عارفينه؟ .. جربتوه؟ .. شعورصعب فعلا ***

السلام عليكم ورحمة الله وبركاته

عارفين

الشعور ده

عارفين لما تفتكر حاجه كده

تحس انها بتشدك لذكريات

انت مش عارف ايه الذكريات دى

بتشدك لحاجه كده

بحاجه انت مش عارفهاا

و ممكن تدخلك فى شعور كده غريب

حزن مع الم مع فرحه

الشعور ده

....عارفينه

عارفين

لما تسمع اغنيه كده

تلاقى نفسك بتبتسم من غير سبب

بس جواك حزين اوووى

و تلاقى شعور بدأ يدخل جواك

انت مش فاهمه

و تحاول تفهم ايه ده

وفى الاخر متفهمش

عارفين

لما تروح تقف على البحر كده

وتاخد نفس عمييييق

بعديها تلاقى نفسك بتبتسم

بس جواك حاجه مش قادره تخرج

حاجه يمكن بتقطعك من جوه

و مش عارف تتخلص منها

عارفين الشعور ده

عارفين

لما تبقى لسه صاحى من النوم

اليوم لسه مبداش اهو

وتلاقى نفسك على السرير لسه

و غصب عنك تنزل دمعه

ممكن تفضل ساعتين تعيط على المخده

المخده اللى تعبت مننا كل يوم

كل يوم يتحس بينا

قبل ما ننام

و تقوم من على السرير

و محدش يعرف حاجه

عارفين الشعور ده

عارفين

لما تكونوا اصحاب متجمعين فى يوم كده

و كلكوا مهيسين و بتضحكوا

و اللى يشوفكوا من بعيد لبعيد

يقول الناس دى رايقه

وحياتها تمام اوى

و انتوا اصلا بتضحكوا بدل ما تعيطوا

و محدش حاسس بحاجه

و محدش فاهم حاجه

لا و ايه

محدش هيقدر اصل

انه لا يفهم ولا يحس اللى جواكوا

عارفين

لما تكون الساعه 2 بالليل

و البيت كله نايم

بتبقى عايز تصرخ بأعلى صوتك

كفاااااااااااااااايه ......حراااااااااااااااااااااام

كفايه بقى...ما خلاص..

حرام عليكوا اوى كده

بس كفايه ايه..معرفش

كفايه و خلاص

عارفين

الشعور ده

لما تكون راجع من يوم سبيشيل اوووووووووى بالنسبه

ليك

و ترجع..متحكيش لحد من اللى فى البيت على اللى حصل

و يمكن متحكيش لحد خالص

و يمكن اصلا محدش يسالك

ولا يقولك تعالى يا حبيبى

عملت ايه

احكيلى ابسطنى معاك

تبقى عايز حد جنبك اووووى يفرح معاك كده

بس متلاقيش

و تروح قبل ما تنام تراجع اليوم ده كده

لقطات بسيطه

و فى ااخر يوم اجمل من رائع

و انت جاى تنام...تقعد تعيط

مع ان فى ناس كتييير يحسدوك على اليوم ده

عارفين

لما تحس انك عايز مساعده من اى حد

اى انسان

اى مخلوق

حاسس انت بتغرق

بتغرق فى ايه مش عارف

بس انت محتاج مساعده

محتاج حد ينجدك

مش عارف هتطلبها من مين

و حتى لو طلبت مساعده

هتتقوله ايه

عايزك تساعدنى و خلاص

هيرد و يقولك اساعدك فى ايه

تقوله حاسس انى بغرق

الحقنى

هيقولك بتغرق فى ايه

ما انت واقف قدامى اهو

انت محتاج مساعده

بس مساعده فى ايه انت مش عارف

و تفضل تغرق و مش لاقى مساعده

عارفين

لما تكون عايز تسمع كلمه معينه مش شخص معين

كلمه ممكن تكون كلمه من حرفين بس

مش صعب عليه يقولها

وتلاقيه ولا بيتكلم

تحس انه تمثال

ما تتكلم بقى

طيب ما هو انا شايفاك بتقولها مليون مره

شايفها فى عينيك

حاسسها اوى

عايز تسمعها بقى

قوووووول

اتكلم

و لما يتكلم

تحس انه بيشفق عليك

!...بتشفق على

طيب لما انت كده

بتحسسنى بيها ليه من الاول اصلا

بتعيشنى فى الشعور ده

ليه من الاول..و لو للحظات

لما ده مش حقيقه

عارفين

لما تلاقى نفسك كده

عايش شعور جميل اوى

مع نفسك

انت بتحب جديد

انت عاااشق

بس اللى يضحك

مفيش حبيب

انت لوحدك

بتحب و خلاص

هو انت اااه بتحب

بس اللى بتحبه ده مش موجود

طيب هو فينمعرفش

عارفين

لما تبقى عايز تسمع صوت حد معين اووى

واحشك اوى

عايز تسمع صوته

تطمن عليه

و تفضل مستنى

ياترى عارفين الشور ده ؟

و مستنى..... ومستنى

و فى الاخر ميتصلش

لا و بعدين يتصل حد تانى

تقول اخيرا اهو

و ترد بلهفة

و تسمع صوت حد تانى

مش ده اللى كنت مستنيه

يا ترى عارفين الشعور ده ؟

---

uhvtdki? >> [vfj,i? au,vwuf tugh ***

عارف يا ساندر الساعة دالوقتى 2
انا قريت التوبيك وبعيط اوى
عارف لية عشان انا عارفة كل كلمة فى الموضوع دة معناها اية
تسلم ايديك

