دراعات + منشطات + حكام لا = بطولات

يافطه غريبه كانت اسوء ما فى مباراه الزمالك مع الاتحاد الليبى




كما قلت فى الاول


لا مشاكل فى تشجيع فريقك والغيره عليه


ولكنه من العيب ان تجرح فى الفرق المنافسه لك

خصوصا لو كان هزا المنافس هو ابن بلدك والبطوله عربيه والعرب كلهم يروها


فعيب كل العيب من زرع تلك اليافطات


فكما زكرت فى مقاله سابقه مدى فرحتى عندما رايت يافطتين

احدهما لمصر وعلى جانبيها على الاهلى والزمالك وهم سند مصر

والاخر يافطه تقول

بكل حب مبروك للاهلى


لتجئ تلك اليافطه لتسئ للشكل الحضارى للمباراه وتبين المستوى المتدنى والافكار التعصبيه التى اخترقت ملاعينا من فتره ليست بالبعيده


نعدو الى تلك اليافطه


وسارد عليها جزء جزء


اولا كلمه

دراعات

لا ينكر احد خطأ تصرف مانويل جوزيه وان كات واتحدى ان يكون اكثر من 10% هم من فهموا حركته الامر الزى دفع بعض المواقع الى البحث فى قاموس قله الادب لمعرفه تفسيرها

واعملوا موضوع مخصوص بها

رغم انهم لم يزكور الاشاره دى كانت موجهه لمين

ولكن ما علاقه زلك بالبطولات

هل كان جونيور عندما اشار باصبعه لى جمهور المصرى كان مستواه وحش

هل بتلك الاشاره معناها ان جونيور لاعب وحش وما بيعرفش يلعب


منشطات


للعلم تقريبا كل لاعيبه الاهلى اللى بتلعب بيتعمل عليهم اختبار منشطات من ان لاخر سواء لاستراكهم مع منتخب مصر فى كاس افريقيا او ع الاهلى فى بطولات افريقيه والعينه الايجابيه الوحيده طلعت لسماكه وهوا ليس احد الاعمده على ما اظن

فعيب تعميم تلك الجمله

والا فريق الاحلام الزملكاوى الزى فاز بالدورى وافريقيا كان ايضا يفوز بالمنشطات والدليل امير عزمى

فعيب الكلام ده يتقال من غير دراسه

لانه ببساطه لاعيبه الاهلى بالزات مينفعش ياخدوا منشطات بسبب البطوت الكبيره اللى بيلعبوها عكس باقى الانديه اللى لا يجرى للاعيبيها اى كشف واتحدى زلك اى فريق فى مصر ببساطه لانهم مش هيبعتوهم تونس ولا اوربا عكس الاهلى اللى العينات اتخدت فى كاس افريقيا وفى دورى الابطال الافريقيه


حكام


اضحك واقول حكام ايه

يعنى خلاص

علشان تسللين فى متش الصفاقصى بقى الاهلى بيكسب البطولات بالحكام

طب متشوفوا متش الشبيبه ولا حتى المتش الاول اللى كان فى القاهره

الحكام هيا اسهل شماعه للفاشلين

فى اوربا عندما يكون هناك حكم سئ وما اكثرهم يخرج المدرب بعد المؤتمر الصحفى يقوا ده الحكم وحش

لكن استحاله يقول لما يخسر البطوله ان الحكم السبب زى ما فرق تانيه تحب تغطيه عجزها بالتحكيم

واظرف واقعه كانت من موسمين لما احمد رمزى طلع وقال ان الاهلى فاز بالدورى بالتحكيم

بزمتكم فى اظرف من كده

يعنى هوا كان شايف ان فريقه احسن من الاهلى ساعتها علشان ينافسه حتى والدليل طبعا ان الفارق تعدى 30 نقطه فى النهايه

الحكام ليس لهم قاعده

اوقات معاك واوقات ضدك



حظ


ومن ينكر ان الحظ ليس هوا صاحب الكلمه الاولى فى كره القدم

ولكنه يقف بجانب المجد وليس الخامل


واليكم الامثله

نهائى افريقيا 2002 الزمالك والرجاء

نهايه الشوط الاول

تامر عبدالحميد تسديده لن يكررها فى حياته الحارس يتغر بها فتدخل شباكه ويفوز الزمالك بالبطوله

