للانترنت , المجتمع , المصرى , الاستخدام , العادل , ازمه , تثير , سياسه

سياسه الاستخدام العادل للانترنت تثير ازمه فى المجتمع المصرى

مش عارفين يلهوا الشباب بحاجه قالوا يطلعولنا بقرار جديد وغريب وبدون سابق انذار

فبعد ان استبشرنا خير بارتفاع سرعه الانترنت زى باقى دول العالم اللى اقل سرعه تلاقيها ب 1 ميجا او 2 ميجا

فكانت خطوه حلوه ان اقل سرعه عندنا تبقى 512 يعنى ربع السعه للفرد فى الدول المتقدمه بما اننا يعنى دوله ناميه

لكن فجاه وبدون سابق انذار

يطلع امبارح قرار غريب واسمه الاستخدام العادل للانترنت

يعنى كل الناس هيبقى عندها ليمتد

الفرق ان مثلا ال 512 الليمتد الحالى ليه سعه 2 جيجا وفوق كده ب 10 جنيه الجيجا

لكن الجديد ان ال 512 ان ليمتد الحالى تحول ل ليمتد بس سعه 25 جيجا وبعدها سرعه النت تبقى 128 يعنى اللى هيا زى المودم تقريبا

طبعا للسرعات العاليه بقت كارثه لان ال 2 ميجا بقت ليمت ب 60 جيجا

ضربه قاضيه لسوق الانترنت فى مصر

ومنذ انتشار الخبر والمواقع تسارع لعمل دعاوى للشكاوى لان ببساطه دا اخلال بالعقد الموقع بين العميل وشركات الاتصالات

ساعتها شركات الاتصالات هتقول ان ده مش قرارنا دا قرار الوزاره

اليكم البيانات من المواقع التى اوحت المشكله بشكل افضل

دا اول خبر نزل من احد العاملين فى احد الشركات الذى سارع بوضع هذا الخبر حتى لا نظلم الشركات

يا جماعه النهارده نزل قرار بالفعل بتطبيق سياسه الاستخدام العادل
للانترنت فى جميع شركات الانترنت فى مصر بلا استثناء
ليصبح الاستخدام بالشكل التالى:

سرعه 512: 25 جيجا شهريا
سرعه 1024: 40 جيجا شهريا
سرعه 2048: 60 جيجا شهريا
سرعه 4098: 80 جيجا شهريا
تصحيح هام للمعلومه
انا بشتغل فى احدى شركات الانترنت الكبرى الى اتعمل ده مش الشركات هى الى عملته ده قرار
من هيئه الاتصالات المصريه ntra وده قرار ملزم لجميع
شركات الانترنت فى مصر مش بس لينك وتى اى داتا كل الشركات
بما فيها اتصالات وفودافون وكل الشركات بلا استثناء وده قرار ملزم للجميع
وبعد انتهاء الكوتا او الجيجا المخصصه لكل واحد بتنزل السرعه الى 128 كب/س
سياسه الاستخدام العادل بالاضافه الى ان الهيئه قررت الغاء كل العروض الى بتقدمها الشركات
اى عرض كانت عاملاه اى شركه زى الروتر المجانى مثلا فى شركه لينك قررت الهيئه
الغاء كل العروض الزاميا للشركات يبقى يا جماعه ياريت مانقولش كلام على الشركات او الناس او اى حد
من غير ما نعرف الحقيقه ولا نعرف ايه الموضوع بالظبط

