, lok,r lk ,hp] hp;dg,h hgrwi ,hfrn rhfgkn uvt; jhkn jhkd

والله بجد معتش على البن الحمد لله

الحمد لله
إن الشاى مكنش سخن
كااااااااااان حرقه ولا لدعه
بالحق فبل ما أنسى
ابقى صحى الحبيب من النوم
وخليه يتغطى حلو المرة الجاية

مشكورين على مروركم
حاضر يااستاذ محمد هصحيه
وانا المره الجايه الى هغطيه بنفسى