لما نيجى نقارن كوره ابوتريكه بكوره تامر

مين الاحسن ابوتريكه ولا تامر

مين الامهر

مين اللى كان قريب من المرمى


مين اللى كانت الزاويه مفتوحاله

عايزين بعد كده تتكلموا عن الحظ

المشترك ان الزمالك والاهلى فى المتشين كانوا يستاهلوا البطوله

فين كوره متعب فى المتش الاول

فين كوره فلافيو فى العارضه فى المتش التانى


الخلاصه


انه مينفعش يافطه زى دى تتعلق


لان مفيش كلام فيها صح


ومش علشان فريقك ما فازش بالبطوله تجرح فى الفريق اللى فاز

وايه قدام كل العرب

فعيب بجد على اللى عملاليافطه دى


واللى كمان نشرها فى موقعه وفرحان بيها

---

]vhuhj + lka'hj p;hl gh = f',ghj

المشاركة الأصلية كتبت بواسطة mandozzz

يافطه غريبه كانت اسوء ما فى مباراه الزمالك مع الاتحاد الليبى

كما قلت فى الاول

لا مشاكل فى تشجيع فريقك والغيره عليه

ولكنه من العيب ان تجرح فى الفرق المنافسه لك

خصوصا لو كان هزا المنافس هو ابن بلدك والبطوله عربيه والعرب كلهم يروها

فعيب كل العيب من زرع تلك اليافطات

فكما زكرت فى مقاله سابقه مدى فرحتى عندما رايت يافطتين

احدهما لمصر وعلى جانبيها على الاهلى والزمالك وهم سند مصر

والاخر يافطه تقول

بكل حب مبروك للاهلى

لتجئ تلك اليافطه لتسئ للشكل الحضارى للمباراه وتبين المستوى المتدنى والافكار التعصبيه التى اخترقت ملاعينا من فتره ليست بالبعيده

نعدو الى تلك اليافطه

لا يا باشا أسوأ ما في الماتش كان الحكم وكل اللي شافوا الماتش عارفين كده ده مكنش بيحسب فاولات لا لينا ولا ليهم مبصفرش يا با عارف يعني ايه حكم مبيصفرش ده يا ما حكم عبيط مش عارف حاجه أو هم حكم ن بتوع السامرواي الياباني لأن كل الضرب ومباراة المصارعه من الواد رقم 5 اللي مش فاكر اسمه ايه وعمرو زكي كانت أغرب حاجه واد عجل وبضرب في البلدوزر المصري يعني كان ماتش ملاكمه بعيدا عن ماتش الكوره ولا البلنتي ولا انذار اسامه حسن اللي محسبهوش ولا ولا ولا أديني بجيب جميع الامثله أهو يا جماعه لينا وعلينا يبقى اسوأ حاجه كانت الحكم

