أيوه , مسئول , أنا

أنا مش مسئول !! أيوه بس

قعد الكاهن العجوز , في مكانه الاسبوعي المخصص لإلقاء الوعظ الاسبوعي يوم الحد .... و حواليه حاشيته من الرهابين الصغيرين ... و كان مستمتع جدا بمنظر الناس و هي قاعده أدامه زي الحيوانات .. منظر بركاته تحل عليه
الحقيقه ان معظم الحاضرين مكانش بيحضر علشان يسمع وعظ , او تحل عليه البركه ... الكل كان بيحضر كأنه بيحضر مسرحيه فكاهيه اسبوعيه مجانيه .. أصل الكاهن بأه دمه خفيف اووي لما كبر و عجّز , , بأه بيطلع فتاوي دمها خفيف اوي
اول الفتاوي اللي لفتت الشعب الي موهبه الكاهن الكوميديه , فتاوه الاشهر بأن اللي يبوس واحده عمل ذنب , ولازم يكمل مسيره البوس , لانها كده كده نفس الذنب !!!
وتوالت فتاواه التانيه : الحشيش موش حرام , طالما موش بيتشرب في سجاير , و ان الخوازيق حلال .... و ان اللي يقتل واحد لازم يقتله ذبحا , بعد ما يسمي عليه !!
المرادي كان محضر فتوي جامده جدا ..
نتخيل المنظر , الكاهن قاعد في كرسيه , الناس مستنيه النكته بتاع الاسبوع ده ,, و الشيخ - بسبب ضعق نظره و كبره في السن- شايفهم بحر كبير متلاطم الامواج , و ده كفيل جدا انه يلهب خياله بفتاوي مبتكره
بس واضح ان البحر نفسه عمل مفعول جامد : بدأ الكاهن كلامه بحمد الرب و الثناء عليه و طلب بركات رسوله : ثم انتفض فجأه , و قام جري علي احد الحاضرات ونزع بلوزتها غاضبا
وقال: إيه ده؟؟ أيتها السماء , أيتها الالهه , إلطفي بينا .... انتي لابسه هدوم !!!! ما تعرفيش ان الهدوم عاده موش عباده ؟؟؟ .. و إنها بدعه !!
حاولت أحد الراهبات استعطافه ., ع الاقل يرجع للبنيه البادي , ده لسه جديد ...
ثم هيا موش عايز حد يشوف جسمها ... غيرشي بس البوي فريند بتاعها , و العيال اللي تعرفهم ع النت .... و بس
قالها بحزم , و غضب ::: لأا , اومال لو كانوا حلوين شويه هتعمل ايه ... ثم ايه الانانيه دي ... الشباب زمايلها في الوعظ مالهمشي نفس يتفرجوا !! ... زمن عجيب !!
خرج الجميع من ال الوعظ , و كان علي رؤسهم الطير ... مندهشين ولا دهشه ابن البواب امام الايفون ... الموضوع كبر , مابقاش مجرد جنان ... ده وصل للتخريف !!!!
تاني يوم : كتبت صحيفه الزلنطحيه اليوميه الرسميه , بقلم رئيس تحريرها سليمان المريح .. كتب مقاله يشيد بيها بحكمه الكاهن , و حنكه الكاهن .. يا سيدي ع الكاهن , و حلاوه الكاهن ,, اموت أنا
ونبه اللي بعد نظره : بيوفر للبلد تمن القماش , و بيساهم في توفير بند مالوش اي لازمه من بنود الصرف
و كمان الموجه الحاره اللي اجتاحت البلاد , و لازملها حاجه خفيفه , علشان نوفر في طاقه البلد الكهربيه !!!
اما رئيس تحرير جريده الطيور , فقد كتب مقالا شنيعا , بيهاجم فيه الكاهن , و ابو الكاهن , و اللي خلفوا الكاهن ... اتفو ع الكاهن
و تف كمان شويه تفّات ع الللي عين الكاتب في المنصب ده .. واللي خلاه يستني لحد الوقت ده
و بما إن البلد فيها حريه , اختفي رئيس تحرير جريده الطيور .... و تم تعيين رئيس تحرير جريده الزلنطحيه وزيرا للصحافه و الكهرباء
وفضل الكاهن في مكانه
و الناس ماقلعتش هدومها
و اللي عين الكاهن عايش
و هيفضل عايش لحد ما نموت إحنا
انتهى
القصه من وحي خيالية , وأي ربط بين الاحداث الخياليه للقصه , و الواقع , هو مسؤليه القارئ لوحده والله ما ليش دعوة
بس كده خلصت ذمتى
اشهد يارب

---

Hkh la lsz,g !! Hd,i fs

الموضوعات على شاكله الانبا طنطنيوس

اارفضها حتى وان اخطأ شيخ الازهر فلا يجب ان نصفه بالكفر

حتى وان اخطأ فى حكم دينى او تصرف وهوا فى مكانه كبيره فلا اظن انه من الصحيح تكفيره او السخريه منه لهذه الدرجه

لا تعليـــــــــــــــــــــــــــــق

مندوز
حبيبي
أنا مش قاصد اللى إنته فهمته
اقرأ الموضوع تانى
و أنا برضه مليش دعوة
افهم برحتك
مش هقول المقصود