زمن عجيب غريب اصبح كل شئ فيه معكوس والناس امرها اصبح اغرب والاغرب
والاعجب صرنا نشوف ...............!
1_ الموسيقار والمطرب يسمى دكتور
2_ الفنانه تكرم وترفع بأحسن مناصب لدرجه اصبحت سفيرة النوايا الحسنه
3_الأب عندما يكبر بدل مايشوف اولاده يحملون همه بعد عناء وتعب وتربيه , يلاقي
ابنه موديه الي دار العجزه ومع خطاب بالشكر لدار العجزه على مسئوليتهم
4_ البنت صارت تعصي ابوها وامها وتتمرد عليهم وتطلب اشياء الرجل مايطلبها
وتبي تكون هي المسئوله عن كل شئ , ولا اعترض لها الاب ولا الام هددتهم انها
بتترك البيت وتهرب مع حبيبها حبيب امس تفضله عن اهلها , ولا فكرت بالفضيحه
والعار
5_صار الفاسق يفتي ويعلن عن تحريفات بالاحاديث والقرآن , ويدعي إنه من نسل
النبي صلى الله عليه وسلم , وهو تجدهٌ من غير حسب ولا نسب
6_القنوات كل قناة تنافس القناة الثانيه بماذا , بعرض الفتيات الاكثر جاذبيه واغراء ,
ولا يهمهم إذا تعرت تلك الفتاة , الأهم شهرة هذي القناة , وللأسف قناة تكون عربيه
7_صار الحرامي محترف كان يسرق دجاجه ولا انابيب الغاز ’ الحين صار يسرق بنوك
ومؤسسات واسهم وثانى يوم تسمع ان عائلته متوفيين وميت نصهم
انتقام الله اكبر ............وين هارب؟
8_اصحاب المحلات يبيعك بضاعه بغالي ’ يوم تروح تسأل بالمحل اللي بجواره يقول
غشك ذاك تعال عندي انا ارخص
9_عند المنتزهات تشوف الشباب من كل شكل لون , وكشخه وعيال ناس , بالأخر
يوقف على باب المنتزه منتظر بنت داخله يركض وراها يطلبها تدخله . وتروح الكشخه
والهيبه والتكبر سبحان الله فوق هذا يوم يلاقي الكف ولا تهزيئه منها , يقول لك على
قلبي مثل عسل ......!
10_تشوف مطوع بعرس جالس ينصح ذا وذاك وبالأخر يقوم يرقص ويقول الرقص
مو حرام؟ ولا تقولواوش تقول هالموقفً
11_وانت بالحرم وتصلي وخاشع تشوف اللي قدامك جواله فوق السجاده وترن نغمة
محمد عبده ضناني الشوق .....؟ وبالصوت بعد والكل يتننح بصوته يبيه يقفله لكن
لاحياة لمن تنادى , يوم تخلص من صلاتك تنصحه يقول لك انت طيب اخشع بصلاتك
وش عليك من جوالي ؟
12_تروح المستشفى تشوف الممرضه تبدأ تتدخل ناس قبلك وانت معك موعد من
شهرين ورايح للموعد بالدقيقه حسب الموعد لكن تتفاجئ ناس تدخل قبلك ولا تعرف
وش القصة يوم تسألها تقول لك ليش ماتتكلم والا انت جيت متاخر؟
13_تشوف بنتين باليموزين راكبين خارجين محترمات رايحين لعملهم وتشوف الف
سياره من الشباب يركضن وراهم ’ ويوم يشوف هالموقف السائق الهندي ينزل البنات
بوسط الطريق خايف على نفسه ويطيحن بوسط وحوش ماتخاف من الله ويتعرضن
للتحرش .................؟
14_تكون ماشي بالسوق وتشوف شنطة بنت تطيح قدامك ويوم تطلع اغراضها اللي
بالشنطه تشوف اكثر من جوال وكل جوال يرن وفيه رقم ومسميته بأسم , طحطوح =
طفشني= غثيث =حبيب بس غبي= وغيرها من الاسماء الغريبه
15_يوم تقعد في مقهى يرسلك شخص وانت في حالك بلوتوث مقطع سخيف ولا غير
لائق ويوم تبحث عن الشخص تشوف الكل ماسك جواله بيده ومبتسم ورافع حاجبه .
16_شاعر يكتب ويسهر الليل عشان يكتب قصيده ويوم تكتمل القصيده وتاخذ اعجاب
الناس يجيك شخص يدعي انه هو الكاتب الاصلي ويقول انا شاعرها وين الدليل يقول
بس ذاك مغير فيها
17_ المدير يأمر موظفه بالالتزام بالعمل , ثاني يوم تلاقي الموظف مقدم عليه شكوى
في الوزاره بان المدير تلفظ عليه ؟
18_ مدرسه فن تعلم الطالبات الرسم بس رسم خرافي ترسم لهم جماجم معلقه بشجره
وتسيل منها الدماء , والا تطلب منهم يرسمون مقابر مفتوحه يخرج منها اشباح , هل
المدرسه هذه متأثره بافلام الرعب؟ جايز
19_مريض داخل المستشفى ومهدود حيله وواقف بالدور , والموظف يشرب شاي
والا يتكلم بالجوال ويقول لك انتظر انتظر .يوم تدخل على المدير تلاقيه بااجازه .والا
طالع مشوار
اتمنى يعجبكم الموضوع
زمن عجيب غريب
العرض العادي
