بلد , كفايه

كفايه يا بلد

على باب سفارة امريكا .. لمحت ابليس و ف ايده استماره


بقول له على فين .. قاللي بص يا عم .. يا هجره يا اعاره ..

يا عم زهقت .. كفرت .. الاقيش معاك سيجاره ..

انا انتهيت خلاص .. لا نافع وسواس ولا خناس .. ولا ليا عيش وسط الناس .

دي عالم مجرمين ... بلاقي عندكوا البهدلة والفساد ..

انتو مش محتاجين شياطين ... انا مليش عيش ف دي البلاد .

بقالي سنين كتيرة عاطل .

لأنكوا بتعرفوا تقلبوا الحق باطل ..

و تسلكوا القاتل .....

ومفيش مشاكل ..

يا عم ده انا بقيت أوسوس بالمقلوب ..

و أقول للحرامي .. كفايه بقى .. توووووب ..

انت ايه . لوحدك هاتعمل كل الذنوب ..

أشتغل واعظ و أنا ابليس .. ولا كمساري ف اتوبيس ..

يا عم ده انا زمان كنت استنى حد ينسى يسمي وهو بياكل لقمته ..

دلوقتي كل اكلكم ملوث .. و بصراحه الواحد خايف على صحته ..

ده مفيش ضمير اساساً عشان اموته ..

و كل واحد بمزاجه .. خربانه ذمته ..

يا عم ده كل حاجه اتسرقت ..

وكده الاجيال الجديده م الحراميه اتظلمت ..

يا راجل ده من كتر ما لطشت معايا ..

خرجت ف مظاهره مع الناس اللي ! بتقول كفايه ..

---

;thdi dh fg]

على سبيل الفرفشة ماشى
أما فى الواقع إبليس على باب سفارة أمريكا ولا إنت خايف تقولها
تقوم مخليها كندا
يااااااااااااااااااااااااااااااااااااااه
فعلا ينقلب الحق باطل

وربنا وربنا وربنا ما انا مزعلك يا عاشق اللغه العربيه يا جامد

تم تعديل الموضوع

ههههههههههههههه

جميلة جدا فعلا هو هيطفش