بهاء الدين أبو شقة يتولى إجراء نقض حكم إعدام هشام طلعت مصطفى

أسند رجل الأعمال هشام طلعت مصطفى - الصادر بحقه حكما بالإعدام من محكمة جنايات القاهرة مع ضابط جهاز امن الدولة السابق محسن السكرى- مرحلة الطعن على الحكم بإعدامه أمام محكمة النقض للمحامى البارز بهاء الدين أبو شقة ونجله الدكتور محمد بالاشتراك مع فريد الديب المحامى وعدد من المحامين البارزين .

وأكد أبو شقة - فى تصريح لوكالة أنباء الشرق الأوسط السبت - أنه جرت مفاوضات مع رجل الأعمال هشام طلعت مصطفى وعائلته عقب صدور الحكم التمهيدى فى 21 مايو الماضى بإحالة أوراقه لفضيلة مفتى الديار المصرية الدكتور على جمعة لكى يتسلم ملف الطعن بالنقض على الحكم فور صدوره الخميس مشيرا إلى أنه تلقى قبل أسبوعين توكيلا رسميا من هشام فى محبسه بسجن مزرعة طره لتولى مهمة الطعن بالنقض على الحكم .

وقال إنه بدأ بالفعل ونجله الدكتور محمد أبو شقة فى الاطلاع على أوراق القضية وملفاتها بالكامل, من تحقيقات النيابة العامة والتقارير الطبية والاستشارية وأقوال الشهود ومحاضر جلسات المحاكمة وغيرها تمهيدا لوضع مذكرة بالطعن على الحكم بالإعدام والتى تنتظر إيداع محكمة جنايات القاهرة برئاسة المستشار محمدى قنصوه لحيثيات حكمها والتى تشكل حجر الزاوية لكتابة مذكرة النقض .

وأضاف أبو شقة أن المرحلة القادمة من مراحل التقاضى لا تتطلب تعاونا أو تنسيقا كاملا بين كافة أفراد هيئة الدفاع وذلك لأن محكمة النقض تنظر فى المرة الأولى القضية من حيث الشكل القانونى لا موضوع القضية حيث تنظر فى تطبيق القانون فيها ومدى التزام محكمة الجنايات به على عكس النظر فى الموضوع سواء أمام الجنايات فى حالة الإعادة أو النقض للمرة الثانية وهو الأمر الذى سيتطلب حينه وحدة ذهنية كاملة وتنسيقا تاما بين كافة أفراد هيئة الدفاع .

وأشار أبو شقة إلى أن دائرة المستشار محمدى قنصوه التى أصدرت حكم الإعدام بحق هشام طلعت مصطفى والسكرى معروف عنها البراعة الفائقة فى وضع الأسباب للأحكام الصادرة عنها وهو الأمر الذى يتطلب معه التركيز التام والالتزام بالدفاع عن هشام بأمانة ومراعاة مصلحته العليا من أجل إنقاذه.
المصدر: وكالة انباء الشرق الاوسط

---

fihx hg]dk Hf, arm dj,gn Y[vhx krq p;l Yu]hl iahl 'guj lw'tn

ادام بهاء الدين ابو شقه ده مسك النقض بتاع القضية

يبقى احب ابشركم ان هشام طلعت مصطفى لو هياخد حكم مخفف هتبقى البراءة ان شاء الله

ولو اخد حكم مشدد هتبقى شهر مع ايقاف التنفيذ

والله أنا شايف أنو خساره يتعدم فى وحده زباله زى دى
إيه سوزان تميم يعنى فى داهيه هى كمان زى مايكل جاكسون
الراجل ده ممكن حتى لو هو الى عمل كل ده ممكن يتوب ويبقى كويس

وبعدبن أنا عاوز أقول إن الراجل ده مش فاتح بيوت دا فاتح بلاد ( مصدر رزق يعنى )

والله أنا شايف أنو خساره يتعدم فى وحده زباله زى دى
إيه سوزان تميم يعنى فى داهيه هى كمان زى مايكل جاكسون
الراجل ده ممكن حتى لو هو الى عمل كل ده ممكن يتوب ويبقى كويس

