الحب على الإنترنت ( حقيقة أم خيال )

لمن يجرؤ فقط , تحدى لكل القوانين , تحدى لكل الاوضاع الغلط والظواهر اللى مش راضيين عنها , تحدى للخجل , تحدى للجبن , رافعين شعار مش هنخاف مش هنطاطى , إحنا كرهنا الصوت الواطى , فى محاولة تيفاوية لجعل الموضوعات أكثر فاعلية .






ملحوظة :

قد يحتوى الموضوع على كلمات خارجة ليس الغرض خدش الحياء ولكن لزيادة فاعلية الموضوع الذى يشغل الجانب الأكبر من الحياة والحياء فى هذا الزمان وقد لا يحتوى وآسف على مجمل الكلام ولكن أتمنى إثارة ضجة لهذا الموضوع الخطير والشائك .





إستكمالا للموضوعات العصرية السابقة أطرح الآن أمامكم





الحب على الإنترنت ( حقيقة أم خيال )




نبدأ من حيث بدأ الجميع , وبلا استثناء يبدأ مشوار الألف ميـل ( الحب ) بتعارف بسيط جداً وبرىء الي ابعد الحدود , ولكن ماذا عن احداث النهايــــــة , لن اترك لمن يشاهدني الان علامة استفاهم واحدة من خلال طرح هذا الموضوع الهام والعصــري والمنتشـر بسرعة الصاروخ ...زى ما اتعودنا مع بعض اننا نناقش المواضيع ببساطة وبدون تعقيد للأمور , فأنا النهاردة بطرح موضوع , متأكد ان ناس كتير اتناقشت فيه ؟!



طبعاً يا جماعة , ناس كتيرة جداً مرت او حتي مرت مرور الكرام علي موضوع الحب عالنت , تعالوا نطرح الموضوع في صورة اسئلة واجوبـة






س1 : ايه هيا ابعاد القضية دى ؟؟ او هو ازاى بيبتدي الحب عالنت ؟؟


ببساطة وزى ما قولت الحب عالنت , بتكون بدايته تعارف برىء , وبمرور الوقت بيبدأ الموضوع يتطور حتي يصل لأعجاب , ولو الاعجاب دا جاب نتيجة مع البنت , والشاب لقي انه فيه تجاوب بيتحول الاعجاب دا لحب من طرفين , وكمان بيكون للموضوع دا تطورات من نواحي كتيرة , زى مثلاً من اتصال بالنت --> لإتصال بتليفون --> حتي يصل للمرحلة الاخيـــرة وهي مرحلة المواعيد المواعدات والمقابلات .





س2 : عندك شواهد او شوفت قصص حب بدأت من النت ,وياتري وصلت لحد فين ؟؟


طبعاً بالتأكيد عندي قصص حب كتيرة جداً , وكانت بدايتها النت
ونبدأ بقصة بسيطة جداً وهي لفتاة تبلغ من العمــر 15 سنه , ولما بدأت الفتاة دى تتعمق في برامج المحادثات والشات , تلاقت مع شاب في احدي برامج الشات او الدردشة وكان الشاب اكبر منها بحوالي 5 سنين , وطبعاً كانت هي من محافظة وهو من محافظة اخري , بعد مرور الوقت , وبعد ما عدت مرحلة التعارف , بدأت قصة الحب , وقدر الشاب دا يأثر علي البنت المسكينه دى , وبدأت البنت تتحول من مرحلةالاعجاب لمرحلة الحب , لمرحلة الحب الشديد , لمرحلة العشق .. وتطور الموضوع بشكل سىء ...وبدأ الموضوع يأخد مساره الطبيعي وبدا الشاب يلح بمقابلة هذه الفتاة , وبالفعل تمت المقابلة , وبقي الحال علي ما هو عليه لمدة عدة شهور , وفي الاخــــر بعد كل هذا الحب الشديد , بدأ الشاب في اختلاق المشاكل , وبدأ يبتعد خطوة بخطوة ...

قد تكون القصة خيالية ولكنها مقاربة للحقيقة

س3 : ايه هي الاسبـاب اللي بتدفع بعض الشباب والبنات للحب عالنت ؟

1- الحاجة الشديدة للحب , وتبادل المشاعر , وفقدان الحنان , وللإحساس بالذات , واحياناً للتجربــة .

2- الحالـة النفسيــة : قد تكون في بعض الاحيان الحالة النفسيـة دافع هام واساسي للحب علي النت , وقد يكون احد الطرفين مصدوم من قصة حب تمت في حياته العاديـة , او قد لا تسمح حالته النفسية بالخوض مرة اخريفي قصة حب حياتيه .



