موضوع عن الشعوذة

hema4040 · 2009-06-19, 11:58 PM

في بداية لقائي بيكم احب ادخل لكم بموضوع مهم جدا للشارع المصري وانا كل فتره والتانية هجبلكم سر من اسرار البريد الالكتروني بتاعي الملئ
بهذه الرسائل الممتعه والمفيده حقا

موضوعنا انهارده هو الجد والشعوذة

وعاوز ارئكم حول هذه القضية
القضية في صورة قصة

حجرة مغلقة.. الإضاءة فيها خافتة.. في نهايتها وعلى كنبة مستطيلة يجلس الشيخ شمهورش" رجل ضخم الجثة عريض المنكبين -يعني عضلات جامدة ولا مؤاخذة-.. تدخل أنت ثم ينغلق الباب من خلفك "طررراخ!"..

أنه صالح لمشهد في فيلم رعب.. تتنحنح "كح كح".. يلتفت نحوك الشيخ "شمهورش" -اللي هو عريض المنكبين!- ثم يرفع رأسه وهو يقول لك بصوت عميق هادئ:
أهلا وسهلا.. اتفضل اجلس يا سيد!

يلعب الفأر في عبك وأنت تسأل نفسك:
"سيد".. عرف منين إن اسمي "سيد"؟

يكمل "شمهورش":
وكيف الوالد "أبو سيد" والوالدة "أم سيد"؟!

ووالدتي! ده أكيد مكشوف عنه الحجاب!
هاه.. بتشكي من إيه.. خوف.. ولا ربط.. ولا نحس.. ولا جن مصاحبك!
شوف يا مولانا.. أصل الحكاية إن...
***
دلوقت ميعادنا مع مجموعة من الأرقام المفزعة..
فاصل ثم نواصل!

300 ألف شخص في مصر يدعون أن لديهم القدرة على علاج الأمراض من خلال الاستعانة بالجان والأرواح"
"دراسة لمركز البحوث الجنائية بالقاهرة"
***
المصريون ينفقون نحو 10 مليار جنيها سنويا علي اعمال الدجل والشعوزة

"نفس الدراسة السابقة"
***
50% من النساء المصريات يعتقدن بقدرة الدجالين علي علاج مشاكلهم

"نفس الدراسة السابقة"
***

%63 من المصريين يؤمنون بالخرافت والخزعبلات 11 % منهم سياسيون ومثقفون ورياضيون"
"دراسة بالمركز القومي للبحوث النفسية بالقاهرة"
***
عدنا!
أهلا بكم!
دلوقت واضح جدا الكارثة اللي احنا عايشين فيها..
ولاّ إنت عندك وصف تاني غير الكارثة للأرقام اللي فوق دي واللي تخوف أسد الغابة ذات نفسه !

لاحظ إن مصر اللي هي بلد من العالم الثالث –بعد المائة تقريبا!- واللي نسبة الناس 44% حسب أرقام المؤسسات المدنية" بيصرف مليار دولار على أعمال الدجل والشعوذة..
مليون بني آدم– شايفين إن أعمال السحر دي صح الصح وإن الرقم المهول ده عُشره تقريبا ناس حلوة متنورة بيطلعوا في السينما والتليفزيون يتحدثون عن "دور المثقففي تطوير المجتمع ومحاربة الخرافات"!

طيب ما التفسير؟
علم النفس له رأي مهم جدا.. بخصوص انتشار ظاهرة اللجوء إلى المشعوذين المطلق بقدرتهم على علاج كل المشاكل وفك كل المصائب..

يقول هذا الرأي النفساوي:
النفس البشرية قلقة بطبيعتها وتميل دوما إلى أن تتوجة نحو الاستقرار.. واأن حياة الإنسان لا تخلو عادة من المشاكل والإخفاقات فإن البعض يستخدم أسلوبا دفاعيا يعرف في علم النفس بــ ( عدم الفعل undoing ).."

خلص الكلام كده .. لأ لسة.. إية بقي فعل " عدم الفعل"ده؟

هو أن تقوم أنت بالسعي نحو أشياء تداري عجزك وتلقي كل المسئولية في الفشل أو الإخفاق على أشياء غيبية غير ملموسة وبدلا من العمل والجد والاجتهاد فإن الحل والنجاح والصلاح والفلاح يكمن في قراءة الفنجان أو الحجاب أو الاستحمام بماء لعب فيه الاستغماية ذكر ضفدع تايواني مع أنثى عنكبوت كاميرونية!

