مهزله طلبه حربيه مع الشرطه

اعلم ان الموضوع تاخرت فى انزاله وذلك لظروف المنتدى ولكى يطمئن قلبى بالا يحدث تطورات اخرى رد على احداث 15 مايو

القصه تبدأ بابن احد ضباط مباحث قسم 15 مايو بمحافظه حلوان الذى كان يقوم بمعاكسه فتاه حظه ان اخوها طالب فى فرقه السنه الرابعه بالكليه الحربيه

ابن الضابط كان يحتمى بكونه احد ابناء الضباط

ولكنه استطدم بطالب الحربيه ليكون نهايه المشهد الاول بسقوط ابن ضابط الشرطه امام طالب الحربيه

يمر الاسبوع ويذهب الطالب الى كليته

ويعود كعاده طلبه الكليات العسكريه يوم الخميس

وفى اثناء توجه الطالب الى الصلاه قام مجموعه من المخبرين بالقبض عليه اشتباه لانه ليس من المنطقى ان يذهب الشخص الى الصلاه باثبات الشخصيه

وعندما صاح بهم انه طالب كليه عسكريه

( ولمن لا يعلم فطالب الكليه العسكريه وضباط الجيش هم الوحيدون الذين لهم حصانه من الشرطه المصريه لان لهم شرطتهم الخاصه وهيا الشرطه العسكريه التى لا يقتصر دورها على القض على الجنود الهاربين من التجنيد ولكن ايضا لمتابعه حياه الملتحقين بالجيش فى الحياه العامه )

عندما صاح بهم ذلك طلبوا منه اثبات ذلك

ولكن كما اوضحت لم يكن معه ما يثبت ذلك

فتم اصتحابه الى القسم ليحدث معه ما يحدث مع المشتبه بهم من ضرب واهانات

وعندما علم مجموعه من اصحابه بالموضوع ذهبوا ليخرجوه فتم الاعتداء عليهم بالسب والضرب

وكان التفسير فى وقتها ان من فعل ذلك المخبرين وهم لا يفهمون شئ عن موضوع الحربيه

طبعا عند عوده الطلبه الى كليتهم ذهبوا الى عميد الكليه وانتشر الموضوع بين افراد الكليه الحربيه

العميد "فليفل" قال لهم سناخذ حقهكم ( وكان يقصد ايقاف الضابط والمسئولين عن الحادث)

لان الواضح ان ذلك الضابط الذى انضرب ابنه من طالب الحربيه هوا من اخترع هذه العمليه للانتقام لابنه

ضباط الكليه الحربيه ( المدرسين) جعلوا من هذا الاسبوع شد من اذر الطلبه وزياده جرعات الحماسه داخل الطلبه على ان الجيش هوا الجهه الاولى فى مصر ورلا يمكن السماح بالمساس بذلك

فماذا حدث





واخر المشاهد كانت



اما عن التفاصيل لمن يريد استيضاح هذا الفيديو

فلقد تجمع طلبه الفرقه الرابعه كليه حربيه اما هذا القسم فى ساعه متاخره وقاموا بالهجوم بالمعنى الحرفى للكلمه واقتحام القسم وتكسير يافطه الشرطه ووضع اسم الكليه الحربيه على سور القسم بالاضافه الى تكسير كل عربات الشرطه سؤاء الخاصه التابعه للضباط خصوصا المامور بطل هذه المهزله

المثير للضحك ان هناك اقاويل ان الاهالى عندما رأو ذلك قاموا برشق مبنى القسم بالطوب تعبيرا عن مساندتهم للطبه

اصابات متفرقه هنا وهناك سؤاء باعيره ناريه بين صفوف الطلبه او من الضرب من جانب الشرطه

وعند انتهاء الامر كما بالافلام تحركات وحدات الامن المركزى لانقاذ القسم من الهجوم ولكن بعدما رحل الطلبه مخلفين مثال عن ما يمكن ان يحدث للشرطه عندما تتعدى الخطوط الحمراء

بعدها بساعات كان وزير الداخليه فى لقاء عاجل مع الرئيس مبارك لبحث هذه الازمه

وفورا تحركت الاوامر بمنع النشر فى اى صحف قوميه او معارضه

لان الموضوع يمثل امن دوله وصراع بين السلطتين الدفاعيتين لمصر من الداخل والخارج

وعلى هذا الاساس

وبالاوامر

قام وزير الدفاع بدعوه طلبه كليه الشرطه على حفل افطار فى الكليه الحربيه

اما عن المنظر فى محطه القطار فكان الاكثر امتاعا

فمحطه القطار ( محطه رمسيس) يركب منها يوم الجمعه 3 تخخصات فى الجيش وهم طلبه كليه بحريه وطلبه كليه دفاع جوى وضباط كليه ضباط احتياط

فما حدث فوق هذا من حشود من الشرطه العسكريه بالاضافه الى وصول قطار محملا بضباط من الكليات البحريه والدفاع الجوى لتامين الطلبه خوف من حدوث اى حركه مفاجئه من طلبه كليه شرطه تجاه طلبه الكليات الحربيه الاخرى خصوصا ان حربيه موقعها مؤمن لانها تقع فى معقل القوات المسلحه فى مدينه نصر بالقاهره