شكل كل اللي هيدخل الموضوع دا هيعيط

احنا عملنا فيك ايه بس

موضوع جميل جدا ومعبر وتسلم اديك

وحصل حاجه غريبه كدا محدش هيفهمها

كل بيعط جميل
انا بقي مش بعيط
هههههههههههههههههه
ميرسي اسيره انتي وايناااس نورتو التوووبك

انا اقولك الشعورده ايه ده شعور البعيد عن ربنا
لان القريب من ربنا لما يعيط هيعيط لسبب اما من خشية الله .او طاعة فاتته. اومعصية عملها
ولما يعوز يضحك هيضحك بحساب لما تكون فى حاجة بضحكه فعلا
من الاخر المسلم التقى حياته جنة يشعرفيها بلذة دائمة
اللهم اجعلنا من المتقين

علي فكره مش لازم عشان تعيط من احاجات دي انك تكون بعيد عن ربنا وياريت مش ندخل في المواضيع دي لان علاقه الانسان بربنا دي علاقه خاصه بيه هو لوحده ومحدش يقدر يحكم عليها

وبعدين ساعات بيعدي علي الانسان اوقات لازم يعيط فيها اصل مثلا مفيش حد بيزعل مثلا من موقف وتلاقيه بارد مش تنزل دمعه حتي اكيد كلنا بشر ومشاعرنا بردو بتتحرك فمش عيب ان حد يعيط من موقف او حاجه تحصل تضايقه او تكون صعبه عليه

ومعتقدش يعني ان حد يكون في موقف فراق حد غالي عليه او تعب حد بيحبه ومعبطش

انا معاك فى الكلام اللى بتقوليه
بس انا برد على جيمى (ساندر)
ان المسلم شعوره موزون بدينه

لا بجد انا عارف


كل اللى انت قولته يا جيمى



وعندى استعداد لما اشوفك كملك


الشعور ده


بس بجد

فنان

فى تعبيرك

السلام عليكم ورحمة الله وبركاته

بجد موضوع فوق الرائع
اى كلام مش هيوصف جمال الموضوع ده


بجد مش لاقية كلام اقوله
تسلم ايدك
وهو فعلا كل اللى انت قولته ده بنحسه وبنعيشه ومش شرط لاننا بعاد عن ربنا
دى حاجة بنا وبين الله عزوجل

بجد مش لاقيه كلام يوصف جمال الموضوع
تقبل تحياتى

عارفين

لما تكون عايز تسمع كلمه معينه مش شخص معين

كلمه ممكن تكون كلمه من حرفين بس

مش صعب عليه يقولها

وتلاقيه ولا بيتكلم

تحس انه تمثال

ما تتكلم بقى

طيب ما هو انا شايفاك بتقولها مليون مره

شايفها فى عينيك

حاسسها اوى

عايز تسمعها بقى

قوووووول

اتكلم

و لما يتكلم

تحس انه بيشفق عليك

!...بتشفق على

طيب لما انت كده

بتحسسنى بيها ليه من الاول اصلا

بتعيشنى فى الشعور ده

ليه من الاول..و لو للحظات

لما ده مش حقيقه

الموضوع جميل وانا هرد عليه زي مانا كدا مش هرتب مش هلون
هاقول الجوايا
ضحك كدب صدق خير شر المهم
هاتكلم

طب انا هقولك حاجه تانيه
غير النتا كنت قايلوا
لما تكون عاوز تقول
لحد كلمه
ومش معقول
انوا يسمعها
مهما تقول
حد فيكوا حس مره
انوا مهما يكون قوي
انوا مهما يوصل للسما ويرسم وجهوا علي القمر
وينور بيتوا بضيوا
عمروا مايوصل للعايزوا
حد فيكوا سهر طول الليل يكتب في كلام وازاي هيبدا بيه
ولما يجي الهيقولوا ليه
ميقولشي
ويمشي ويسكت والكان هيقولوا يبان عليه
في نظره عيونوا
ويرد عليه
مش معقول
ولا يمكن ومستحيل
البتحلم بيه
حد مره نام بليل
وحلف مايقوم غير علي صوت حد معين
ويصحي كل يوم يدور عليه ويفتح شباكوا ينده عليه
وكل الناس يقولوا عليه مجنون
مين فيكوا اتكسر اتقسم انصهر داب وصرخ وقال الحقوني
الحقوني قلبي خسر
حد فيكوا
انا منكوا وليكوا قولت
الدنيا لسه بخير
والامل جوانا طول ماعيونا شايفه النور
اهوا قصاد عيونا
بس شد حلكوا
اطمنوا
جاي في المعاد
وقريب قوي قريب قوي
هنكون معاه
عمر 85