أما الكلام لإانا أظن ان جونيور اتعاقب وجوزيه متعاقبش وده اللي استفز جماهيرنا وبرضه اظن انك عارف ان الحكام المصريين فيهم نسبه كبيره من التحيز للأهلي وأظن ان فوز الدوري بالموسم ده كان حقيقي ولكن فرق النقاط كان غير حقيق لأن الأهلي مفروض ضايع منه ماتشات كتير بتيجي بالحكام في الموسم ده لو تفتكر ماتش الحرس على ابسط مثال يعني الاهلي فاز بالدوري وده حقه لكن مش حقه فرق النقط الغريب اللي حصل ده وده اظن حقيقي
اما عن الحظ فاي فريق محظوظ ولكن عدم الاعتراف بالحظ ومن لاعيبه ملهاش في الكوره في الاهلي وبتنسب نفسها ليه ولانجاز تريكه يبقى ده مستفز ولا زم نقول حظ يعني أبو تريكه قال أنا كنت محظوظ أوي فيها لكن شادي محمد ومتعب يقولوا ده خقنا ومش عارف ايه ونسيوا يقولوا توفيق ربنا ومشيت الكوره مع ابو تريكه واما كلامك عن كورة تامر عبد الحميد أحب أفكرك انجون أبو تريكه في النجم الساحلي في نهائي السنه اللي فاتت زيه بالظبط لو تاخد بالك ويمكن اصعب يبقى ليه ميتقالش حظ هو كمان والماتش ده حظ احنا قولنا مبرك وخلاص ولا داعي لذكر اسم فوز الزمالك على الرجاء وهدف تامي لأن السمتفز واللي يخلي الناس ترد وتقول حظ واحد أهلاوي يجيلي في الكليه ويقوللي انت ليك عين تيجي الكليه بعد ما كسبنا مع اني الوحيد الي قولتلهم الاهلي هيسب شوف المستفز ولو تعرف تصور أمن الكليه منعني من دخول الكليه يومها لأني زمالكاوي والله العظيم حقيقي يا عم الله أعلم الناس دي اتعمل معاها ايه استفزهم خلاهم يقولوا حظ ويكرهوا فوز الأهلي بالبطوله مش ممكن يكونوا ألجهلاويه وليس الاهلاويه وهو الجهلة الذين ينتمون للاهلاويه هو اللي وصلوهم كده ويكون واحد من الزالكازيه اللي حطوا اليافطه دي مثلا انضرب او اتشتم واتقاله **** فريقكوا ولا حاجه لازم تراعي ظروف الاستفزاز أنا والله رغم انك شايفي فرحان لك بعد اللي حصل معايا تاني يوم فضلت فتره بقول يا ريتهم ماكانوا كسبوا علشان كنا نرتاح من أمثال الجهله دول

سيبك والنبى من الحكم


لانى زى ما قلت فى المقاله اللى بعد المتش


انه مكنش هناك


شكله كان باعت خياله



نرجع بقه للموضوع


اولا انا ضد ان اى حد اهلاوى يتنطط على حد زملكاوى



كمان الاهلى عادل رقم الزمالك والاهلى فرحان بكده

فده يعلى من قدر الزمالك

مش يقلله


طبعا انا مقدرش اعمم الكلام لانى زى مقلتلك فى ناس متعصبه هنا وهنا


يعنى كان فى ناس زملكاويه بتشجع الصفاقصى وبتغيص جمهور الاهلى قبل المتش

وفى برضه مشجعين اهلاويه بعد المتش كانهم كسبوا الزمالك وهاتك يا تريقه على الزمالك

والاتنين مرفوضين


لاننا لازم نتعامل اننا فى بلد واحدنا

وشعب واحد


لازم نفرح لبعض ونزعل لبعض

وطبعا انا مش هتكلم عن الحكام ومتش الحرس لان ده موال لواحده وممكن ناس تخش زى العضو اللى دخل كده والموضوع يبوظ

لكن طبعا اخطاء الحكام موجوده فى كل العالم



وانا زى مقلتلك برضه ان الحظ هو صاحب الكلمه الاولى فى عالم كره القدم ومحدش يقدر يقول غير كده


ومتدقش على كلام متعب وشادى فرحه فوز بقه


كمان لو سمحت سيب التانى فى حاله

احسن ده هوا اللى يمو من الضحك


محسسك انه هوا اللى جاب الكاس


وهوا كان هيضعه


والله لما بشوف اى تصريح ليه بحس انى قدام فيلم كوميدى



بس ايه اللى حصلك ده فى الكليه


سيبك من الموضوع ومن كل حاجه


بجد الموضوع ده حصل


ههههههه


الامن يمنعك بجد علشان الكوره


دى مهزله


هيا وصله للدرجه دى



انا هبطل تشجيع كوره احسن بقه


الناس نسيت المعانى الاساسيه للرياضه


وهوا اللعب من اجل المتعه


والمتعه فقط


يالا شكل الموضوع كله سوء فهم


بين القلتين المتعصبتين فى الفريق


ويارب العصبيه دى تختفى