لا اعرف كيف يتحمل مشاهدو برنامج 90 دقيقة ان يتابعوا هذا الكيان الضخم والتقيل وزنا ودما المسمى معتز الدمرداش لمدة ساعة ونص
ولكنى عصرت على نفسى لمونة واضطريت اتحمله ساعة بحالها وذلك لانه استضاف ضيفا مثير جدا اعلاميا وصعب انك ماتتفرجش عليه وهو بيتكلم... مرتضى منصور بعد خروجه من السجن
وشوفت معتز الدمرداش كيف يتكلم وكيف يفكر وكيف يدير حوار.
توقفت عند نقطتين فى هذا الحوار زادا من كرهى له وعدم اقتناعى به كمذيع ناجح ابدا ابدا
الاولى:
عندما كان يحكى مرتضى منصور كيف انه لجأ الى الله والى الصبر والى الرضا بقضاء الله حتى يستطيع تحمل هذا السجن اللعين
كلام طبيعى واحساس طبيعى يشعر به كل انسان يجد نفسه فى محنة ،، فيعرف وقتهاالله اكثر ويستمد كل قوته من الله ويلجأ اليه..
ماذا كانت وجهة نظر مذيعنا المثقف الواسع الافق؟؟
تعجب جدا من كلام مرتضى منصور وقال له : ايه يا استاذ مرتضى ، انا خايف الناس تقول ان مرتضى منصور اتدروش .. انت اتدروشت ولا ايه يا استاذ مرتضى؟؟
بذمتكم ؟؟؟ ده كلام واحد عنده ذرة عقل؟؟
ده كلام واحد بيقدر يفهم ويتفهم لمشاعر الناس؟؟؟
وبعدين هو الواحد لما يلجأ لربنا ولا يقرب لربنا ، سواء بسبب شدة او بسبب هداية من ربنا ، يبقى اسمه اتدروش؟؟؟؟
هى دى ثقافة مذيع برنامج توك شو يومى
الموقف الثانى :
مرتضى منصور بيقول انه بيكره المذيع تامر امين _ مذيع ف البيت بيتك _ وانه مش بيحب لا يشوفه ولا يسمعه
يقوم عمنا ابو دم خفيف ،، يكلمنا احنا المشاهدين باستظراف ويقول :ياترى الاستاذ مرتضى ياجماعة هيقول علينا ايه لما يمشى من هنا؟
وكأن مرتضى منصور واحد غاوى يعيب ف اى حد وماشى يعيب ف كل الناس.
حتى مرتضى منصور بص له بصة جامدة كده وقال له : انا لو عايز اقول عنك حاجة ، هقولها دلوقتى قدامك مش هستنى لما اخرج
بجد مذيع سئ سئ سئ ، ضحل الثقافة ، بتاع حكومة اوى
والمصيبة انه فاكر ان دمه خفيف
بجدياريت حد من متابعين البرنامج ده ، يقولولى، بياخدوا ايه عشان يقدروا يشوفوا الشخص اللى اسمه معتز الدمرداش ده كل يوم كد
,hp] ]li jrdg !!!!!!
واحد دمه تقيل !!!!!!
العرض العادي
