حوار صريح جدا جدا!!!
فى برنامج حوار صريح جدا هيكون معانا ضيفنا العزيز الاستاذ (؟)
المحاور: ممكن اسأل حضرتك سؤال
الاستاذ: اه طبعا اتفضل
المحاور: انت بتحب ربنا
الاستاذ: اانت بتتكلم ازاى يا محترم ايوة طبعا بحب ربنا ياخبر ياجدعان.
المحاور : عظيم جدا طيب ياترى حضرتك بتصلى
الاستاذ : الحقيقة لأ
المحاور : طيب ياترى بتغض البصر وبتقرأ القرأن وبتصلى قيام الليل
الاستاذ : الحقيقة برده لأ وهو لازم يعنى علشان أحب ربنا يبقى أعمل الحاجات دى
المحاور !!!!!!
السلام عليكم ورحمة الله وبركاته
فى البداية ارحب بكل الاعضاء والمشتركين فى حملة قلبى ملك ربى
الحقيقة فى الحوار السابق اتسأل سؤال من أصعب الاسئلة اللى ممكن تواجها فى حياتك (انت بتحب ربنا)
ياه معقولة للدرجه دى الاجابة على السؤال ده صعب
كان احد السلف الصالح عندما يسأل عن محبة الله كان يقول: انتوا بتكلمونى ليه فى محبة الله, كلمونى عن التوبة . المحبة دى حاجه عالية قوى مش سهل ان اى حد يدعى حب الله
ودلوقتى هقولك حاجه خطيرة جدا هتبينلك قد ايه كلمة (انا بحبك يارب ) مش سهله ان اى حد يقولها كده ببساطه
اليهود والنصارى ادعوا انهم احباء الله (وقالت اليهود والنصارى نحن ابناء الله واحباؤه) وعلشان حبهم ده كان ادعاء وليس حقيقة لان حبهم كان مجرد كلام غير متبوع بعمل ودليل كانت النتيجة عنيفة وربنا رد عليهم فقال سبحانه(قل فلما يعذبكم بذنوبكم)
انت عارف لو بتحبه.. مش هتذنب ذنب واحد. ولو هوسبحانه وتعالى حبك مش هيعذبك . عارف ليه لان المحب لايعذب حبيبه
( قلبى ملك ربى)
دى اسم الحملة اللى قررنا نعملها ويمكن الهدف الاول والاسمى من الحملة دى ان احنا عايزين نحول حب الله تعالى من كلام مسموع الى واقع ملموس تحسه بقلبك وينعكس على تصرفاتك وكل حياتك . وانت عارف ليه احنا اختارنا القلب وخصناه بالذكر علشان يكون ملك لله عز وجل وحده
لان الله عزوجل غيور على قلب عبده ويريده له هو فهو المستحق للحب , ورسوله (ص) الذى ضحى من أجل هداية الخلق هو المستحق للحب .
كمان الاعظم من ده ان قلبك هو بيت الله فى وفيك . يقول الله عزوجل(ماوسعنى أرض من ارضى ولا سماء من سمائى ولكن وسعنى قلب عبدى المؤمن ) فياترى من الحب والشكر لله ان احنا نجعل من بيت الله بيتا لغيره من الشهوات !!!
قلبك ملك مين...؟ بالله عليك فكر لحظة وقبل ماترد قدامك حل من التنين: الاول انك تحس بحلاوة كلمة (انا بحبك يارب) وانته بتقولها . والحل التانى انك تسكت ما تجوبش ليكون مصيرك وقدرك عند الله زى ماقالت اليهود والنصارى احنا احباء الله ولكن ما تبعوش الكلمة دى بعمل
يالا يا شباب ويالا يابنات من النهارده هنقولها بجد ونعلنها
قلبى ملك ربى
مستنين مشاركتكم ... ودعمكم
plgi rgfn lg; vfn
حمله قلبى ملك ربى
العرض العادي