وادى الشكوى والميلات اللى المفروض تتبعت عليها

الشكوي

نص الرساله


السلام عليكم
إلي جميع الساده و المسئولين و المدافعين عن الحقوق في مصر , إلي كل قلم صحفي أو أعلامي أو مسئول يهمه إلا تحدث عمليه نصب واسعه علي أغلب الشباب المصري الذي يعتبر الأنترنت هو المتنفس الوحيد له , منذ أن تولي السيد أحمد نظيف رئيس الوزراء رئاسه وزاره الأتصالات من سنوات عده حدث تطورا ملموسا و واضحا و أستمر كل جاء من بعده علي نهجه , إلا أن الجميع فوجئ في الأيام العديده الماضيه بأحد أبتكارات الجهاز القومي لتنظيم الأتصالات و شركات الأنترنت المصريه المقيده للحريات و المخالفه للأتفاقيات الموقعه مع المشتركين و المخالفه لتوجهات الدوله بضروره أنتشار الأنترنت بمصر و هو ما يسمي بسياسه الأستخدام العادل لتقييد حجم التحميل للسرعات غير المحدوده كما هو منصوص في التعاقدات مع الشركات المختلفه مما يعني مخالفه هذه الشركات بنود هذه العقود و مما يعتبر أستهتار و أستهانه بوزاره الأتصالات و بتوجهات الدوله حيث أن الكميات التي حددتها الشركات لا تكفي لمجرد التصفح اليومي للأنترنت و عمليه التحديث المطلوبه لأغلب البرامج الحديثه و الكفيله بأنهاء هذه الكميه , فبعض أنظمه تشغيل الحاسب الحديثه تحتاج تقريبا لتحديثات تمثل نصف هذه الكميه المتاحه هذا بخلاف التصفح و التحميل الفعلي , نرجو من سيادتكم التدخل و بذل الجهد لأعاده الحق لأصحابه و عدم حرمان الشباب من المتنفس الوحيد لهم و مواجهه أستغلال شركات الأنترنت و مخالفتها لعقودها و من القوانين الغير مدروسه من الجهاز القومي لتنظيم الأتصالات الذي يبدوا أن القائمين عليه بعدين كل البعد عن توجهات الدوله أو حتي مجال عملهم في تقييم الأحتياجات المتوسطه لمستخدم الأنترنت .


نرجو إرسال هذه الرساله مصحوبه بتوقيعك للجهات التاليه
ديه تحطها مره واحده في خانه العنوان
Download21481; Download48462; Download81358; Download24537; Download87326; Download32130; Download28696; Download24570; Download30863; Download29817; Download89674; Download10321; mostafabak@hotmail.com; Download13500
للتفصيل
رئاسه مجلس الوزراء
questions@cabinet.gov.eg
الجهاز القومي لتنظيم الأتصالات
Download48462
Download45719
وزاره الأتصالات
Download30251
صندوق تنميه التكنولوجيا
Download81358
جريدة الجمهورية
Download24537
________________________
أخبار اليوم
Download87326
________________________
جريدة الأهرام
Download32130
________________________
مجلة لغة العصر
Download28696
________________________
بريد الجمعه:
Download24570
________________________
عمرو أديب
Download30863
________________________

أحمد رجب
Download29817
________________________
برنامج اليوم السابع
Download89674
________________________
برنامج العاشرة مساء_قناة دريم
Download10321
________________________
مصطفى بكرى-جريدة الاسبوع
mostafabak@hotmail.com
________________________
برنامج 90 دقيقة
Download13500
________________________
المصري اليوم - بريد القراء
Download81893
________________________

بلال فضل
belalfadl@hotmail.com
________________________
جريدة الشروق
Download45131
________________________

جروب الفيس بوك
https://www.facebook.com/group.php?gid=239479795006
............

---

sdhsi hghsjo]hl hguh]g gghkjvkj jedv h.li tn hgl[jlu hglwvn

يا نهااااااااااااااااااااار الواااااااااااااااااااااااااااان

طب وليه كده دى كارثة فعلا

لا وبعد كده السرعة تقل ل128
ده على ايام السرعة ما كانت 256 كنت بصوت

وبعدين 25 جيجا دول اعمل بيهم ايه
ههههههههههههههه ده يادوب بتصفح بيهم منتدى تيفا

ليه بس العكننة دى

حرام بجد هو حد من الشعب كان اشتكى

هههههههههههههه ويوم ميعملوا سياسة عادلة يثيروا ازمة

السبب المعلن حتى الان

ان هناك بعض المستخدمين لا ينالون حتى نصف السعه بتاعتهم لان هناك حيتان الانترنت " اللى مش بيبطلوا دون لوود طول الوقت" فده بيخلى النت عند الباقى ضعيف

