هل من الممكن ان ننتبه لأنفسنا قبل فوات الوقت(1)

اولا السلام عليكم ورحمة الله وبركاته...
ممكن نتكلم شوية في حاجات مهمة خاصة بدينا !

تعمل ايه لو جائك ملك الموت حالا وقبض روحك وستقابل الله سبحانه وتعالي ,
وسؤلت (هل صليت الظهر لو العصر او...او...الخ)
هتقول لربنا ايه!!!! هل هتقول معلش يارب انا مصلتش لان مكنش عندي وقت ولا لاني كنت قاعد علي النت ومكنتش فاضي ولا في الكلية ولا بتفرج علي ماتش ولا مع اصحابي ولا ...ولا ولا ولا
مع ان العكس تماما لو صليت وأطعت ربنا هتلاقي ربنا بارك ليك في وقتك ووفقك في دراستك وهتلاقي الدنيا كلها سهلة وبسيطه وهتلائي نفسك عايش سعيد جدا
اصل يا جماعه مينفعش منصليش يعني مينفعش اكون مسلم ومش بصلي لان الصلاة فرض علينا ووالله الصلاة دي جميلة جدا لليحس بيها وبمتعتها وهو واقف مابين ايدين ربنا سبحانه وتعالي ويدعي كده ويخلص في الدعاء صدقوني هيحس احساس جميل جدا....
طيب اللي مصلاش اخر صلاة مثلا ممكن يجاوب نفسه الوقتي ويقول ليه مصلاش! هاه جاوب وقول
-هل كنت بتذاكر؟
(طيب لو كنت بتذاكر وسيبت المذاكره وروحت صليت جماعه هتلائي اللي انت ذاكرته ربنا باركلك فيه ومش هتنساه)
- هل كنت مع اصدقائك ومعر فتش تسيبهم وتروح تصلي؟
دا بالعكس لو سيبتهم وروحت صليت هيحترموك وهيكون انت احسن واحد بينهم حتي ولو مظهرش عليهم كده هيكون جواهم ان انت افضل واحد فيهم.
- كنت بتتفرج علي ماتش كرة؟
ياسيدي مش مشكله العشر دقايق دول ابقي شوف الهدف في الاعاده دا حتى انت ممكن تدعي للفريق وانت بتصلي انه يكسب ههههههههه.
هل كنت في الجامعه ومكسل تتوضى؟
لا سهلى خالص انت ممكن تتوضر وانت لابس الشراب(بس بشرط طبعا انك تكون لابسه علي وضوء)
الحمد لله اعتقد كل كلية فيها مسجد.


المقصود يا جماعه ان الواحد يحاول ميخليش الشيطان يضحك عليه لان دائما الشيطان بيخلي الاعمال الصالحه ثقيلة علي الانسان وبيزين كل حاجه وحشه للانسان يخليها جميلة وسهلة فا احنا نعرف ان كلنا هنموت وهنقابل ربنا وهنتسئل علي كل حاجه عملناها كبيرة وصغيرة سواء متنا الوقتي او بعد يوم او في اي وقت فلازم يكون عندنا مدخر من الحسنات والأعمال الصالحة عشان ربنا يرضى عنا ونفوز بالجنه.
والجنه بئه ما شاء الله زي ما كلنا عارفين ان الجنه فيها مالا عين رئت ولا اذن سمعت ولا خطر علي قلب بشر
كل اللي انت عاوزه هتلاقيه في الجنه اي حاجه تتخيلها هتلائيها بأجمل اشكالها وأفضل انواعها

اسف طبعا علي الاطاله
ونكمل ان شاء الله في وقت اخر في موضوع جديد
وربنا يعيننا علي العمل الصالح يارب ونقدر نفيد ونستفيد

لا تنسونا من صالح الدعاء


سبحانك اللهم وبحمدك نستغفرك ونتوب اليك
السلام عليكم ورحمة الله وبركاته

---

ig lk hgll;k hk kkjfi gHktskh rfg t,hj hg,rj(1)

