.....ولا , هتخافوو , هتخافووو

هتخافووو .....ولا هتخافوو ؟؟,

بسم الله الرحمن الرحيم
اكيد كلنا عارفين حال البلد اليومين دول وعارفين كل حاجه فيها
وعجبني اسم مسلسل نور الشريف ما تخافوش وحبه مواقف شوفتها بعيني الايام الي فاتت دي
فتحت عيني علي حجات يامه يمكن كنا بنسمعها ولاكن مش عايشنها
خلتنا لازم كلنا نوقف لحظه ونشوف هوا احنا لازم نخاف واحنا عايشين ولا مش لازم نخاف ؟
هتخاف لما تبقا في شارع من اشهر شوارع الاسكندريه وتلاقي 10 حاوطو محل في الشارع العام بسنج وسيوف وكسرو المحل

هتخاف لما تلاقي الشتيمه بقت في بق كل حد في الشارع ..يعني هتنزل ولادك واخواتك الشارع ولا الدنيا هتوصل لايه

هتخاف لما تلاقي السرقه بقت زي الاكل والشرب
انا في خلال شهر رمضان دا بس شوفت ما يقلش عن 4 5حالات سرقه بعيني فيهم واحده كانت في اشهر شارع في الاسكندريه وعشان يسرق سرق السكينه بتاعت الشاورما من محل تاني

طاب تخاف لما تعرف ان نسبه المخدرات بقت في البلد اكبر من نسبه الاميه فيهااااا

ولا تخاف لما تعرف ان السرقه بالاكراه بقت اسهل من لعب الكوره

ولا تخاف لما تعرف ان حوادث القتل بقت زي الفرجه علي الافلام

ولا نخاف لما تشوف الظباط في الشارع بقا كل همهم انهو يعكنونو علي الناس الي بتاكل عيش مثلا زي الباعه الجائلين وسيبك من المحششين والي بيبوعوه
قدام عيني شوفت ظابط ماسك واحد معاه فرش عبايات حريمي وبيفتشه وبيرمي حاجته علي الارض مع ان الراجل دا اكبر من الظابط بكتير ولما الراجل بيقول للظابط مش ترمي الحاجه علي الارض ضربه بالقلم وتبص تلاقي الضابط دا لو نفخت فيه يطير بس تعالي بقا شوف المخبرين الي حوليه

ولا تخافو لما تعرفو ان مش في حاجه بلدنا ناجحه فيها لا قضاء علي انفلونزا طيور ولا خنازير

ولا نخاف لما نعرف ان ولادنا داخلين مدارس مع الوباء

ولا نخاف من تدهور التعليم والدروس الخصوصيه

ولا نخاف لما نعرف ان بقا الطبيعي ان البنت تصاحب ولد

ولا نخااااااااااااااااااااااااااااااااااااااااااااااف من ايه .......؟

مش عارف بصراحه مستني رايكم
واسف لو طولت ورمضان كريم


الموضوع منقول

---

ijoht,,, >>>>>,gh ijoht,, ??<

مش لازم نخاف من كل حاجه
والى ربنا كاتبهولنا هو الى هيكون
عيبنا ان كل واحد بيقول انا مالى
ودا بيزود الخوف فينا

مش حكاية كل واحد بيقول نفسى الحكاية ان ضغوط المعيشة هى اللى خلتنتا كده
ولا ايييييييييييييييه

لا يا سمير عمر ما ضغوط المعيشه تعمل فينا كده تخلينا دايما خايفين
ممكن يا موج رايك معقول شويه
بس عايز اقول

ان الا حاميه هو الا حراميه ويجي من هنا خوفنا وسكتنا واقفين متفرجين

اشكرك يا سمير واشكرك يا موج علي الاراء الجميله
وفقكم الله