طب وليه كده دى كارثة فعلا

هيا مش كارثة بس بصراحة هيا فعلا زي ما مندوز قال عايزين يلهوا الشباب في حاجه فطلعوا بقرار جديد واشك ان فيه حاجه مستخبية وراه والله أعلم بقي

لا وبعد كده السرعة تقل ل128
ده على ايام السرعة ما كانت 256 كنت بصوت

شوفتي كنتي فرحانه امبارح بالواحد ميجا بتاعك اشربي بقي ههههههههههه دانتي بركة والله لسه مكملناش 24 ساعة والخبر نزل

وتستمر سلسة النصب على المواطن الغلبان

نعععععععععم

ايه الهبل ده

هما يعنى هيتفننوا فى أساليب النكد

ما كل حاجة كانت ماشية كويس وكله تمام

لازم يعنى القرارات القاتلة دى

................

بالنسبة لمسألة إثارة أزمة فهى مش هتثير أزمة دى هتولع فى مصر كلها وهتخلى كل مستخدم شايط وعايز يضرب حد ( وأنا أولهم )

بجد أنا يعنى مش فاهم ليه البواخة دى

وما أظنش ان السبب اللى قدموه هو سبب مقنع على الإطلاق

لكن هنعمل ايه ولا نقول ايه غير

حسبنا الله ونعم الوكيل

تمام تمام . . .

اما القرار ييجى من النترا ntra نفسها اللى هوا الجهاز القومى لتنظيم الاتصالات ؟؟
مين المستفيد ؟؟
طبعا شركات الانترنت على حساب المستخدم الغلبان

اللى المفروض يبقوا فى صف المستخدم جايبينلنا قرار لذيذ ومفكرين انه فى صالح المستخدم

شكرا للناترا ,, ماهوا يا إما الناس دى عايشة على القمر يا إما الموضوع فيه إنه . . . . . (واخدين بالكم من إنه دى) ,,,

آنا واحد من الناس اللى مش بيعمل داونلود بالقدر اللى يأثر على اى مستخدم تانى او زى ما تقول كل شغلى تصفح لكن

القرار ده آنا بقول انه مش فى صالحى إطلاقا وأرفضه بشدة

شكلى هعطل الصور من الاوبشن بتاع الاكسبلرور

وواستخدم الفير فوكس كتير

لانى لو مشيت بمعدل 700 ميجا تصفح فقط زى اللى بيحصلى دلوقتى يوميا هضيع ال 30 جيجا بتوعى نزلت اى فيديو كبير

الناس هتنظم مقاطعه مع بدايه رمضان لعل صاحب القرار يغير رايه

رغم انى معتقدش

على العموم فى مظاهره تقريبا او اعتصام يوم 10/8 للى حابب يشترك

دى الدنيا هتقف عند ناس كتير يعنى السيبرات مثلا دى اكيد هتنضر
والجيران اللى عاملين نت مع بعضهم هيبقى فى كل شهر خناقة انت عملت داونلود كتير لا انت اللى اكتر
لا الموضوع بجد هيبقى مشكلة
وبعدين يعنى هم فرحونا ان اسعار النت رخصت ده حتى ملحقناش نفرح بالموضوع ده

ماهوا يا إما الناس دى عايشة على القمر يا إما الموضوع فيه إنه . . . . . (واخدين بالكم من إنه دى) ,,,

بالظبط كده

على العموم فى مظاهره تقريبا او اعتصام يوم 10/8 للى حابب يشترك

البركة فيك يا مندوز انزل شارك نيابة عن المنتدى
اقولك خد رامى معاك ويتقبض عليكو وابقى ضربت عصفورين بحجر
متخفوش انزلوا المظاهرة وانا هدعمكم وانا فى البيت

