هنا فقط.......صنع فى الصين.....نقاش..!

الصين.....نقاش..! , فقط.......صنع , هنا

صلي على رسول الله لا بنشحت ولا بنقول لله

يلا يا هانم يلا يا بية تعالوا اتفرجوا الاربعه بجية والواحده بربع
ولسة جايين طازة

جربوا الولاعة الواحدة بربع والاربة بجنية

قرب جرب وشوف
نبيع بالخسارة بس عشان اولاد بلدنا


ولسة كمان
طيب شوفوا الساعات دى
دى ماركات والساعه الواحدة في بلدها ب100 دولار
لكن احنا بنبيع للاولاد بلدنا
الساعة الواحدة بـ 10 جنية
ويلا خلى الفقرا يلبسوا ساعات

طيب بلاش ساعات
بلاش ولاعات


ادخل اتفرج
وتعرف ان الي يعيش ياما يشوف

كل حاجة ب 2.5
اى حاجة ب 2.5
بنافس ب 2.5
بنبيع ب 2.5
ادخل اتفرج وهتشوف عندنا عند ابو 2.5 كل ما تشتهى الانفس

ولكــــــــــــــــن

تحت شعار


صنع في الصيــــــــــن




كل هذا الكلام يرددة الباعه في محلاتهم
الاكسسوارات والرفايع وحتى الملابس

لكن الى مجننى هو ؟؟
الولاعة الى بربع جنية دى
جاية اساسا من الصين بكام
شحن وتفريغ ومن بايع لبايع لبايع واكيد كلهم كسبانين

الصين .............. الصين .................... صنع في الصين

تقريبلا جتلى عقدة من الجملة دى تحديدا

لانى بشوفها في كل مكان جمبي
حتى وانا بفطر مع خالتى واحفادها فوجئت باحفادها بيجروا فرحانيين بلعبة بسيطة جدا اشتروها

فاخذتها وتفحصتها جيدا املى ان ارى عليها صنع في مصر
ولكنها كانت ( صنع في الصين )
وليس بها ادنى فكرة فهى مادة شبيهة بالبلاستيك وعجل صغير جدا يشد بحبل ضعيف وتمشى ببساطة
مثل الزنبرك

اصبحت صنع في الصين


اصبح وباء بكل المقاييس

سجاد ، اجهزة كهربائية ، وعد كل الحاجات الكبيرة ، لحد سجادة الصلاة . الابرة ،الولاعة ، الكبريت ،
الدبابيس ، الدباديب ، حتى فوانيس رمضان الى المصريين البسطاء كانوا بيصنعوها زمان الان اصبحت ايضا



من صنــــــ ع الصيــــــــــــــــــــن




الصين الان بدات ارسال جواسيس لجميع الدول
ولكن ليس جواسيس بالمعنى المطلوب
جواسيس ليتفقدوا ماهى احتياجات هذة الدولة ويبداوا يصنعوا احتياجاتها
بل يقلدوا ماهي تحتاجة ويصنعوة مع اضافة بسيطة جدااااا ....

بل الى لاحظتة هذة الايام ان ليست المنتجات فقط هى من تغزونا
لكنى رايت اناس صينيون يحملون الشنط ويذهبون للمواطن المصري ببيتة
ويعرضوا علبية ما يريد



لقد اصبت بالضيق حتى اثناء كتابتى لهذة الظاهرة
لكن هل سنقف ضدها ونحاول ان نغير ما نحن علية
هل سيتغير ما نحن علية من تدهور تعليمى وثقافي وسياسي واجتماعى ودينى ايضا ( فالعمل عباده )
هل سنقاطع البضائع الصينية
بالرغم من ان كثيرا من بضائع الصين بها مواد ضارة
واصبح المواطن الامريكى يشعر بالذعر من شعار "" صنع في الصين ""

لانة يعرف ما الضرر الواقع بة من وراء هذة البضائع


هل سنغير الواقع ؟؟
هل سنكون يوما مثلهم ؟؟
بلاش كدة
هل سنقدر ان نصنع ما نحتاجة ( نوفي احتياجاتنا بس ) مش احتياجات العالم ؟؟
هل نستطيع ان تكون ايدينا يد يحبها الله ورسولة ؟؟
متى سنكون دولة منتجة ؟؟ امة منتجة ؟؟

موضوع ارقنى كثيرا واحببت مناقشتكم فية الان
واعتذر للاطالة