انا حبيت اقولكوا الموضوع باختصار
قولت الجوايا بصراحه وياريت الكلام يعجبكوا هيا بصراحه عجباني وضحكت قوي لما كتبتها قولت دانا قلبي اسود بشكل
علي العموم اسيبكوا معاها بس اليقرئها يسيب نفسوا ليها عادي خلاص صدقوني جامده اسيبكوا معاها
مكتب الوزير اتسرق
ناس كتيره
عامله هيصه
وزيطه
وروح وهات
وابعد عن المكان
روحت اشوف
ايه الحصل
قالولي
دا مكتب الوزير اتسرق
من تلات تيام
ولامين
كل الموظفين
وسين وجيم
وقلق ورعب
في وش
كل الموجودين
قولت اخيرا
هنشمت
هنفرح
وهنشوف
فيكوا يومين
ويافرحه ماتمت
عرفت
ان كل التسرق
هيخصموه
من مرتبات
الموظفين
يعني خلاص
اتكتب علينا
نعيش في
قرف وغم
طول مانتوا موجودين
حلو عنا بقي
وارحمونا خنئتونا
روحوا منكوا لله
وصحافه
وتلفزيون
اعلن الخبر
والخسائر
محصوره
يادوب
اتسرق دسوهين
وشويه ورق
وطفايه سجاير
سياده الوزير
تاكوا خيبه
وجاين علي نفسكوا ليه
وليه الهيصه
والزيطه
والخصومات
قالولي
اهي حجه
عشان يحرمونا
من الزيادات
الهيموتنا
عشان يدوهالنا
ياسياده الوزير
تسلم
ويحميك
من العين
وتتقطع
ايد التدمت
علي طفايه سجايرك
وارحمنا
ولم الدور
ام العيال
محتاجه
اشرب
وجزمه
وفستان جديد
ووعدتها
لما الزياده
تنزل
هازود
عليها شويتين
وربك مايوقعك
في ضيقه
وخلينا
نعيش يومين
انتا عارف الستات
نفسي
في يوم اعمل
عليها كبير
وحط ايدي في جيبي
وقولها
اطلبي نفسك في ايه
نفسي يا
سياده الوزير
اقولها
مره واموت
l;jf hg,.dv hjsvr ( jhgdtd >auv uhld)
مكتب الوزير اتسرق ( تاليفي .شعر عامي)
العرض الشجري