3- السهـــــــــــــولة : لان طبعاً مراحل الحب عالنت تختلف تماماً عن مراحله في الحياة العادية , ويبدأ الحب عالنت ببساطة عما يكون عليه في الحياة العاديــة .



4- التسليـــة : ودا بالتأكيد طابع غالب علي قصص الحب عالنت , يعني زى ما يكون استغلال لفراغ الوقت , وشغله بكلام معسول وجميل ولذيذ وخفيف علي القلب .



5- الانتقــام : احياناً يكون الشاب او الفتاة خارجين من قصة حب فاشله في الحياة وللأسف احياناً للبعد عن التعميم لا يستطيع كل منهم الانتقام من الطرف الاخـــر , فقد يكون هذا الانتقام من خلال الشبكة الانترنتيــــه .




6- التفكك الاســـري : وللأسرة دور كبيـر في هذا الموضوع , لان بالتأكيد لو الاسـرة مكتملة الاركان , ومتعاونه وهناك حالة حوار دائمة بين الاباء والابناء , فلن يحتاج الابن او البنت لمثل هذه القصص الخياليــة .




7- الملل : وهذا ما يكون عليه كتير من الشباب والبنات , واللي الملل بيكون دافع قوي لأن يدفع البعض للممارسة اعمال اندفاعيـه غيـر معروف نتائجها مسبقــاً .






وهناك اسباب اخــري كثيـــــــــرة جداً لا نستطيع حصــــــــــــــــــــــــــرها ...



س4 : ما هي الرسالة اللي توجهها لشاب او فتاه يمــر بهذه القضــية الان ؟





الإجابة دى ليكم






تعقيبات خاصـــة لقراء هذا الموضوع :


1- القضية مفتوحة للنقاش , وللموضوع بقيـة بإذن الله .

2- لا انتظــر شكر , ولكن انتظر تعقيبات جادة تشجع علي الاستمرار .

3- هناك ايجابيات وسلبيات في اي موضوع .

4- قد تكون هناك نسبة نجاح ضئيلة جداً لنجاح " قصة حب عالنت " وقد تكون عالية فى وجود وعى ثقافى عالى بين الطرفين









محاولة تيفاوية لجعل الموضوعات أكثر فاعلية إنضم لينا








رأيك انت حر فيه قد يكون صح قد يكون غلط مش مجبر انى اكون انا وانت لينا نفس الرااى مش هفرض رأيى عليه ولا هتفرض رأيك عليا هنتناقش هتقول انت شايف الامور ازاى .. وانا شايفها ازاى وف الاول والاخر كل الاحترام ليك ولرايك يعنى مفيش تعصب ومفيش اعتراض جامح مفيش كلمات جارحه .





هذا رأيي واتمنى اسمع أرائكم وردودكم بكل صراحه

---

hgpf ugn hgYkjvkj ( prdrm Hl odhg )

انا رأى ان الحب على النت تسليه مش اكتر صعب على بنت انها تصدق ولد حبها على النت وكمان صعب على الولاد تصدق
انا بشكرك يا احمد على اهتمامك بالموضوع ده وانا بحترم رأيك

الموضوع يتلخص في كلمتين اتنين بس
يرجع كل الكلام ده لطبيعه الطرفين

جزاك الله كل خير ......

المشاركة الأصلية كتبت بواسطة a7medlight

قد تكون هناك نسبة نجاح ضئيلة جداً لنجاح " قصة حب عالنت " وقد تكون عالية فى وجود وعى ثقافى عالى بين الطرفين

المشاركة الأصلية كتبت بواسطة The_boss22

الموضوع يتلخص في كلمتين اتنين بس
يرجع كل الكلام ده لطبيعه الطرفين

رايي من جزئين وجزء منهم لخصه الرايين اللى اقتبستهم

الجزء التانى هو ان النت فيه ميزة تانية يمكن محدش خد باله منها
وهى انها بتسمحلك تتعرف على الشخصية دى وثقافتها وتفكيرها من غير متتاثر بالشكل
يعنى مثلا لو شفت وحدة حلوة او بنت شافت ولد وسيم وحصل اعجاب وارتباط عن طريق الشكل
زى الجواز التقليدى اللى بيكون عن طريق الشكل
غالبا بعد كده كل واحد بيكتشف انه اتخدع بالشكل الحلو ومخدش باله من عيوب الشخصية اللى اختارها
مش عايزة ابعد عن الموضوع
بس حبيت اوضح ميزة النت