اولا يا حمتو مع احترامى لرايك انا ماحبش انك تشتم فى اى حد ميت حتى لو هو وحش الميت ليه حرمته مهما كان عاصى او مسلم او مش مسلم

ثانيا احب اعلق على رايك فى حاجة انت بتقول ان هشام طلعت مصطفى ممكن يتوب ويبقى كويس صح كلامك صح وبرضو مش كان ممكن سوزان تميم كانت تتوب وتبقى كويسة صح

وبعدبن أنا عاوز أقول إن الراجل ده مش فاتح بيوت دا فاتح بلاد ( مصدر رزق يعنى )

يا سلام ( هو بعيدا عن هشام طلعت مصطفى تحديدا)

اولا كده حضرتك بتعطى مبرر ان اى رجل اعمال من الممكن ان هو يقتل ومنعاقبهوش او نديله حكم مخفف لمجرد ان هو مصدر رزق

للبلد مع العلم ان ربنا سبحانه وتعالى لم يفرق بين غنى او فقير والقانون الوضعى بنصوصه لم تفرق فى العقاب بين غنى وفقير

والله انا استغربت لو كان سبوه وغطوا على الموضوع كنا هنقول الكوسه وفساد و هنعد نشتم فى البلد واما مسكناه وقدمناه لمحاكمة ده الراجل فاتح مصدر رزق

و معلش هو وضع نفسه فى هذا المازق لمجرد ان هو كان يعرف المجنى عليها والقصة اللى كل مصر عارفاها


كون بقه ان الاعدام كتير عليه او كده دى نقطة تانية ترجع ممكن عدم قدرة المحامين باقناع القضاء او ان الادله للاسف مش فى صالحه لكن معتقدش ان هو بسبب القاضى مثلا او تشكيك فى القاضى

( مع انى انا ومش فى القضية دى ده رايى من زماااان ان مفيش فرق عندى بين القاتل او المحرض على القتل دى وجهه نظر شخصية لى ويرجع ذلك ان بشوف لو ان المحرض لو محطش عوامل مغرية امام القاتل مكنش قتل ولو ان المحرض ملقاش حد يقتل كان قتل بنفسه ) وانا باكد دى وجهه نظر شخصية لى بعيدا عن القضية انا بكلم عامه من حيث الضرر اللى بيسببه مثل هذه الحاجات على المجتمع

( بس ادام القانون بيفرق بين القاتل والمحرض دى نقطة تانية لازم نعمل بها)


على فكرة شركة الاسكندرية للانشاءات اللى هى طلعت مصطفى دى شركة مساهمة يعنى حياتها مش متوقفة على هشام لو عاش الشركة هتعيش لو ماتت الشركة هتموت

واهى الشركة شغاله تمام وشغاله فى مشاريعها كويس

انا ماحبش انك تشتم فى اى حد ميت حتى لو هو وحش الميت ليه حرمته مهما كان عاصى او مسلم او مش مسلم

تحت أمر حضرتك ،،

انا مش عارف الموضوع كبر ليه كده
أنا قولت رأى وكل واحد ليه رأى ودا كان رأى إن الراجل المفروض ميخدش إعدام
انت رأيك غير كده على دماغى ،،

اولا كده حضرتك بتعطى مبرر

أنا لا أديت مبررات ولا أى حاجه وكمان مش بدافع عن هشام طلعت مصطفى
الراجل غلط والمفروض ياخد عقايه وحتى لو إتعدم عادى جدا يكش بولع بجاز ،،
انا بس مستكتر الإعدام مش أكتر ،

الناس كلها مفكره إن هو هيتعدم بس دا فى المشمش ونزاهة القضاء المصرى ومش عارف ايه كل ده فى الفاضى
بكره تشوفى النزاهه على حق ،،

الناس كلها مفكره إن هو هيتعدم بس دا فى المشمش ونزاهة القضاء المصرى ومش عارف ايه كل ده فى الفاضى
بكره تشوفى النزاهه على حق ،،

بص هو اتحكم عليه مرتين بالاعدام صح

اقولك على حاجة انت تعرف لو طلع براءة مثلا او كده اسمحلى اقولك ده مش هيكون عيب فى القاضى او كده

