تعال قول رايك في webcraker

**عاشق الايمان** · 2009-09-20, 03:36 AM

بسم الله الرحمن الرحيم

انا جاتلي فكره موضوع تقريبا كده عكس كرسي الاعتراف بس هيتم الاختيار عشوائيااا

المهم الفكره هي ايه

هنختار عضو من اعضاء المنتدي

وكل عضو هيدخل يقول رايه بامانه في العضو ده من مميزات و عيوب سواء في الواقع او عن طريق معلمومات عن العضو في المنتدي

بس ارجوا من الاعضاء عدم الخروج بالفاظ قد تسئ للعضو المستضاف

وهنبدائها معاكم مع ( webcraker )

ودي صفحته الخاصه

تعال قول رايك في webcraker avatar2_12.gif

juhg r,g vhd; td webcraker

**عاشق الايمان** · 2009-09-20, 03:47 AM

بما ان انا صاحب الموضوع فهقول راي بصرحه من الواقع العام

كراكر شخصيه جميله جداا ومحترمه دايما بيدي لكل الشخصيات احترامها المتكامل سواء اصغر منه في السن او اكبر منه لانه بيتعامل معاه علميا وعقليا مش سنيااا

شخصيه مش كوميديه قوووي يعني من الصعب تلاقيه بيضحك او بسيط جداااا

لا وايه انسان دماغ مش فارقه معاه الدنيا في حاجه بس احب اطمنكم ده شئ وراثي

وكفايه عليك كده يا ويب كراكر

ايه هتطمع

**Sir.7amato** · 2009-09-20, 04:51 AM

بص انا مش بجامل ولا بزين الكلام عشان ع المنتدى وكده ،،

محمد إنسان محترم ، متواضع ، مثقف ، ذكى ، وفيه صفات تانيه كتير
يعنى عاوز أقولك من الناس الى انا بحب اقعد معاهم ،
حد بستفاد منه كتير ،

إنسان روحه خفيفه ودى الحاجه الى بتحبب الناس فيه
بجد ربنا يكرمه ويوفقه فى حياته ويحققله كل الى بيتمناه

عاوز أقول بس إن محمد عنده مشكله صغيره مبيعرفش يقسم وقته ،، وآمل يعنى إنو يحل المشكله دى
طبعاً انا إتكلمت من قلبى وسيبت إيدى هى الى تكتب ومفكرتش فى الكلام قبل مقوله ولا زوقته لان دى فعلاُ الحقيقه ،،

بشكرك يا فارس على موضوعك الجميل ،
وبتمنى مكنش طولت عليكوا وكل سنه وانت طيب يا كراكر ،،

**La via** · 2009-09-20, 05:08 AM

هو شخص طيب.محترم . خجول

دة عىل حد علمى الله اعلم بس دة التفسير من طرقيتة وهو باين علية شخص مجتهد بس
مش منظم
شكرا بس كدة

**عبدالرحمن م** · 2009-09-20, 05:19 AM

احسن ناس والله ومن غير ما أقابله

**فجر الاسلام** · 2009-09-20, 06:39 AM

ههههههههه وانت اول لما تختار حد تختار البيج بوص بتاعنا
هو فعلا شخصية محترمة وتعامله راقى وعملية
وواضح انه بيجتهد فى شغله حتى تلاقى على طول على ايميله بيزى ويمكن دى الشخصية الوحيدة اللى لما بلاقى بيزى على ايميلها مبحبش اغتت عليها لانى عارفه ان هو اكيد بيشتغل
بس الى حد ما لاحظت ان هو مكبر دماغه واحيانا بتكون ميزة واحيانا بتكون عيب

**عاشق الايمان** · 2009-09-20, 07:35 AM

اقتباس:

المشاركة الأصلية كتبت بواسطة فجر الاسلام

ويمكن دى الشخصية الوحيدة اللى لما بلاقى بيزى على ايميلها مبحبش اغتت عليها

هههههههههههه ما انتي متعرافيش ايه الا ورا بيزي دي نخلي الطابق مستور احسن وبلاش فضايح

**Lost Angel** · 2009-09-20, 07:37 AM

انا هقول رأي بعد ما أخد العيدية بتاعتي بس بيني وبينك بقي عشان الفضايح

اقتباس:

شخصيه مش كوميديه قوووي يعني من الصعب تلاقيه بيضحك او بسيط جداااا

اعترض معاك في هذه النقطه

اقتباس:

لا وايه انسان دماغ مش فارقه معاه الدنيا في حاجه بس احب اطمنكم ده شئ وراثي

دي بقي أبصم عليها بالعشرة وتزود عليها حتة كمان وراثة الكــــــــــــــــسل

**Muhamed** · 2009-09-20, 08:58 AM

كسول

عصبى

معندش مشاعر ولا احاثيث

متذبذب قى قرارته

حاسم فى ردود افعاله

مبيعترفش بغلطه

متكبر

متغطرس

ليبرالى

اخوانى

شيوعى

حزب وطنى

هوا انا ايه دخلنى هنا

**انين الصمت** · 2009-09-20, 09:34 AM

من الواضح انه شخصية فى قمة الاحترام ,,, مميز جدااا .... و لكن
على ما اظن يحب العزلة نوعا ما
مش روش اوى
و مع ذلك فهو شخصية قوية جداا صريح جدااا
كفاية كدة اوى

