مصر , لشهر , الأم , الأب , بيقولوها , حلم

أشهر جمل بيقولوها الأب و الأم في مصر

أشهر جمل بيقولوها الأب و الأم في مصر

* ابوك دايما كان بيطلع الاول على الفصل .
* والله ما انت فالح .. وادي دقني أهه .
* هو طول النهار قدام الزفت الكمبيوتر مش ممكن كده .
* ما تلزقش في التلفزيون كده .. نظرك هيضيع .
* يا ابني محدش هينفعك .
* قصة الغريق الكاذب اللي كل مره يقول الحقوني ... لحد
ما غرق بجد .
* ربنا يرزقك بعيل يوريك اللي ورتهوني .
* امشى جاتك مشش فى ركبك.
* ما تطلعش على الملايه النظيفه و رجليك متوسخه كده .
*أوعا حد يضحك عليك ويقولك جرب السيجارة دي.
* ايه الا مبالاه و الاستهتار اللي انت عايش فيهم دول .
* قوم اقرا لك كلمتين ينفعوك .
* وطي المدعوق ده شويه .
* انت فاكرنا نايمين على ودانا ؟
* ما تلبسش القميص على اللحم زي العيال الصايعه .
* بلاش أكل بره .
*ياريتك تحفظ دروسك زى مانت حافظ الاغانى.
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* لازم تأكل سلطه .
* اوعى تكدب عليا كده تاني مرره .
* اوعى حد غريب يديلك حاجه تاكلها و تشربها و تاخدها منه .
* يا ابني حرام عليك الى بتعمله فينا ده.
* بلاش لعب في الشارع .
* ما تعليش صوتك .
* وانت فاكر احنا مستنيين منك حاجه .
* المسلسل مش هينفعك ...قوم .
* ما تقعدش قدام المروحه وانت مستحمي .
* كفايه رغي في التليفونات .
* بلاش وقفة الشبابيك و البلكونات .
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر . أو اطفي التلفزيون و خش اوضتك .
* ربنا يهديك ربنا يهديك ... وأحيانا .. انك لا تهدي من أحببت .
* صليت العصر ؟!
* ما تمشيش حافي في السقعة دي
* ما فيش مذاكرة على المزيكا وازاى.. بتذاكر و البتاع ده شغال جنبك .
* افرد ظهرك .
* ماتكلش فى ضوفرك.
* كنت فين لحد دلوقتى يا صايع.
* انا مش عارف انته طالع لمين.
* ما تتأخرش بعد المدرسه و تقعد تصيع مع أصحابك .
* بص كويس و انت بتعدي الشارع .
* ومالها الكتب بتاعة الوزاره ؟!
* اللي بيشيل قربه مخرومة بتخر عليه لوحده ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* يأبنى المذاكره مابتخلص .
* ما تردش عليا .
* مش عايز اسمع صوت



بس الحق يتقال لو الواحد كان سمع الكلام كانت حاجات كتير اتغيرت

---

Haiv [lg fdr,g,ih hgHf , hgHl td lwv gaiv pgl

انا بسمع من الكلام ده كتير
ولا حياه لمن تنادى

انا ياما سمعته
بس ياريتنى نفذته
شكرا ليكى ونصيحة اسمعى الكلام ده ونفذيه متعمليش زيى

لو كان الامر بسماع الكلام ما كان فيه شخص فى الدنيا تاذى
لو كان الامر بسماع الكلام لكنت سمعت كلام عدوك
لو كان الامر بسماع الكلام كنا اقوى امه
شكرا على الموضوع l3lo3 وفعلا لازم نسمع الكلام قبل فوات الاوان
آسف على الإزعاج آسف جدا

هههههههههه بكره يجي عليناا الدور ونقول احنا الكلام ده

الحمد لله الكلام ده عدي عليناا خلااص كانت ايام بقي

شكرا لؤلؤه علي الموضوع اللذيذ ده

ليه بس كل ده يا لؤلؤ
لازم نسمع الكلام من غير كلام ولا ايه
تقبلى مرورى

المشاركة الأصلية كتبت بواسطة ملكة الرحمه

لو كان الامر بسماع الكلام ما كان فيه شخص فى الدنيا تاذى
لو كان الامر بسماع الكلام لكنت سمعت كلام عدوك
لو كان الامر بسماع الكلام كنا اقوى امه
شكرا على الموضوع l3lo3 وفعلا لازم نسمع الكلام قبل فوات الاوان
آسف على الإزعاج آسف جدا

فعلا عندك حق
بس على الاقل نسمع كلام اهلنا اللى مش غرضهم غير مصلحتنا وبس
وشكرا ليكى ياملكة

المشاركة الأصلية كتبت بواسطة alsam3r

ليه بس كل ده يا لؤلؤ

لازم نسمع الكلام من غير كلام ولا ايه
تقبلى مرورى

طبعا لازم نسمعه
بس مين اللى بقى يسمع ياسامر
ده كان زمان
مش مع الجيل الجميل ده
اسألونى انا
انا مدرسة وعارفة الجيل الزفت ده

المشاركة الأصلية كتبت بواسطة فارس بلا جواد

هههههههههه بكره يجي عليناا الدور ونقول احنا الكلام ده

الحمد لله الكلام ده عدي عليناا خلااص كانت ايام بقي

شكرا لؤلؤه علي الموضوع اللذيذ ده

اه والله يامحمد
وانا عن نفسى لو قلت لاولادى كلمة ومسمعوهاش
فعلا هعاقبهم عشان يسمعو كلامى بعد كده
ناس مبتجيش غير بالعين الحمره

اشهر واجمل كلامات من اب وام مصريين

خايفين على اولادهم

بيربوهم بفطرتهم الطيبه

بيعلموهم الصح من الغلط



ولما نكبر ونفهم بنعرف فعلا انه صح

ربنا يخليهم لينا

ويجعل تربيتهم لينا فى ميزان حسانتهم


تسلم /ى على الموضوع الجميل