...اعرف , الكوسة , تاريخك

الكوسة ...اعرف تاريخك

السلام عليكم



اتضايقت اوى لما لقيت ناس كتير مش عارفين يعنى ايه كوسة


ويقوللك ده نجح كوسة

وده جاب تقدير كوسة

ودى انتخابات كلها كوسة


و كفاية كوسة

و حملة ضد الكوسة

و لا للكوسة لا للكوسة



و بعد كل ده تلاقى الواحد مش عارف اصل الكلمة ايه


فانا بحثت في كتب التاريخ لحد ما توصلت لاصل تراث الكوسة ده




كان يا مكان في قديم الزمان - مش زمان اوى يعنى -

مثلا ايام المماليك او العثمانيين كدة

كانت القاهرة ليها سور كبير



و كانت الاسوار بتتقفل الساعة 8 بالليل و ممنوع اي حد يدخل بعد كدة

- شايف كان فيه نظام ازاى ما شافوهاش و هى على البحرى دلوقتى -



المهم
فكان اي حد من الفلاحين يحاول يدخل بعد الساعة 8 ميعرفشى خالص مهما كان


الا الفلاحين اللى بيزرعوا كوسة !!

و ده بسبب زراعى جدا وهو ان الكوسة ما ينفعشي تتحصد الا بالليل بعد 12 كدة مثلا




فكان الباب يخبط


طق طق طق

مييييين ؟

انا

انت مين ؟

انا فلان الفلانى اتأخرت و جيت اهو

لا مانتش داخل و بوووووووووووم طاخ طيخ طووووخ




بعدها يخبط الباب


طق طق طق

ميييييين ؟

انا

انت مين

كوووووسة



يقوم الباب مفتوح





ومن يوميها و الكوسة بقت رمز من رموز الوطن قصدى رمز للمحسوبية وخير مثال لها


يلا بقى اعرفوا تاريخكوا و ان الكوسة دى حاجة وطنية لازم نفتخر بيها


يمكن الموضوع مش مكانه هنا بس انا حطيته هنا كوسة

---

hg;,sm >>>huvt jhvdo;

ومن يوميها و الكوسة بقت رمز من رموز الوطن قصدى رمز للمحسوبية وخير مثال لها

يلا بقى اعرفوا تاريخكوا و ان الكوسة دى حاجة وطنية لازم نفتخر بيها

إذن فلتحيا الكوسة , ,

انا فلان الفلانى اتأخرت و جيت اهو

لا مانتش داخل و بوووووووووووم طاخ طيخ طووووخ

انت مين

كوووووسة



يقوم الباب مفتوح

معلش يا محمد كوسة عن كوسه تفرق

أشكرك ع الكوسة ،،

فى مثل حلو كنا بنقوله فى الجيش


لما واحد ينزل اجازه كوسه


بيقلك لو النيل مصربدل الميه


صلصه مش هيكفى الكوسه اللى فــ مصر

ياه رغم انى كنت بحب الكوسة بس والله الكوسه مظلومه
بس مقلتليش
كوسة محشية ولا بالتقلية
ههههههههههههههههههههههه