ومن نحية تانية فى مشكلة خطيرة جدا
وهى ان فى ناس محترفين كدب وخداع وبيخدعوا الانسان مهما كان ذكى
بس ارجع واقول الشخصيات دى مش فى النت بس
موجودة فى الواقع وبنتخدع منها كتير وبيبقى بعد عشرة سنين طويلة

يعنى الملخص اننا هنرجع لنفس النقطةفى قصص بتنجح بنسبة صغيرة اوىبس موجودة ومش مستحيلةوبتتوقف على اخلاق كل واحد وثقافته وخبرته فى معاملة الناس

مفيش احسن من الحب البلدي

سيبك من حب النت ده

احب واحده كانت ممكن تكلم مليون واحد علي النت غيري ليه

مفيش احسن من الحب البلدي

سيبك من حب النت ده

احب واحده كانت ممكن تكلم مليون واحد علي النت غيري ليه

يا عم الحاج دى قضية
ان كانت دى كلمت حد قبلك ع النت
فممكن بتاعت البلدى غلطت مع حد ومقالتلكش

انا مقصدش زي ما انت فهمت

انا قصدي واحده في المكان الي انت فيه

مش زي حضرتك مافهمت

ولو زي ما انت تقصد اكيد انت هتنسي طالما بتحبها

بس بتاع النت

الله يكون في عونك بقي

النت فيه ميزة تانية يمكن محدش خد باله منها
وهى انها بتسمحلك تتعرف على الشخصية دى وثقافتها وتفكيرها من غير متتاثر بالشكل

الخلاصة ف الجملتين دول
يا بتاع البلدى

الموضوع دا فعلاً يحتاج للنقاش

وزي ما انت قلت إن دا هوا اللي بيحصل في عصرنا الحالي

"الحب عن طريق النت"

واللهي انا هقول رأيي

وقد يكون صح وقد

يكون غلت

أظن إن الحب عن طريق النت دا مش ينفع في معظم الأحيان

ليه ؟

عشان الاتنين مش شايفين بعض

يعني هوا حب وهمي في عالم افتراضي

أظن إن كل من الطرفين هيحاول يبين نفسه في أحسن صورة

ويحاول يخبي عيوبه

مهو مش معقوله هيقول عيوبه كدا بكل بساطة ويعترف بيها

لان أكيد المعظمون مش بيحب يعترف بعيوبه

حلوة المعظمون دي

مع كوننا نعلم إن مفيش إنسان كامل يعني كل شخص ليه عيوب ودا حاجة من عند ربنا

بس فيه ناس هما اللي بيختلقوا عيوب فوق عيوبهم بإيديهم والعيوب دي مش بتعجب حد

نرجع للموضوع

ممكن جدا الفتى مثلاً يعجب بطريقة فتاة في الكلام ويعجب بثقافتها وميولها وكدا

بس ممكن أوي يكون دا كله تمثيل ، ممكن يكون الواد عنده بتاع 20 سنة

كلم بنت مثلا ف الشات قالتله عندي 19 سنة وعجبته ومش عارفا ايه وحبها ... إلخ إلخ

وهيا تطلع ف الحقيقة معندهاش غير 12 13 سنة وأكيد دي مش هتناسبه

وكدا تكون البنت دي لعبت بيه واستهترت بمشاعره دا طبعاً لو كان صادق معاها

بس انا من رأيـي إن من يبحث عن حب بهذه الطريقة ، فمظنش انه هيستريح

أكيد هيكون فيه نوع من الغيرة

ممكن الشيطان يخليه يفكر

" هيا أكيد كلمت دشليون واحد غيري زي ما كلمتني "

ازاي هثق فيها

وازاي هخليها تبقى أم ولادي في المستقبل

هل هتعرف تربيهم

ولا هيطلعوا زيها

أظن الكلام دا ممكن يحصل

إلا في حالات نادرة انا عن نفسي مش عارفاها >>!!ـ

[QUOTE]

وقد تكون عالية فى وجودوعى ثقافى عالى بين الطرفين

[/QUOTE]

هل تعتقد أن في شباب هذه الأيام وعي ثقافي ؟؟؟

الشباب هنا تشمل الجنسين ..!

