لو انت من المنصورة وسمعت عن النظام الجديد اللي اعلنته شركات الإنترنت المصرية بتحديد كميات الدونلود للإنترنت الغير محدود للعملاء القدامى والجدد
يبقى احنا بندعوك لانك تنضم لينا في وقفة إحتجاجية سلمية في المنصورة امام فرعي اكبر شركتين للإنترنت في مصر .
يعني ايه وقفة إحتجاجية سلمية ؟
يعني انا وانت واصحابنا وكل واحد مش عاجبه النظام ده وشايف ان ده ظلم ونصب هنتجمع مع بعض وهنقف في الشارع في مكان محدد قدام الشركتين وهنبقى شايلين يفط بنعبر فيها عن رفضنا للي بيحصل عشان صوتنا يوصل للمسؤولين في الشركات دي وللمسؤولين في البلد عشان يتدخلوا .
مش هنزعق ولا هنشتم ولا هنعمل مظاهرة ولا هنعمل اي حاجة ممكن تضرنا اكتر ما تفيدنا .. احنا عايزين نوصل رسالة وهنوصلها بطريقة حضارية نوصل بيها لشركات الإنترنت اننا شباب محترم لازم يحترموه ومينصبوش عليه .
طيب اشارك ازاي معاكوا ؟
اعمل
RSVP
على الـ
Event
عشان تأكد انك هتحضر إن شاء الله وعرف كل إصحابك وانشر المعلومة في اي جروب واي سايت
المعاد امتى بالظبط ؟
يوم الاحد الموافق 9-8-2009 في تمام الساعة الثالثة عصراً .
المكان فين بالظبط ؟
أمام فرع شركة TEdata بالمشاية السفلية امام نادي الحوار - المنصورة
المصدر من الفيس بوك
صور الوقفة الإحتجاجية السلمية ضد تحديد الإنترنت - المنصورة
موظفي شركة تي إي داتا بعد ان ابلغوا الشرطة يشاهدون ما يحدث !
تجمع المشاركين في الوقفة وقناة المحور تقوم بالتصوير .
مشكلة الشرطة مع مسؤولي قناة المحور بسبب منعهم من التصوير .
تجمع المشاركين في الوقفة وقناة المحور تقوم بالتصوير
تجمع المشاركين في الوقفة .
موظفين لينك يشاهدوا ما يحدث من داخل الشركة
أمام شركة لينك
حضور الشرطة مرة اخرى أمام شركة لينك .
,rtm sgldm hpj[h[dm fhglkw,vm q] jp]d] hghkjvkj
وقفة سلمية احتجاجية بالمنصورة ضد تحديد الانترنت
العرض العادي
