المجلــــس
الرئيس مبارك: ماذا لديكم من جديد تقدمونه للشعب؟.. نحن فى ورطة لأننا إذ لم يكن فى هذا التعديل ما يجعل للمستقلين حق الترشح فكأنك يا أبا زيد ما غزيت
رئيس الوزراء: يا فندم لا تشغل بالك بهذه الأمور الهايفة
الرئيس مبارك: إذا كانت رئاسة الجمهورية أمر هايف يبقى فيه إيه مش هايف يا
رئيس الوزراء: العفو يا فندم لم أقصد تصوركم يا سيادة الرئيس أقصد المستقلين بالهيافة
مبارك: إذا كان كده ماشي
أحد الوزراء: سيادتك ياريس اطمئن زي ما ظبّطنا التعديل السابق نفصّل واحد غيره.. ولو إنى مش شايف غير السيد جمال هو اللي يستحق يكون رئيس بعد عمر طويل ياريّس
مبارك: إحنا عاوزين الكلام ده يتم بس تاخد شكل قانوني علشان إنتم شايفين كل يوم شوية عيال طالعين: باطل باطل.. إيه حكاية باطل دي يا عادلي؟
حبيب العادلي: دول سيادتك أكيد مش قصدهم إن فوزك بالرئاسة باطل.. همّ قصدهم الإجراءات اللى أنا اتخذتها ضدهم بناء على تعليمات سيادتك
مبارك: هو أنا اديتك تعليمات بـ.........البنات في الشارع؟.. في الشارع يا حبيب؟
العادلي: يا ريّس فى أمريكا بيعملوا كل حاجة
مبارك: المهم لم نصل إلى مخرج للورطة اللى احنا فيها إيه.. يا فاروق أخبار وزارتك إيه؟.. إنت فى وزارة إيه دلوقتي؟
فاروق حسني: الثقافة.. وزارة الثقافة يافندم
وزير الإعلام: رافعا يده يطلب المداخلة
مبارك: عاوز إيه يا أنس
وزير الإعلام: أنا شايف اننا في حاجة إلى وزير يطلّع كام تصريح كده يلفت الأنظار إليه
مبارك: زي مين يا أنس؟
أنس الفقي: مفيش غيره ياريس.. فاروق حسني هو دايما بتاع فرقعة
مبارك: يعني انت شايفله شوفة؟.. يعنى مظبطله كام برنامج على كام صحيفة يظبطوه؟ أصلي أنا عارفه وزير غاوي شهرة وييجي يقدم استقالة والكلام اللي انت عارفه ده
الوزراء فى نفس واحد: هههههههههههههههههههههه صح ياريس
فاروق حسني فى سرّه: آه يا منافقين يا....... وقعتك سودة يا فاروق.. مكانتش طسّتنى عربيّة ولا احضرش الاجتماع ده.. وبعد ما انفّذ اللي عاوزينه كلهم هيشرشحولي.. أنا عارفهم
مبارك: بتفكّر فى إيه يا فاروق؟
فاروق حسني: أنا تحت أمر معاليك بس أنا طالب الحماية علشان أنا هاتضرب فى المليان
أحد الوزراء: ممكن الزميل فاروق بيه يطبع رواية من إياهم تشغل الرأى العام كام أسبوع نكون احنا خلصنا من موضوع المادة 67
أحد الوزراء: الله يخرب بيتك.. المادة 76.. إيش جاب لجاب؟ وانت كلامك دبش.. 67 مرة واحدة
وزير الداخلية: بنظرة حادة إلى الوزير دي غلطة لسان ولا إيه؟
مبارك: ناوي على إيه يا روقة؟
فاروق: إديني فرصة
مبارك: معاك ربع ساعة تكون طلعتللنا بمخرج
فاروق حسني: ورحمة جدي خوفو لأصرّح بتصريحات ولا تخطر على بال مستر إبليس
رئيس الوزراء: عاوزين حاجة تليق بمقامك يا فاروق بيه.. انت لها
فاروق: عارفين مصيبة مسرح بني سويف مش هتيجي في جنبها ولا حاجة
أحد الوزراء: إيه هتولّع فى مكتبة الإسكندرية ولاّ فى الأوبرا.. إوعى تعملها وتحرق دير المحرق وتقول علشان يبقى اسمي على مسمى.. انت مجنون وتعملها
فاروق حسني: إيه التهريج ده انتم بايخيين وما عندكمش إحساس بالمسؤولية اللى ألقاها عليكم سيادة الريس
رئيس الوزراء: بقائك فى الوزارة مرتبط بالعملية دي
فاروق: عملية؟.. هو احنا تجار....... ولا احنا تبع تنظيم اسمه إيه ده؟.. عملية إيه وكلام فارغ إيه؟
***********
تصريحات فاروق حسني
إن ارتداء المرأة المصرية للحجاب "عودة إلى الوراء"، وقال حسني في تصريحات نشرتها المصرى اليوم بتاريخ 16-11-2006 :نحن عاصرنا امهاتنا وتربينا وتعلمنا على ايديهن عندما كنا يذهبن الى الجامعات والعمل دون حجاب، فلماذا نعود الان الى الوراء
