ماذا تفعل لواعترفت اخت صديقك الوحيد بحبها لك

انا هتكلم معاكوا في موضوع خطير
وبجد كل واحد فينا معرض ليه

الصداقه

لها احكام وبتفرض علينا امور بناخدها في الاعتبار
يعني كل واحد فينا اكيد له صديقوا البيحبوا
وبيثق فيه وبيدخلوا بيتوا وممكن يكون عن طريق الصداقه
دي قدر يتعرف علي اهلك

واكيد هيتخلق روح من المحبه بين الطرفين
ودا مش عيب بل مستحب ودا الصح والمفروض
بس في حدود

لازم ناخد بالنا كويس يعني حرص وماتخونش
واكيد في ناس كتير محترمه حتي
لو شاف في بيتك عيب
بيستر عليك ويحاول يصلحوا وياك
علي اساس انوا فرد من العيله دي

لكن مش كل الاصدقاء زي بعضها
ومش كل الناس جواها خير خود بالك كويس

لكن (اذا اعترفت اخت صديقك بحبها لك)

ماذا انتا فاعل ؟؟

وكلنا عارفين خطوره هذا الاعتراف
من بنت اكيد هيترتب عليه امور كثيره

ماذا انت فاعل ؟؟

في مجتمع شرقي له عاداته وتقاليده

قبل ما اسئل واقول هتعمل ايه

احب اسئل واقول

ايه الوصل اختك انها تحب صديقك

احنا كلنا عارفين ان الحب مالوش كبير
وان دا نصيب وقدر ومكتوب
بس في اصول وشرع ودين

لازم نضع قوانين للعلاقات بين الاصدقاء
اوك صديقك تشيلوا في عنيك ويكون توئم روحك
وانتيمك زي مابتقولوا
بس انتا مش ضامن ظروف العلاقه دي ايه
وايه الممكن يحصل بينكوا بعدين

ممكن صديقك دا في يوم من الايام
يكون عدوك ومش بيحبك زي زمان

طب هاتعمل ايه لو حصل معاه الموضوع دا

واختك هيا العترفت له بحبها
وانتا الدخلتوا بيتك
واديت الفرصه لاختك تفكر فيه

وبسببك قدر يكلمها من غير اي تعب او حرج
او اي مشكله
ياتري انتا ممكن تعمل ايه

لازم نقدر الصداقه
ونديلها حقها ونحافظ في نفس الوقت علي بيوتنا واهلنا

نرجع تاني لموضعنا

هتعمل ايه

لو اعترفت اخت صديقك بحبها لك

انا عاوز اسمع ردوددكم بصراحه

اخوكم عمر 85

---

lh`h jtug g,hujvtj hoj w]dr; hg,pd] fpfih g;

بص يعم عمر الموضوع مهم وخطير.
بس فيه حاجه لو هى اعترفت بكده وانت شعورك هو نفس شعورها ,بس أهم حاجه ان الموضوع يكون جدى يعنى تكون ناوى انك تتقدم لها....بيتهيألى مفيهاش اى حاجه.
بس لو كان الشعور ده مش متبادل من جهتك. بيتهيألى لازم تنهى الموضوع دا باقصى سرعه لان الصاحب عمره مبيتعوض.
وأكيد انت تعرف كدا كويس.

وتقبل مرورى.
سكوفيلد

لو اعترفت اخت صديقك بحبها لك

موضوع جميل يا عمر ومميز ويحتاج نقاش

والله لو هيا اعترفت بكده اكيد هيكون للصديق رد فعل

ااما نفس شعور متبادل
وهنا لازم بقي يدخل من الباب طبعا

او لو هوا بعتبرها زي اخت هتكون هنا صدمات للبنت

انا عن نفسي البيت اللي بخشه بعتبرهم اهلي واخواته اخواتي

وانا مع سكوفيلد في حكايه ان لو فيه حاجه زي كده
الموضوع يخلص بدري بدري ...


بالتوفيق ,,,

مشكور ليك يا - The_boss22
وانتا كمان ياسكوفيلد
وبجد الموضوع دا خطير وحساس
وله جوانب كثيره
اما من نحيتك انتا ك اخ لاختك
او من نحيه صديقك الدخل البيت
يعني لو انتا الصديق الحصل معاه كدا
اكيد هيكون الموضوع دا حساس
وممكن يكون حبل وصله جديده تقوي علاقتك بصديقك ومش كدا بس
تكونوا نسايب كمان اذا تطور الموضوع الي زواج
وممكن يكون نهايه للعلاقه
وعداوه تعيش العمر
ياجماعه الرد هيكون علي حسب النظره والزاويه
النتا شفت منها الموضوع
وحال البيتكلم
سواء بيتكلم عن الصديق
او الاخ الاختوا اعترفت لصديقوا
ارجوا يكون الكلام واضح
اهم حاجه في كلامي
اننا ناخد بلنا كويس
ونحرص علي بيوتنا
وفي نفس الوقت
نحمي ونحافظ علي صداقتنا
يارب يكون الموضوع يستاهل الكلام
دا
واخيرا تقبلوا مني تقديري
وتحياتي

بص يا عمر والله هوة الموضوع جميل


بس اسكوفلند وهشام قالو اللى فيه الفايده


وانا راى من رايهم يعنى اخت صحبى زى اختى واهله اهلى


وطالما ان الراجل امن ودخلنى بيته لازم انى احافظ له على البيت

ولازم اكون زى ما هوة شايفنى


ولازم برده اراعى شعور اخته والكلمه الحلوه بتريح

لو انا ممكن اتجوزها اوك اكلم صحبى وقوله وده مش عيب

لو مش ممكن انا عن نفسى مش هخش البيت تانى الا تخطيف

واعتذر باى حاجه




تقبل مرورى

مشكور علي متابعتك للموضوع
وفعلا كلامك منطقي ومقنع
واتمني يكون الموضوع عجبك

لو انا ممكن اتجوزها اوك اكلم صحبى وقوله وده مش عيب
لو مش ممكن انا عن نفسى مش هخش البيت تانى الا تخطيف

جمال عنده حق في كل كلمه

بس برضه لو اناحبتها هتبقي اصعب ومش عارف هعمل ايه

مشكور علي متابعتك للموضوع
وليه مش عارف تعمل ايه
ليه انتا في ايدك الحل وسهل عليك
لو حبتها وتقدر تتقدم ليها اوك اتفضل والصداقه تبقي قرابه ونصب وزياده في روابط المحبه
لو مش قادر تتقدم الحب مش عيب ومش حرام
الحب ارقي وانبل احساس في الدنيا
بس في حدود الدين والشرع
لو مش قادر ابعد
والزمن كفيل ينسيها الحب دا
ومتخسرشي صديق عمرك للابد
الحب مش عيب العيب اننا نستغل الحب دا غلط
في انك تكلمها وتقبلها وتقضيها مععاها
وانتا عارف انك متقدرش تتقدم ليها
خليك راجل والراجل حر والكلمه عندوا شرف ودين عليه
وكلمه بحبك كلمه غاليه قوي لازم نقدرها ونعرف قيمتها قدا ايه
ارجوا اكون قدرت ارد علي كلامك ويارب جمع بين كل اتنين بيحبوا بعض
اقبلوا تحياتي

وكلمه بحبك كلمه غاليه قوي لازم نقدرها ونعرف قيمتها قدا ايه

عندك حق ياعمر

SIMO
متشكر ليك بجد علي متابعتك
واتمني تكون مقتنع فعلا بالكلام ونعمل بيه
اوك