انا لا اظن ذلك إلا في القلة مع كوني شابة من هؤلاء المذكورين سابقاً

وانا لا أدري تحت أي مجموعة انضري انا

انا كدا قلت رأيـي

وإن لم يكون واضح شديد الوضوح

عذراً إليك

شكراً على الموضوع

دمت بخير

الكذب والخداع حالة من حالات الحب على النت
الصدق والحق حالة أخرى
ومش كل صوابعنا زى بعضيها

لو كان فيه واحد بيقول الحق
وواحدة برضه مش بتكدب
وحب حاجات فيها
وحبت حاجات فيه ؟

يكون اللقاء بينهم إزاى ؟
وهل الحب اللى بينهم حقيقة أم خيال ؟
هذا هو العنوان وهذا ما أردت توضيحه من الأعضاء الكرام ؟!

لو انت بتحب واحده ولقيت شكلها ليس له ملامح

هتعمل ايه والله هتقول يخرب بيت النت

وهتحترم نفسك يا معلم ومش هتتكلم علي النت تاني

وصدقني مفيش واحد بيحب بنت علي النت

ولو ده حصل يبقي ده واحد ليس له ملامح الانسانيه

بصوا يا جماعة انا مش هقول رايى لانى انا شخصيا مش قادرة اكون راى فى الموضوع ده بالرغم ان هو اطرح فى عده فضائيات من قبل
وهو موضوع وارد فيه النجاح ووارد فيه الفشل
كل راى فى دول حلو ان كان اكتر راى عجبنى لان راى وسط وشديد الدبلوماسية هو راى ميرو

بس انا داخلة اعلق على نقطة وحبر لك لن يموت

أظن إن الحب عن طريق النت دا مش ينفع في معظم الأحيان
ليه ؟
عشان الاتنين مش شايفين بعض
يعني هوا حب وهمي في عالم افتراضي
أظن إن كل من الطرفين هيحاول يبين نفسه في أحسن صورة
ويحاول يخبي عيوبه
مهو مش معقوله هيقول عيوبه كدا بكل بساطة ويعترف بيها
لان أكيد المعظمون مش بيحب يعترف بعيوبه
حلوة المعظمون دي

مش شرط صدقينى لو شافوا بعض هيقدروا يكتشفوا عيوب بعض

زى ما الطرفين ع النت مش شايفين بعض
برضو فى الواقع بالرغم انهم شايفين بعض بس برضو مش شايفين بعض

بمعنى ان انا من وجهه نظرى ان فترة الخطوبة اللى هى مفروض للتعارف دى اكبر فترة للكذب والخداع للطرفين

شوفى ازاى الولد يفضل يجبلها هدايا ويخاف عليها قد ايه وبيكون جدع وكل حاجة حلوة وبيصرف عليها كتير

والبنت بتكون مع خطيبها غاية الرقة والادب وبتهتم بنفسها وكل تمام

ده اللى بيحصل فى الخطوبة

واكبر دليل على كلامى ان دى فترة كذب

ارتفاع نسبة الطلاق فى السنتين الاولى من الزواج

صح

بصوا نرجع بقه للموضوع الاصلى انا بس حبيت اعلق على النقطة دى

انا متهيالى ان حب النت خدعة زيه زى الحب الموجود فى واقع الايام دى
متهيالى زمانا نفيش حد هيعرف يحب

ههههههههههههههههه

انا فى انتظار باقى الاراء عشان انا اقدر اكون رايى المرة دى فى الموضوع ده

مع خالص شكرى

انا من رايى ان كل دى اوهام

الواحد لو هيتعرف على حد يتعرف على سبيل

الصداقة فقط لا غير

وميزودش فى اللاقة او ميتعمقش اوى فى الشخصية

اللى بيتكلم معاها

واغلبية الشباب بيبقو مبسوطين

لما يتعرفوا على بنت من على النت

والبنات كذلك

لكن بتبقى دى كلها علاقات فاشلة مش موثوق فيها

دا رايى فى الموضوع كله

بسم الله الرحمن الرحيم

موضوع مميز تسلم إيدك أخوي أحمد

إليكم راي .............

الحب شي حلووووو بس سلاح ذو حدين إذا استغلته صح وبالخير بتحصل ثمار مغرية وبترضي ربك ونفسك بحياة هانئة

إما إذا كان الإستغلال عشوائي ونية فاسدة بتحصل دمار وسخط والعياذ بالله ............ الله يبعدنا من بلاوي الشيطان


أوك بالنسبة لحب الإنترنت :

أولا حب وهمي ............. وإذا صدق فيه الحب لا تعرف مصيرك النهائي فيه أبدا

وذالك يعتمد على الطرفين وحسن نواياهم ............. في مرات تنجح صح أنا معاكم بس منو يضمنها لنفسه