لو دققت في البحث فعلا هتلاقي إن أغلب المشاكل اللي بتدفع المصريين للذهاب إلى الشيخ "شمهورش" ورفاقه هي مشاكل اجتماعية سببها اقتصادي في الأغلب سواء الأزواج أو تأخر في الزواج أو في الحمل أو مشاكل في العمل أو مع الأصدقاء..

والمنطق بيقول.. إنه من المستحيل أن يكون الجن والأشباح وراء هذه المشاكل التي نعاني منها؛ لأن الجن وراهم شغل تاني مش احنا شغلتهم وبس..

والسؤال المنطقي.. ليه الجن دايما بيحب يتجوز واحدة مصرية فيلبسها أو يقرف عيشة واحد مصري أو عربي فيربطه وميخلفش.. اشمعني احنا يعني؟
الشيخ "محمد الغزالي" رحمه الله له رأي مهم في الموضوع ده.. وتساءل:
لماذا تسكن الجن أجسادنا ولا تسكن أجساد الغرب وغيرهم"؟.

وعندما جاءه أحدهم يشتكي إليه من أن به مسًا من الجن قال له
الشيخ "الغزالي":
ألا تستحيي من أن تكون هكذا طويلا وعريضا وتقول الجن يسيطر علي"؟!

طبعا نحن هنا لا ننكر.. وجود الجن أو وسوسة الشيطان لأن كل هذا مذكور في القرآن الكريم...

لكننا ننكر ونستنكر ونشجب وندين.. -علي طريقة الدول العربية في إدانة إسرائيل !- انغماس نسبةكبيرة من المصريين ومعهم نسبة كبيرة من العرب في وهم الشعوذة والالتجاء للشيخ شمهورش" ورفاقه لحل كل المشكلات المستعصية..
ده إسمه " هجص " ولامؤاخذة!
ولا إنتم رأيكم إيه..؟
حد فيكم جرب إنه يروح لدجال أو واحد من اللي بيقول على نفسه إنه شيخ علشان يتعالج من الجن؟
واحده فيكم أهلها ضغطوا عليها علشان تروح للشيخ "شمهورش" عشان يخليها تتجوز بعد ما -يا عيني- اتفسخت خطوبتها كذا مرة؟
تعرف حد راح لواحد من إياهم عشان يعالجه هو ومراته من العقم وعدم الخلف؟

وماتخافش..
خلينا نكشف الحجاب عن الشيخ "شمهورش" ورفاقه!

l,q,u uk hgau,`m

hema4040 · 2009-06-20, 12:26 AM

Iam very thanks

**الجمال الصامت** · 2009-06-20, 12:53 AM

شكرا على عرض الموضوع

**محمد عاشور** · 2009-06-20, 01:00 AM

تمام يا هيما
خليك كده موضوع تمام

hema4040 · 2009-06-20, 07:37 AM

شكرا استاذ محمد وشكرا الجمال الصامت شكرا لمروركم

**الجمال الصامت** · 2009-06-20, 07:44 PM

العفووووووووووووووووووووو انت صاحب الموضوع

**Injured Hard** · 2009-06-20, 09:02 PM

موضوع رائع جدااااااااااا............ و هو من أحد الأسباب الرئيسية فى تدهور الحياة فى مصر ........
من المعروف طبعا أن هنالك أسباب عديدة لخرب البيوت ومن أهم هذه الاسباب الشعوذة ...... و السبب الرئيسى فى انتشار الشعوذة هو بعدنا عن الله -سبحانه و تعالى - وعدم الثقة به
فهل نسأل أنفسنا لماذا بعدنا عن الله-سبحانه و تعالى_وصدقنا هذه الخرافات بل انتهينا من تصديقها و جلللناها...... و جعلنا لها قيمة فى حياتنا
شكرا هيما على عرض هذا الموضوع الرائع ......سلمت يداك

hema4040 · 2009-06-21, 01:14 PM

شكرا لمرورك وبهنيك لاشتراكك في تيفا

**الجمال الصامت** · 2009-06-21, 08:22 PM

شكرااااااا بس هو انتا صاحب تيفا ممكن اعرف لو سمحت؟؟؟؟؟؟؟؟؟