ده هيكون سببه العيب فى القوانين الوضعية دى

هقولك انت عارف المحامى بهاء الدين ابو شقه ده تخصصة استئناف المحامى ده مشهور جدا عارف بقه شمهور بايه؟

مشهور بالدخول فى ثغرات القانون و قلب القضية راسا على عقب دده ياما طلع بتوع مخدرات محكوم عليهم بالاعدام براءة فى الاسثئناف

بص ولا العدالة ولا النزاهه ولا الحق

هيتحققوا فى ظل وجود ثغرات فى القانون

شكرا للموضوع اختي فجر

ده هيكون سببه العيب فى القوانين الوضعية دى

بص ولا العدالة ولا النزاهه ولا الحق

هيتحققوا فى ظل وجود ثغرات فى القانون

دليل إدانه هشام طلعت مصطفى والسكرى
مقاطع من مكالمات سوزان تميمـ ،،

حصرى جداً لتيفـا ،،

Download 4rm Here

Download81643Download81643
Download82204Download82204

ههههههههههههههههههه هى دى كمان نزلت على النت هههههههههههههه

على العموم شكرا يا حمتو

مشنوق مشنوق مشنوق يا والدى

يعنى اذا كان فريد الديب ومساعده مرتضى منصور الخفيه منفعتش ودول اهلى وزمالك المحاماه

ببساطه انا شايف ان الموضوع هينتهى بنسبه كبيره بالاعدام للسكى دا اساسى وهشام ممكن يتخففه بالسجن المؤبد

الفرق بين القضيه دى واى قضيه تانيه ان هنا القضيه مصر مش طرف فيها وحدها لان ببساطه هيبقى منظرنا وحش لو هشام او السكرى خدوا براءه بعد المستندات اللى جت من دبى

بعيدا عن كل شئ هوا اخطأ ويجب ان يعاقب

كونه رجل اعمال خفير الامر سؤاء

- مشكور حمتو على الملف الصوتى هسمعه ولو لقيت فى حاجه تتاهل الرد هرد تانى

وبعدبن أنا عاوز أقول إن الراجل ده مش فاتح بيوت دا فاتح بلاد ( مصدر رزق يعنى )

بتفكرنى بعزت ابوعوف

هوا فين دليل الادانه فى المكالمات

منا بهدد فجر مثلا فى المنتدى مليون مره هتيجى تاخد الردود بتاعتى وتقول دا تهديد مثلا

كمان من الكلام اللى فى المكلمات دى التهديد كان انه هيدخلها لسجن مش يقتلها

يعنى مظنش برضه ان المكالمات الساخنه التى تحوى الادله الحقيقيه زى مكالمات هشام والسكرى هتظر للنور بسهوله

يعنى مظنش برضه ان المكالمات الساخنه التى تحوى الادله الحقيقيه زى مكالمات هشام والسكرى هتظر للنور بسهوله

شويه كده وهتنزل ع النت برضه معتش حاجه بتستخبى ،،

منا بهدد فجر مثلا فى المنتدى مليون مره هتيجى تاخد الردود بتاعتى وتقول دا تهديد مثلا

يا عم دا من كتر التهديد والرعب الى عملهولها بتعيط إنت عاوز إيه أكتر من كده
واصح اوى من كلامها إن التهديدات كانت بتيجى من هشام والسكرى كان عامل فيها مصلح إجتماعى لحد ما لبس الموضوع فى الآخر ـ

بتفكرنى بعزت ابوعوف

هههههههههههههههه دكتور عزت لو سمحت
واضح إن إنت كمان مش فاهم قصدى إيه بالكلمه دى

شكرا على الموضوع

شكرا حمتو على المكالمة

مشنوق مشنوق مشنوق يا والدى

يعنى اذا كان فريد الديب ومساعده مرتضى منصور الخفيه منفعتش ودول اهلى وزمالك المحاماه

ببساطه انا شايف ان الموضوع هينتهى بنسبه كبيره بالاعدام للسكى دا اساسى وهشام ممكن يتخففه بالسجن المؤبد

الفرق بين القضيه دى واى قضيه تانيه ان هنا القضيه مصر مش طرف فيها وحدها لان ببساطه هيبقى منظرنا وحش لو هشام او السكرى خدوا براءه بعد المستندات اللى جت من دبى

