متاح , المصرى , حالياً!! , غير , عفوا..الشباب

عفوا..الشباب المصرى غير متاح حالياً!!

عفوا..الشباب المصرى غير متاح حالياً!!

هل أنت ولامؤاخذة مثقف؟؟
هل فكرت وغامرت واتهورت مرة وقريت كتاب؟؟
بتقرا حاجة غير مجلة ميكي ؟؟
عندك مصدر بتجيب منه معلومات غير قعدة القهوة؟؟
تعرف يعني إيه حزب؟؟
هل تعلم ماهى الليبرالية والفدرالية والإشتراكية ؟؟
يا ترى بتدخل ع النت ليه؟؟ عشان تتثقف؟؟
إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح- أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..
طب تعالوا نشوف ازاى الشباب المصرى بيستفيد من الإنترنت:

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!
لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..

---

ut,h>>hgafhf hglwvn ydv ljhp phgdhW!!

فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..

توضيح مهم للنقطه دى

الفكره كلها فى التعليم

انا فى خلال دراستى او الدراسات العليا دخولى على النت بخصوص الكتب كان فى مجال الابحاث او التقارير او لو معلومه وقفت قدامى فى شغلى

طبيعه الدراسه والعمل الهندسى تتطلب كده

طيب


لو بصينا لباقى الوقت

يعنى لو مفيش مشكله فى شغلى او مفيش ابحاث عليا انى اعملها هخ اقرا الكتب

اكيد لاه

ط انا صح

انا لا صح ولا غلط

المنظومه هيا اللى كده

قارن بين طالب او موظف هنا فى مصر عن شبيهه فى اوربا مثلا

ها الطالب عليه 3 او 4 تقارير فى السنه

هناك اسبوعيا

ومش تقارير عاديه لا انا بتكلم عن التقارير اللى محتاجه ان الواحد يخش على النت ويدور ويشترك فى ال ieee مثلا علشان يجيب معلومات عن حاجه

فى العمل الموظف المصرى لا يقوم بشئ

هنا شوف اللى قبلك عمل ايه واعمل زيه

هندسه مش هندسه هيا كده

بره ممكن تقعد فى البيت تقرا مقاله تفهمها تقتنع بيها تروح لرئيسك تقله دراسه اهى ونطبق تلاقى الموضوع مشى

هنا وعن تجربه (مشروع تخرج الدبلومه) قدمته للشغل بدراسته وان هيجيب تمنه فى اقل من سنه وهيوفر اتقابلت بضحك وان شاء الله نشوفه وشكرا

يبقى اتعب نفسى ليه لما المنظظومه نفسها غلط

اللى ماسكين شركات كتيره فى مصر (مش هقول كل ) ولكن نسبه كبيره منهم عقولهم تقليديه شويه

الحمد لله الدنيا بدات تتغير شويه ولكن النسبه الللى اتغيرت لسه صغييره

وان شاء الله القادم احلى