تباينت مشاعر الشعب المصرى عن الموقف

النسبه الاكبر كما هوا واضح فى الكليبات والتعليقات وتعليق رجل الشارع فهو الفرح الشديد ليس لشئ سوا ان هذا الموقف كان يضر الشرطه التى اتسع الفراغ بينها وبين الشعب لدرجه ان الشعب يتمنى اى سوء للشرطه ولا اعرف فائده جهاز كالدعم المعنوى فى تحسين صوره الشرطه التى وصلت الى مستوى مخيف

البعض الاخر وهيا النسبه القليله نسبت الامر الى كلمه "لعب عيال غير مسؤله" وان تلك الطريقه ليست الصحيحه لحل المشاكل واننا لا نسير بقانون الغاب

ولكن ما بين قانون الغاب التى تستخدمه الشرطه مع الشعب وما استخدمه طلبه الجيش مع الشرطه لا فرق من وجهه نظرى

انتهى الموضوع

ولكن ماذا عن نتائج ما حدث

لننتظر ونرى فالحادث لم يمر على حدوثه اسبوعين

---

li.gi 'gfi pvfdi lu hgav'i

ههههههههههههههههههه عجبتنى اوى الفيديوهات ومركبين عليها احلف بسماها وبترابها مع منظر الونش وهو بيجر عربيات الشرطة المكسورة حسسونى ان اللى الونش بيجرها دى دبابات اسرائيلية

كفاية هزار بقه وندخل فى الكلام الجد

طبعا موقف ضابط الشرطة موقفه وحش جدا جدا والغلط طبعا كما تعودنا ابتدى من ضباط الشرطة

بس برضو طلاب الحربية دول غلطوا جامد وغلطتهم اكبر بكتييييييييييييييييير


و الله حاجة تزعل

الشرطة والحربية دول الناس اللى المفروض بيحمونا

اللى اتنين موقفهم اوحش من بعض

دول بيعملوا كده فى بعضهم امال هيعملوا فينا ايه

وبعضين فين ضبط النفس ده بتوع الحربية دول اكتر ناس عندهم ضبط النفس

والله العظيم فعلا فيها امن دولة

ده ممكن كانت تكون فيها حرب اهلية

الحربية هجمت على الشرطة

الشرطة ترد

ومكناش هنخلص

اى نعم الشرطة دلوقتى جرايمها كترت بس برضو الر عليها مش يكون كده

مهما كانت برضو دى قوة فى البلد وبالرغم من مخالفتها فهى لها احترامها اى نعم مخالفتها كتييير بس فوايدها اكتر

وبجد بجد بدأت الدخلية الى حد ما بتشد على الضباط دلوقتى وبتحقق معاهم بعد اما اتفضحوا فى الاعلام


فعلا ده مخ عياااااااااااااااااااال من بتوع الحربية

هم دول اللى هيدافعوا عن البلد ضد الخطر الخارجى

والشرطة هدافع على البلد ده الخطر فى الداخل

ولا دول نافعين ولا دول نافعين

ربنا معاكى يا مصر

ده كانت هتبقى مصيبة وبعدين الخوف كله ان ضباط الشرطة فى منهم قلبهم اسود مبينسوش

يعنى ممكن يخلوا الدنيا تهدى و يعملوا حاجة


بجد بجد لازم طلاب الكلية الحربية دول يتعاقبوا من الشرطة العسكرية عقاب شديد


دول المفروض اكتر ناس عندهم ضبط النفس

ايه ده اومال لما دول بيعملوا كده الشعب يعمل ايه

ده شغل عيال

بجد يا ماندوز انت حرقت دمى بالموضوع ده

والله انا قولت دا انتا مألف قصه يا بشمهندس

ههههههههههههههه بقي كل ده بحصل

يلا خليهم يضربوا في بعض مين معتش بضرب في التاني

ال مش ماشيه بقانون الغاب ال دي ماشيه بالنبابيت

بجد بجد لازم طلاب الكلية الحربية دول يتعاقبوا من الشرطة العسكرية عقاب شديد

كل اللى اعرفه ان مساعد الدفعه(الطالب المسئول عن دفعته لتفوقه) ازيل من مكانته

بلنسبه لموضوع ضبط النفس

الكليه الحربيه واىكليه عسكريه اللى اعرفه انهم مطالبين بضبط النفس فى الحياه العامه علشان كده تلاحظى ان ضباط الجيش اهدى فئه فى المجتمع اجتماعيا

ولكن برضه بيعلموهم انه كله الا الشرطه

كل الكليات العسكريه الشرطه عندهم خط احمر

لازم يتاملوا ان الشرطه فئه تانيه فى البلد امام الجيش

لان الجيش كما اوضحت لا يتبع الشرطه

وممنوع على ضبط الشرطه مها كانتدرجته بس او اعتقال او حتى الاحتكاك بلو طالب فى كليه عسكريه

ببساطه وججه نظرى الخاصه ان هذا الامر موجود كفرد عضلات

يعنى

زم الكل يعرف ان الجيش هوا رقم واحد والشرطه رقم 2

على فكره سنويا بتحصل حاجات زى دى

تفرق بس فى الحجم

والسبب واحد (احتكاك الشرطه بطلبه كليات حربيه بقصد او دون قصد)

اللى فرق السنه دى ن الموضوع اتصور فمعرفوش يعتموا عليه ااعلاميا

ال مش ماشيه بقانون الغاب ال دي ماشيه بالنبابيت

وكل نبوت فى النبوت اللى اقوى منه