13 رسالة زجل * زجل

**Eng.Shapon** · 2009-01-20, 11:32 PM

13 رسالة زجل في زجل

الرسايل دي بتناقش الواقع اللي احنا عايشينه

والله يصبرنا علي كل ظالم

وابدأ بأول رساله

رســـــالة من ظـــــــابط

13 رسالة زجل * زجل entehakamny1957665283.jpg

اكتم صوتك يلا وسلم

يمكن من المعاملة دى تتعلم

اياك مرة ترفع صوتك
او تتكلم

اوعاك تتألم
على الايام دي راح تتندم

خليك كلب ذليل وجبان

خلى كرامتك هنا تتهان

اوعى فى بلدك تكون انسان

جوا بلادك عيش حيوان

اوعى تحاول تصلح بلدك

بلدك ضاعت وباعوه زمان

اسمع منى بلادك ضاعت

فى بحر الذل والطغيان

اسمع منى بلادك ماتت

سقطت فى بئر الاحزان

لكن حبك لسه يابلدى

شايله فى قلبى هنا متصان

عايش ليكى بخير وامان

عشتى يا مصر يا ام الدنيا

ويموت كل لائيم ومهان

13 vshgm .[g *

**Eng.Shapon** · 2009-01-21, 12:57 PM

الرسالة التانية

رســــالة لسويــرس

اسمع منى يا كلب جبان

عمر المسلم ما بيتهان

افهم منى واوعى تقرب

لا من الدين ولامن القرآن

اعرف منى بس بسرعة

ان المسلم مش حيوان

المسلم هو لسان الامة

هو املها هو البنيان

واوعى تفكر انك بالسمعة

تعرف تجرح فى الانسان

عايزك تعرف ان المرأة

جوه حجابها هنا تتصان

تحيا بفضله بخير وامان

وحي المولى من القرأن

واسمع منى ياعم سويرس

عمرك ما تكون غير كلب جبان

**Eng.Shapon** · 2009-01-21, 01:10 PM

الرسالة الثالثة

زهقنا مــن الفكــر الجـديــد

يا سيادة الرئيس خلاص

زهقنا من الفكر الجديد

دى بلدنا ضايعة يا ناس

فــى وســط اسـر وحديد

بقى هو ده الفكر الجديد

انى اعيش فى بلدى غريب

وبين الناس اكون وحيد

مهو اصل ده الفكر الجديد

ان البلد تفضل فى ذل وهوان

محكومة بالنار والحديد

ماهو ده الفكر الجديد

يا سايدة الرئيس خلاص

ايه تانى نبدأ من جديد

مع ابنك بعدك نشوف الويل

ده شعب عمره ما كان سعيد

يا سيادة الرئيس بنعتذرلك

مش هو ده الفكر الجديد

**Eng.Shapon** · 2009-01-21, 01:15 PM

الرسالة الرابعة

قـــوم يامـصـــرى

قوم يامصرى وابنى بلدك وبأيديك

قوم يامصرى مصر بتنادى عليك

فوق وحارب وابنى نفسك

أبنى حضن وقت شدة يلتقيك

تلقى وطنك خيره بيضلل عليك

وانتِ قومى بكل عزمك

خلى الخير فى بلادى رايتك

قومى يلا وعلى جهدك

ولو فيه حد فى يوم تجهلك

خلى بلدك اغلى عندك

قوم يامصرى وانتِ قومى

اصل مصر خيرها بيك

**Eng.Shapon** · 2009-01-21, 01:52 PM

الرسالة الخامسة

اسمـــع وشــــوف

اسمع يا عم الرئيس وشوف

اسمع مرة مأسى ألوف

اظبط سمعك بص علينا

شوف الظلم وعيشة الخوف

يمكن مرة تحن علينا

عمره ماكان ظلمك مكسوف

عيش عيشتنا ودوق مأستنا

ليه تتمنى اكون محذوف

يمكن يكون قلبى فيه ضعف

لكن عمرى ما اموت من الخوف

واسمع منى ده هى نصيحة

قلبك ليه عمى قبل الشوف

**Eng.Shapon** · 2009-01-23, 12:17 AM

الرسالة السابعة

رســــالة شهيد

حلم الشهادة حلمت انا بيه

يبقى فى وطنى يصون ارضيه

مهما يطول الليل ويعم

هو بنوره راح يفنيه

بعشقه لوطنه وصرخت قلبه

ييجى نهار لليل يمحيه

وانت يا وطنى خليك صابر

خليك على دربك واحميه

واحكى وقول على اعظم شعب

واقوى امة كانت فيه

احكى وقول عن مجد بلادى

عن مجد الشهداه عيد واحييه

فودعاً يا اعظم وطنا

وليعلم ربى ما اخفيه

**الشكار** · 2009-05-12, 10:52 PM

والله كلام زى العسل
تسلم ايدك ياراجل

**الجمال الصامت** · 2009-05-13, 10:05 AM

جميل و رائع جداااااااااااااااااااااااااا
شكرا لك على هذا الابداع
ننتظر المزيد...................

**Eng.Shapon** · 2009-05-13, 01:04 PM

شكرا لمروركم

نورتم الصفحة بجد

نكمل باقي الرسايل

**Eng.Shapon** · 2009-05-13, 01:10 PM

الرسالة التامنة

تيجـــــــى نــــوجــعهــــــم

قوم وبسرعة والوى درعهم

خلى عمايلك ديه توجعهم

عن اخوانك يلا امنعهم

قوم وبمالك يلا اردعهم

خلى الامة فى يوم تسمعهم

قاطع منتج بيمولهم

انقذ وطنك من عمايلهم

خلى ضميرك يوم يصحلهم

واوعى بمالك ده تفرحهم

يلا اردعهم قوم وامنعهم

قاطع يلا يابن بلادى

قاطع ظلمك مهما يعادى

قوم وبسرعة يلا ونادى

سمع وبصوتك اولادى

اكتب يلا وصحى ضميرك

قاطع قاطع يابن بلادى