المجاذفة صعبة ,,,,,,,,,,,,,,, أنا أحب الصراحة على النت وعدم الخداع لأن الخداع بيرد لصاحبه ....... ما بيستفيد شي

حلو لما تعرف إن الشي إلي سويته غلط وتحب تصلحه ........... وأحلى من جي لما تشوف ناس ينصحونك ويوقفون وياك

مع إنك غلطان بس يحبون يساعدونك على حسب نيتك تبي تصلح الغلط بإذن رب العالمين كل شي بيتصلح

ما تبي يتصلح بتغرق فيه بزيادة وبتندم بعده واااااااااايد

أنا عن نفسي جربت وربي يعلم بقصتي وحالتي

بس كل شي تمام والحمدلله

مثل ما قلت مرات تنجح ومرات تفشل ........... نسبة النجاح ضئيلة ونسبة الفشل كبيرة .......... فمن يضحي إذا ؟؟؟؟

ضرر النت فتاك يصيب البنات والشباب يعني الضحايا من الطرفين ويكون الضرر نفسي ومعنوي وغيره ......... الله يرحمنا برحمته

فالواحد ياخذ حرصه ويحاسب بكل شي يسويه أول بأول ............ والتوفيق من الله ............... ونعم بالله

الله يكون بعون الكل يااارب

اللهم يسر ولا تعسر .................... اللهم يا مثبت القلوب ثبت قلوبنا على طاعتك

يكون اللقاء بينهم إزاى ؟

أظن اللقاء هيبقى صعب أوي
يعني لو الاتنين صادقين زي ما قلت يا احمد
وهوا حب حاجات فيه وبالعكس

يبقى أكيد هما ناويين ميكونش حبهم كدا تسلية ولعب وخلاص
واكيد عايزين يتوجوا الحب دا بالجواز

بس والله انا شايفا الموضوع شديد التعقيد

مش عارفا ممكن يكون الموضوع سهل
بس انا شايفاه صعب

مش عارفا


وهل الحب اللى بينهم حقيقة أم خيال ؟

مش هقدر أقول انه حقيقة
لاني شايفا انه حب غير مكتمل العناصر
مش هقدر أقول

ما اذا كان أساسه جامد ولا أي كلام

وبرده مش هينفع أقول انه خيال

عشان هوا حقيقي فعلاً وإن كنت شايفا انه حقيقي بنسبة ضئيلة

بس هوا موجود وممكن يكون حقيقي

فعلاً الموضوع محتاج نقاش

وانا نفسي أشوف آراء كل الأعضاء

لعلنا نصل إلى الاجابة

فجر

انا معاكي في اللي انتي قلتيه

ومعاكي بشدة في ...

متهيالى زمانا نفيش حد هيعرف يحب

فعلا نفيش حد هيعرف يحب

سلامو عليكو

نايس توبيك
بصراحة الرد فعلا زى ما اتقال هيكون على حسب الاتنين الى عرفوا بعض
انا هقلكوا على اتنين اصحابى عرفتهم بردة على النت وهما اتعرفوا على النت وحبوا بعض وتطور الموضوع تليفونات ومقابلات
بعد كدة خطوبة وكان فرحهم من شهرين عقبالكم كلكم
دة معناه ان حب النت نجح
وبردة اوقات كتير بيفشل
تسلم الايادى على التوبيك

طول ما هم ما اقعدوش مع بعض يبقى مفيش حب من اصله
ده يبقى كدب
وما بنى على باطل فهو باطل
ازاى يحبو بعض وهم ولا يعرفو اى حاجه لا عن عيله ولا اصل ولا نسب ولا شكل ولا جوهر ولا اى حاجه
يعنى مشافوش غير الكلام من بعض
بس برده فى قصص نجحت وانا اعرف منها واحد بس للاسف بعد الجواز الراجل طلع عين مراته مع العلم انها من المغرب وقاسى معاها اوى
واعرف قصه لواحد صاحبى فشلت مع البنت ماتتعيبش ولا الولد بس لظروف عائليه

سؤال ماهى نهايه هذا الحب زواج ام ماذا انها فقط علاقه ليس لها اساس وكل من الطرفين اكيد انه سيفكر انها كما احببته اكيد انها قد تكلمت مع غيره واحبت غيره ولا يوجد مايسمى بالحب الا الحب الذى يحترم فيه كل طرف الطرف الاخر الحب الذى له قواعد وله نهايه معروفه مش اكلم واحده واحبها وتحبنى ونتسلى ببعض مش مع بعض وفى الاخر نتخنق من بعض وانتهت القصه هو ده حب اوده كلام