انا مشترك من اسبوع في تي اي داتا وطبعا شغال تحميل بالصدفة بفتح موقع الشركة لقيت مكتوب الكلام ده .. اتجننت .. دا احنا لسه اول الشهر وانا حملت اكتر من 20 جيجا .. اللي اخذ القرار ده انسان مش محترم .. انا مش شايف اي داعي . مفيش حد اشتكى لهم

انا مشترك من اسبوع في تي اي داتا وطبعا شغال تحميل بالصدفة بفتح موقع الشركة لقيت مكتوب الكلام ده .. اتجننت .. دا احنا لسه اول الشهر وانا حملت اكتر من 20 جيجا .. اللي اخذ القرار ده انسان مش محترم .. انا مش شايف اي داعي . مفيش حد اشتكى لهم

يااااااااااااااااااااااااااااااه وياااااااااااااااااااااه ويااااااااااااااااه

هيروشيما فينك من زمااااااااااااان
يعنى كان مصيبة النت دى لازم تحصل عشان نشوفك
ده احنا مشفنكشى من وانت داخل اولى ثانوى ودلوقتى بسم الله ما شاء الله تقريبا داخل كلية

يارب بقه متختفيش تانى

.. انا مش شايف اي داعي . مفيش حد اشتكى لهم

فعلا منا عمالة اقول كده ونفسى اقابل حد يقولى ان هو كان قرفان على النظام الان ليميتد ده

وبعدين ده لو صدر قرار وزارى يعنى اجبارى على الشركات تنفيذه

وكمان فى العقد اللى بتمضيه مكتوب انه من حق الشركة التصرف
وكمان ده قرار وزارى ده لو طلع للنور
يعنى كده هيخلى الشركة تفسخ عقدها معانا وبموجب بند حق التصرف هيضيع حقنا
وسلملى على تى اى داتا ولينك

شكرا على تعبك المعلومه معروفه عندى

بجد والله حرام لازم نعمل حملة ضدد دى لا كدة فعلا مش هينف اتصفح على النت خالص
بجد دة غلط فى حقنا واحنا لازم مانسكت على هذا ابدااااااااااااااااااااااااااااااا
تحياتى ليكوا جميعا

طب شوفوووو الصوره دى




بجد موضوع يضايق
كل يوم حاجة تطلع تقرف

ازاي يكتبوا غير محدود الكمية في اليمين و يكتبوا حد اقصي في الشمال !!!!

تمام زي ما بيكتبوا بعد كلمة هدية كلمة مجانية ,,, طيب ما الهدية اكيد مجانية ولا ايه .؟
يجدعان مصر بقى فيها حجات زى الفل

اللي حصل بقي العكس ,,, اقولك براحتك ,,, بس برضو مش براحتك !!!!


الحد الاقصي بجد ضعيف جدا ,,,, كل السرعات فوق الواحد ميجا بتبقي متساوية تقريبا في سرعة التصفح للمواقع ,,, الناس بتجيب سرعات عالية علشان سرعة الداونلود ... تيجي انت بقي تكتب شمال Unlimited و في اليمين Limited علي نفس الفئة !!!! طيب ازاي يعني ؟


و لسه ياما هنشوف !

لا وأحلى حاجه هتخلينى اولع فى النت وفى نفسى
128 كب/ث

ودى نعمل بيها ايه
نقشر بيها بيض



ياله يا جماعه نغنى على رأى اللى قالو

لما تلقى سرعه النت فى يوم وليله بقت ليمتد

يبقي انت اكيد اكيد في مصر

محدش يقولى انها سياسة الاستخدام العادل
دى سياسة الاستخدام الجائر

اولا:- كده طبيعي من الحكومه

1- الموظف محدود الدخل .

2- لما نقول النت محدود؟ لاءلاءلاء يبقه نقول ( الله يحرق النت ليحرق النتيتيه ..

...........................

3- انا واقع في مشكله اكبر ..

خايف ابويه يحدد لي انام كام ساعه يارب النوم ميكون محدود

ثانيا:- المثل بيقول

اجري يبن ادام جري الوحوش النت الي يتحددلك سرعته شيله واستريح