واضاف: النساء بشعرهن الجميل كالورود التي لا يجب تغطيتها وحجبها عن الناس.. وتابع: الدين اصبح الان مرتبطا بالمظاهر فقط رغم ان العلاقة الايمانية بين العبد وربه لا ترتبط بالملابس
وأعرب وزير الثقافة عن اعتقاده بأن حجاب المرأة يكمن داخلها، وليس خارجها. وقال: لابد أن تعود مصر جميلة كما كانت، وتتوقف عن تقليد العرب الذين كانوا يعتبرون مصر في وقت من الأوقات قطعة من أوروبا
***********
في منزل رئيس الوزراء دق جرس التليفون
أحمد نظيف: آلو
مكتب الرئيس: معك سيادة الريس
نظيف فى صوت خافت: أكيد فيه كارثة
مبارك: إيه الهباب اللى هببه فاروق بتاعك ده؟.. كان حد قالّه يطلّع تصريحات بالخيابة دي؟.. ده عاوز يورطنا أكتر.. أيوة يورّطنا.. ده ورطنا بالفعل
أحمد نظيف: عفوا هو حصل إيه يا فندم؟
مبارك: طبعا ما أنا لازم كل حاجة أشرف عليها.. انت فطرت ولاّ أجبلك فطار يا نظيف؟ معاك مهلة سنة تشوف فاروق عمل ايه
نظيف: حد يوصلني بوزير الـ
***********
فاروق حسني: زمان الرئيس واحمد نظيف مزغططين.. فيه إيه هات يا إدريس التلفون.. آلو نعم ليه يا فندم حصل إيه؟.. أنا جاي بسرعة؟
نظيف من مكتبه: لا سلام ولا كلام دي تصريحات تقولها عن الحجاب؟.. مش لاقي إلاّ الحجاب كنت قول النقاب كنّا شفنالك مخرج لكن الحجاب؟.. دي المدام عندي لولا خايفة يطلعوني من رئاسة الوزراء كانت لبست الحجاب
فاروق حسني: ورأي معاليه إيه؟
نظيف: شايط.. وبيقولّك إحنا ادينا الجماعة دول بتوع البتاع ده اللى اسمهم اسمهم إيه؟.. ما انت عارف مبيحبش يجيب سيرتهم على لسانه
فاروق: انت بتتكلم عن مين؟.. يكون قصدك أعضاء الإخوان؟.. أنا مش عارف إذا كانوا هم الإخوان المسلمين أمّال إحنا إخوان إيه؟.. إخوان كارلوس؟ هههههه
نظيف: اسكت.. هو لا قال إخوان مسلمين ولا إخوان معرفش إيه.. متورطناش أكتر من كده
فاروق: دا أنا طلّعت التصريحات دي مخصوص علشان الجماعة دول أكيد هيعملوا زوبعة فى البرلمان.. والبركة فيكم تردوا عليهم.. أصلي دول بيتدربوا على الكلام وأنا مش قدهم
رئيس الوزراء: إسمع يا فاروق.. لازم تطلع تصريح اعتذار علشان الموضوع أكبر منى ومنك أكبر مننا كلنا.. ده إنت لو حرقت مكتبة الاسكندرية يمكن كانت عدت
فاروق: لأ أنتم أكيد عاوزين تشردوني.. احنا متفقناش على كده أنا لازم اتصل بسعادته
نظيف: لو اتصلت بيه يبقى آخر يوم لك فى الوزارة.. وبكرة احنا كلمنا كام عضو من الحزب يقولوا بقّين كلام ضدك علشان الإخوان ميكسبوش بالموضوع ده.. ابقى اتحملهم شوية.. انت حمّال آسية يا فاروق ونضرب عصفورين بحجر.. نسحب البساط من تحت أقدام الإخوان ونريّح الشارع.. انت بقالك كام سنة فى الوزارة يا فاروق بيه؟
فاروق: معناه إيه الكلام ده يا معالى رئيس الوزراء؟
رئيس الوزراء: ولا حاجة ولا حاجة.. روح انت وهنبقى مع بعض على المحمول.. إنت زيرو إي يا فاروق؟
فاروق: باين طبّلت على نفوخك يافاروق.. دول شكلهم عاوزين يجاملوا الشعب على حسابي
***********
ضباط شرطة فى ميدان التحرير: منك لله يا فاروق.. احنا يا دوب استريحنا من المظاهرات.. ده كلام تقولوا؟.. بس الناس عندها حق.. هو وزير ثقافة ولا مفتى؟
متظاهرون: يسقط يسقط حسني.. نطالب بإقالة حسني.. الحجاب عفة وطهارة وانت يا حسني كلك
......
مواطن خايف: بتقولوا على حسني مين؟.. حسني مبارك؟.. يا نهار إسود.. أنا مروّح
***********************************
منقوووووووووووووووووووول
hgl[gJJJJJJJJJJJJJJJJJJJJJJs
المجلــــــــــــــــــــــس
أنا حذرتكم!!!!!!!
العرض العادي