جزاك الله كل خير اخى الكريم على هذا الموضوع الممتاز وهدفه المتميز وطريقه العرض الجميله حتى تسهل الوصول الى عقل القارئ بمختلف المستويات الفكريه

المهم اخوتى فى الله ان لا يظن احدكم ان الصلاه فقط هيا للتبارك او زياده بتعملها علشان تقرب من ربنا

الصلاه فرض على كل مسلم

ما الفرق بين المسلم وغيره

اليست بالصلاه

نعم تؤمن بالله ولكن يجب ان تؤمن باليوم الاخر

واذا امنت باليوم الاخر اذن فقد امنت بالجنه والنار

واذا امنت بالجنه او النار فعليك ان تؤمن بان الصلاه هيا مفتاح الجنه وتركها يؤدى بك الى النار

فاذا لم تكن تعرف فلقد عرفت

وان كنت تعلم وتناسيت فها انت تتذكر

وماذا بعد

هل تستمر على خطأك

هل لازلت ترى الصلاه اوبشن يومى

والله لو سمحت الظروف نصلى مسمحتش وربنا العالم بقه

لاه حضرتك ربنا عالم ان الصلاه احد اركان الاسلام

ولو حضرتك ينفع تشوف بيت من غير قواعد يبقى اسلامك صحيح من غير صلاه

عندما تستمع الى الاذان سيب اللى فى ايدك مش هيطير وقوم صلى اولا هتاخذ ثواب الصلاه ثانيا هتقى نفسك من شر النسيان لان الطبيعى لو احنا فى الشغل وادن الضهر وانشغلت مثلا وقلت هصلى لما اخلص اللى فى ايدى بطريقه ما بعد مخلص يجد حاجه تانيه او موقف تانى انشغل بيه وشويه والاقى الله اكبر والعصر بيأذن

يبقى ايه الاحسن

الفجر/الصبح ركعتين مش هياخد منك دقيقيتن

الضهر 4 ركعات لو خد 5 دقايق يبقى كتير كمان
زيه العصر والعشا

المغرب يعنى 3 دقايق

المجموع 20 دقيقه

20 دقيقه فى اليوم

ياه صعبين اوى يعنى

بذمتك بتضيع كام ساعه فى اليوم

دانته بتتغدى فى نص ساعه

نهايه

بسم الله الرحمن الرحيم

"ويل للمصلين الذين هم عن صلاتهم ساهون"

صدق الله العظيم

دا كلامى لو كنت بوجهه لشخص مش بيصلى اساسا ودول اظن نسبتهم قليله

اكبر النسب اللى كلامى الجى ليهم الناس اللى بتصلى شويه وتسيب شويه

دول للاسف النسبه الاكبر اللى موجوده فى المجتمع

وهنا هقلكم على طريقه سهله جدا لضمان الا ينذغنك الشيطان عن الصلاه

عليك بصلاه السنه فهيا تكون كدرع لك عن الفريضه

اذا حاولت يوميا الالتزام بالصلوات السنه قبل وبعد الفرائض ستجد انهم يشكلوا الردع الواقى من هجمات الشيطان

فبدل ان يكون هدف الشيطان ان يبعدك عن الفرض سيعمل اولا على جعلك تترك صلاه السنه لانها كما قلت الدرع الواقى لك

فبدل ما كنت بتاخد ثواب الفرض بس

اصبحت تاخذ ثواب الصلاه كامله بالسنه الصحيحه عليها

جربها مش هتزود كتير ركعتين او 4 قبل او بعد كل صلاه مش شايفها هتاخد وقت فى المقابل شوف الاجر هيتضاعف ازاى ليك

اما عن اخوانى قواهم الله على محاربه شياطين الانس والجن وقدارون ان يحافظوا على صلواتهم كامله فادعوا الله ان يثبتهم على ما هم فيه ويقوى عزائمهم ويجزيهم خيرا عن حفظهم لعقيدتهم فى هذه الدنيا

شكرا علي اهتمامك والمشاركة في هذا الموضوع الهام
والله يعين الجميع علي العمل الصالح والمناقشات المفيدة