**vip** · 2009-09-20, 12:07 PM

السلام عليكم ورحمه الله وبركاته

احب اقولكم ان محمد شخصيه محترمه جدا جدا جدا

وزكى جدا واحب اعرفكم انه شخصيه كوميديه

واهم حاجه مبيحبش الكوسه

وانا اتفقت معاه اجيبله عجله وانا جاى من السفر

**عاشق الايمان** · 2009-09-20, 01:35 PM

اقتباس:

المشاركة الأصلية كتبت بواسطة lost angel

انا هقول رأي بعد ما أخد العيدية بتاعتي بس بيني وبينك بقي عشان الفضايح

اعترض معاك في هذه النقطه

لا اعتراضك مرفوض خلي بالك ويب كراكر عامل زي الطفل محتاج الا يضحكه ويشتغلوه اراجوز

ويزغزغه

**عبدالرحمن م** · 2009-09-20, 03:42 PM

اقتباس:

كسول

عصبى

معندش مشاعر ولا احاثيث

متذبذب قى قرارته

حاسم فى ردود افعاله

مبيعترفش بغلطه

متكبر

متغطرس

ليبرالى

اخوانى

شيوعى

حزب وطنى

هوا انا ايه دخلنى هنا

اهرب يا محمد

**ابن مصر** · 2009-09-20, 06:42 PM

اقتباس:

معندش مشاعر ولا احاثيث

معلش مانوز ثنته انكثرت

،،،،

ايه المواضيع اللي عايزه الواحد ينافق دي

لكن مش هنافق وهتكلم بثراحه قصدي بثراحه يووووووه بصراحة

شوف ياجماعة

ابو ابراهيم ،، الغالي

فاكر ايام محمد مدحت الله يمسيه بالخير

ده كان اول احتكاك حقيقي لينا ببعض

من يومها وانا بقيت على علاقة وطيدة >>> وركز على وطيدة دي شوية

محمد انسان قنوع ماعدا العربية اللي كل ما ندور عليه الاقيه بيجربها ومبيديش ولا لفه لحد >>> طبعا محدش فاهم دي الا المشرفين

انسان طيب ، ومسالم بشكل كبير وبصراحة مش في صالحة

الدنيا بتتغير والنفوس ببتغير احمد اصبح غير ابوزدحمد

محمد خياله كبير هادئ الطباع

في حاجة قلقاه اليومين دووول ومش عارف ياخد فيها قرار

ومتردد في استنتاج اي نتائج لها >>> باعتباري حلال العقد هنا فانا فاهم

وله من المزايا كتير وهرجع لكم بعد شوية ساعات كتير تاني

اقعدوا بالعافية

**AlSam3r** · 2009-09-20, 09:17 PM

محمد دا انسان قمة فى الاحترام والاخلاق والهدوء
وعقلية جيدة احسن بكتير من البوص الصغير اللى دماغه فا ضيه

**The_boss22** · 2009-09-21, 09:29 AM

اقتباس:

احسن بكتير من البوص الصغير اللى دماغه فا ضيه

ربنا يسامحك لا تعليق ايوا بالظبط انا دماغي فاضيه بدول ( كفايه دي الجيش وقلقه ) .. فاضيه جدا

شكرا كتير يا فارس بلا جواد علي الموضوع ده وانا عارف انك مستني ردي ده

هقولكوا محمد بأذن الله في كلمات وبصراحه ...

اولا الاحترام قمه ما شاء الله

بحب الوحده بس اعتقد دي نظرا لطبيعه شغله

مش بشيل بقلبه من حد ودماغه كبيره اووووووووي

بحب ينفض اوووووي يموت في التنفيض .

مش بحب يدخل نفسه بمشاكل يعني مثلا ميردش

اقتباس:

وتزود عليها حتة كمان وراثة الكــــــــــــــــسل

دي مش ابصم عليها بالعشره دي ب80 مليون مصري ههههههههههه
بس صدقيني والله هوا مش كسول بس عايز اللي يشجعه انما لو مفيش حد
شجعه انسي يبقي لما نزيد 81 بردك هبصم بيهم ( فيش وتشبيه ) .

مبحبش الخســـــــــــــــــــــــــــــــاره ابدا ولو خسر يحسس نفسه انه كسب
يبقي متقطع ويقوللك حظ <<<< :P

اقتباس:

لا وايه انسان دماغ مش فارقه معاه الدنيا في حاجه بس احب اطمنكم ده شئ وراثي

هههههههههه انتا هتقولي دي قديمه جدا في العائله .....