الأخوان , المسلمين , الأزهر , النقاب , بمنع , بعد , بعزل , يطالبون , سيد , قراره

بعد قراره بمنع النقاب .. الأخوان المسلمين يطالبون بعزل شيخ الأزهر

بعد قراره بمنع النقاب .. الأخوان المسلمين يطالبون بعزل شيخ الأزهر

لقاهرة: طالبت كتلة الإخوان بمجلس الشعب بعزل شيخ الأزهر لمنعه المعلمات المنقبات أو الطالبات من دخول المعاهد الأزهرية.
وقال النائب حمدي حسن، عضو كتلة الإخوان في سؤال وجهه إلى رئيس الوزراء، إن "شيخ الأزهر أصبح يسيء إلى الحكومة وللمؤسسة الدينية التى ينتمى إليها".
وتساءل النائب، بحسب موقع "أخبار العالم"، "بأى حق سيصدر شيخ الأزهر قراراً بمنع المنقبات سواء كن معلمات أو طالبات من دخول المعاهد الأزهرية"، وعلق قائلاً إنه يبدو أن شيخ الأزهر "نسى أنه يزور معهداً دينياً وسيجد فيه عدداً كبيراً من المنتقبات فإذا أراد أن يزور معهدا ولا يرى منتقبات ولا محجبات فعليه أن يزور معهدا للرقص الشرقي وحينها لن يجد منتقبة واحدة ولن يجد نفسه مضطراً لأن يصدر قراراً بمنع النقاب".
يذكر أن الدكتور محمد سيد طنطاوى، شيخ الأزهر، أجبر طالبة فى أحد المعاهد الأزهرية بمدينة نصر، أمس الأول، على خلع النقاب، وإعلانه عزمه إصدار قرار بمنع دخول المنتقبات المعاهد الأزهرية.
وأيد الدكتور عبدالمعطى بيومى، عضو مجمع البحوث الإسلامية، قرار شيخ الأزهر بقوله " إن النقاب ليس فرضاً ولا سنة، وإنما يعتمد على روايات ضعيفة لا يعتد بها، وهو مجرد عادة، موضحاً أن الزى الشرعى للمرأة يشترط أن يستر جميع جسدها عدا الوجه والكفين، مما يعنى أن وجه المرأة ليس عورة.
وأكد بيومى أن موقف شيخ الأزهر من النقاب يعكس موقف علماء الأزهر، معلناً تأييده إصدار قرار بمنع ارتدائه فى المعاهد.
وأعلنت الدكتورة آمنة نصير، أستاذ العقيدة والفلسفة فى جامعة الأزهر، تأييدها لإصدار قرار بمنع ارتداء النقاب، مطالبة بأن يتجاوز الأمر مجرد إصدار قرار إلى سن قانون رسمى يجرم ارتداءه للحفاظ على سلامة وأمن المجتمع.

---

fu] rvhvi flku hgkrhf >> hgHo,hk hglsgldk d'hgf,k fu.g ado hgH.iv sd]

لا لا تعليق

انا لله وانا اليه راجعون

أنا ضد قرار منع النقاب ولكن ضد الأخوان المسلمين بالذات في هذه المسألة

ولهم كلمة يحطوها في ودانهم

اللي بيته من ازاز ميحدفش الناس بالطوب

أنا مع القرار ده والله ،،

دا الناس بقيت مفكره النفاب ده لعبه ،،
البنات الصغيره لبساه ،، وعلى فكره دا سبب منعه

وأغلب الى لابسين نقاب ولا يفقهوا شئ فى الإسلام
طيب نتعلم دينا الأول وبعدين نلبس النقاب عشان نبقى بنعمل حاجه صح بجد ،،

مش نلبس النقاب وإحنا منعرفش أى حاجه عن دينا ،
الله المستعان

ولهم كلمة يحطوها في ودانهم

اللي بيته من ازاز ميحدفش الناس بالطوب

كلمه فى الجون

على ما يقولوا على النقاب يقلبوه على اللحيه ويشوفوا ردهم على السلف

أنا مع القرار ده والله ،،

دا الناس بقيت مفكره النفاب ده لعبه ،،
البنات الصغيره لبساه ،، وعلى فكره دا سبب منعه

لالا يا احمد انا مش معاك خالص في الرأي دا
انت كده هتظلم الناس المتدينة اللي لابسة النقاب

