انا المصدر ده بالنسبالى مشكوك فيه
اصل اهم حاجة عنده ان هو يهاجم الحكومة وخلاص
مش مصلحة الشعب
عارفين كان فى مظاهرة عندنا فى الكلية كل الاخبار فيها كانت كذب كل شوية يقولوا خبر عاجل
مصر منعت طائرات قطرية باعته مساعدات ويعدوا يقولوا حسبى الله ونعم الوكيل اروح الاقى مصر نفسها باعته 12 شاحنة وان هى لم تمنع الطائرات بنفس المعنى المقصود فى المظاهرة هى اخرتهم عشان يكون فى تنظيم لان لازم تتفرغ فى الشاحنات الاول وبعد كده تدخل فى غزه وكل ده هيبتدى بعد دخول اشاحنات
ورايحين يقولوا الجزيرة كتبت قيام جامعة الاسكندرية بمظاهرات ادور على الخبر ملقهوش
ومن مواقف تانية كتيييييير بيتضح ان موقفهم هجوم على الحكومة اكتر منها دفاع عن الشعب
اما بقه بعيدا عن المصادر وحماس ضربت ولا مضربتش
انا اللى اعرفه ان واحد فلسطينى قتل واحد مصرى الفلسطنيين بيموتوا لانهم فى محتلين وفى حالة حرب اما المصرى مات ومفيش حرب
الرصاصة دى بدل لما كانت تتضرب على واحد اسرائيلى اضربت على واحد مصرى واقف على الحدود عشان يمنع الخطر عن اكتر من 80 مليون مصرى
متجيش جبهه اسمها جبهه علماء الازهر ( انا اعرف هيئة علماء الازهر لكن جبهه دى اول مرة اسمع عنها) مجهولة مين علمائها حتى علماء الازهر نفسهم اول مرة يسمعوا عنها و ميعرفوش مين اللى فيها ويبدو انها ناس مدعية ذلك
تعلن ان الضابط المصرى ليس شهيد واستشهدوا بذلك بحديث الرسول انه لو اقتتل اتنين من المؤمنين فالقاتل والمقتول فى النار
نسيوا ان اللى اتقتل ده كان بيدافع عن اهله ووطنه من الاضرار بدليل ان فى اول 2008 لما دخل الفلسطنيين انتو عارفين عملوا ايه وكسروا ايه واعتدوا على اهالينا ازاى
دم الفلسطينى غالى جدا ودم المصرى غالى جدا
كله عايز يبرر قتل الضابط المصرى ده ويبعده عن ان يكون فلسطينى ( ولازلت اقول ان اللى عمل كده خاين )
عشان كده محش يقول ان حقنا ضايع فى البلد دى لا احنا اللى مضيعين حقنا بايدينا بدليل اهو الضابط المصرى عايزين حتى نضيع حقه فى اللى احنا نقول عليه شهيد
والغريب بدل لما نعد يحتجوا على موت المصرى لا عمالين نبرر فعله القاتل ونهون من هذه الفعله الوحشة
هى اطلقت الرصاص فى الهوا والدليل ان لو كانت اطلقت عليهم الرصاص مباشر كان هيتقتل اكتر من واحد لان اولا مفيش مكان هيحتموا فيه ثانيا كان هيموتوا من الاندفاع لما يحاولوا يهربوا من الرصاص
شيوخ حماس قتل المصريين على الحدود حلال
العرض العادي