بعيدا عن كل شئ هوا اخطأ ويجب ان يعاقب

كونه رجل اعمال خفير الامر سؤاء

ماشى يا بشمهندس عبد الحليم حافظ
يا خبر بفلوس بكرة يبقى ببلاش
بس ده ميمنعش ان بهاء الدين ابو شقه هيستعمل كل اسلحته وممكن يكون فى تاثير على الحكم

منا بهدد فجر مثلا فى المنتدى مليون مره هتيجى تاخد الردود بتاعتى وتقول دا تهديد مثلا

اتصدق فكرة
اهو اخلص منك انت ورامى هخليه هو المحرض

يا عم دا من كتر التهديد والرعب الى عملهولها بتعيط إنت عاوز إيه أكتر من كده
واصح اوى من طريقه كلامها إن التهديدات كانت بتيجى من هشام والسكرى كان عامل فيها مصلح إجتماعى

هو اعتقد يا حمتو ان قصد ماندوز ان التهديد بالسجن مش بالقتل
وطبيعى انها تكون خايفه ده لو حد قالك هحبسك شهر هتكون مرعوووب فما بالك هى رعبها هيكون اضعاف الرعب لانها هتبقى فضيحة على مستوى العالم العربى كله

فمش دليل تهديدها بالسجن يكون دليل على القتل هو ممكن يكون دليل على علاقتها بهشام

بس انا اعتقد ان مكالمات هشام والسكرى هى فعلا الدليل حتى الحوار فى الاعلام كان بيدور على مكالمات هشام والسكرى


وشكرا يا حمتو على حصرياتك الجامدة دى

يا خبر بفلوس بكرة يبقى ببلاش

بالظبط ،، بس أنا حسس أنو إعدام
دا مجرد إحساس ويارب يطلع صح

وشكرا يا حمتو على حصرياتك الجامدة دى

سمعت عن عرض ب 700 مليون دولار

واخدين بالكم من الرقم

700 مليون دولار * 5.5 = ........... مش عايز اكتب الرقم

كديه فى القتيله

زمان على ايام اجدادنا كانت الديه 100 جمل

ولو افترضنا ان الجمل ب 20 الف جنيه

يعنى بنتكلم ان الديه ب 2 مليون جنيه مثلا

بقول جنيه مش 700 مليون دولار

بس فى النهايه والد القتيله رفض ودا حقه

والله لو بيفكر صح كان وافق وصرفهم كلهم فى مشروعات خيريه وصدقه جاريه باسم بنته ودا كان هيتقل ميزان حسناتها

والله لو بيفكر صح كان وافق وصرفهم كلهم فى مشروعات خيريه وصدقه جاريه باسم بنته ودا كان هيتقل ميزان حسناتها

أه والله على رأيك ،،

بس على فكرة كونه اللى هو عرض الديه على ابو القتيلة فهو كده بياكد للكل ان هو اللى كان وراء القتل

وبعدين اللى انا اعرفه ان الديه دى بتكون للقتل الخطأ مش القتل العمد

يعنى مثلا واحد سايق عربيته خبط واحد من غير قصد ومات ممكن يدفع له ديه

لكن فى العمد معتقدش

والله لو بيفكر صح كان وافق وصرفهم كلهم فى مشروعات خيريه وصدقه جاريه باسم بنته ودا كان هيتقل ميزان حسناتها

رد فعل طبيعى ان هو يرفض متهيألى ان هو هيبقى طماع لو كان قبل

لان لو كل واحد حط نفسه مكانه وابنه اتقتل بطريقة مقصودة اكيد هيتمنى ان اللى كل اللى كان ورا قتله ان هم كمان يتعدموا

لان لو كل واحد حط نفسه مكانه وابنه اتقتل بطريقة مقصودة اكيد هيتمنى ان اللى كل اللى كان ورا قتله ان هم كمان يتعدموا

بس والله أيوها نفسه ياخد الفلوس

بس والله أيوها نفسه ياخد الفلوس

ههههههههههههههههههههههه معنديش تعليق سوى انى اضحك