انت ماتحكمش علي كل الناس انها مش متدينة
وغيره كده اصلا ان النقاب اعتبره مشايخنا في عصرنا الحالي فرض
لكثرة الفتن
اينعم في ناس كتير بتسئ لنقاب ولكن ارتداءه افضل

يعني زي الشيخ اللي مربي لحيتة (دقنة) وبسرق او بيعاكس بنات
يبقي معني كده ان اللي بيربوا دقنهم مش كويسين

الفكره ان الفئة الوحشة ماتطغاش علي الفئة الكويسة
بس المشكلة ان السيئة بالتعم

الله المستعان ،،

لالا يا احمد انا مش معاك خالص في الرأي دا
انت كده هتظلم الناس المتدينة اللي لابسة النقاب

انت ماتحكمش علي كل الناس انها مش متدينة
وغيره كده اصلا ان النقاب اعتبره مشايخنا في عصرنا الحالي فرض
لكثرة الفتن
اينعم في ناس كتير بتسئ لنقاب ولكن ارتداءه افضل

يعني زي الشيخ اللي مربي لحيتة (دقنة) وبسرق او بيعاكس بنات
يبقي معني كده ان اللي بيربوا دقنهم مش كويسين

الفكره ان الفئة الوحشة ماتطغاش علي الفئة الكويسة
بس المشكلة ان السيئة بالتعم

للاسف الشديد دايما بتتطغى الفئة الوحشة على الحلوة

والحقيقة انا بشوف ان النقاب عند كثير من الناس الا من رحم ربى بقت موضه

وكمان نظرة المجتمع للى لابسة نقاب دايما انها بتكون شيخة وتفتى ويروحوا يسالوها
مع انها انسانة عادية

وغيره كده اصلا ان النقاب اعتبره مشايخنا في عصرنا الحالي فرض
لكثرة الفتن

للاسف مبقاش يحمى من الفتن اللى موجوده فى الزمن ده
بالعكس بدل ميحمى
اصبح يضر اكثر نتيجة استخدام فئة من الناس له استخدام خاطىء فى السرقات والتخفى وغيرو
فئة من الناس اصبحوا يستخدموه بطريقة خاطئة تسبب ضرر للمجتمع

أنا ضد قرار منع النقاب ولكن ضد الأخوان المسلمين بالذات في هذه المسألة

ولهم كلمة يحطوها في ودانهم

اللي بيته من ازاز ميحدفش الناس بالطوب

لا مهم الاخوان عاوزين جنازة يشبعوا فيها لطم
وبعدين مش دى الحجة القوية اللى يطلب بيها بعزله لان هو ممنعش حاجة ربنا سبحانه وتعالى فرضها دى حاجة فضل من البنت
وبعدين يعنى من الاولى كان يتعزل لما سلم على بيريز


هقولكم حاجة الاسبوع اللى فات كنت ماشية فى الشارع انا وماما
لقيت بنتين واحدى عندها حوالى 7 سنين ةالتانية حوالى 9 سنين
لقتهم ماشيين منقبين وانا اول مرة اشوف حد فى السن ده ومتنقب
استغربت جدا لا والنقاب مش كبير عليهم اقول مثلا بتاع مامتهم
لا كان على قدهم بالظبط متفصل ليهم باين
لدرجة قلت لماما لما دول يلبسوا نقاب يبقى انا البس كفن
هههههههههههههههههه

حرام بجد فى سن صغير زى ده يلبسوه واكيد عشان لبسوه مش هيعرفوا يلعبوا تصورا واحدة 7 سنين ومش عارفه تجرى وتلعب

بس سيبكم من كل ده

حلقة عمرو اديب لفتت نظرى لحاجة
ان موضوع الساعة فى مصر قرار منع النقاب وشيخ الازهر وده اللى على لسانا
وناسيين اللى بيعملوه اليهود فى هذه الايام فى المسجد الاقصى

ناسيييييين خالص

ان موضوع الساعة فى مصر قرار منع النقاب وشيخ الازهر وده اللى على لسانا
وناسيين اللى بيعملوه اليهود فى هذه الايام فى المسجد الاقصى

انا لله وانا اليه راجعون
علي فكره تحس ان الموضوع دا فيه سياسة مدنسة
يعني كل مايحصل حاجه في الاقصي او في فلسطين

يحصل عندنا مشكلة تلهينا عن الاهم
وحنا نايمين في العسل
عندك حق والله يافجر

اللهم عجل بنصر الاسلام والمسلمين يااااااارب العالمين
لابد من التذكرة والدعاء المستمر لأخواننا هناك

والله المسعان علي كل جبار ،،،