اولا احب اشكرك بشدة على موضوعك الجميل الصادق
وبجد وانا بقراه حسيت بكل كلمة فيه
وحسيت انك وحدة غيورة جدا على الدين
عشان كده بجد بحييكى
ثانيا اسمحيلى اختلف معاكى
انا حسيت انك انتى اللى كتبتى الموضوع مش نقلتيه
ودى حاجة جميلة
بس وقعتى فى غلطة صغيرة
لفظة اهانوا
لغويا اللفظ ده غلط لانه معناه ان الاهانة وقعت فعلا على الرسول عليه الصلاة والسلام
وان الكفار نجحوا فى اهانته فعلا
وده محصلش ولا هيحصل طبعا
فمن خلق محمدا كفيل بحمايته من الاهانة
كل محاولات السب والشتيمة من الغرب نوع من المحاولات مش اكتر
السب او الشتم = محاولة للاهانة وقد تكون محاولة فاشلة
وهى فعلا فى الحالة دى محاولة فاشلة
الرسول عليه الصلاة والسلام اتعرض للاذى كتير بس محدش يقدر يهينه وكل محاولات الاهانة فشلت
لقول الله تعالى:
"انا كفيناك المستهزئين"
صدق الله العظيم
اتمنى ان المعنى يكون واضح وكلنا ناخد بالنا بعد كده لان اللفظ ده اتكرر كتير
وياريت متحرميناش من موهبتك الجميلة فى الكتابة
واسمحيلى انا عدلت الموضوع
وسبوا رسول الله ..
العرض العادي
