~ البيـــــت بيتـــــكـ ~

**ابن مصر** · 2009-05-31, 08:14 AM

~ البيـــــت بيتـــــكـ ~

اخواني وأخواتي

أعضاء المنتدى الراقي

<< منتدى تيفا نت>>

~ البيـــــت بيتـــــكـ ~ 150pxelbeitbeitaklogokc9.jpg

أجدع سلام وتحية من أخوكم ابن مصر

أخوكم ابن مصر شغلت دماغه فكره منيمتوش طوووول الليل

~ البيـــــت بيتـــــكـ ~ alebda3_14.gif

~ البيـــــت بيتـــــكـ ~ alebda3_25.gif

وفضل يفكر ويفكر ويفكر لغاية ما بقى كده

~ البيـــــت بيتـــــكـ ~ alebda3_24.gif

الفكره هي ان أعضاء بيتنا اللى هو المنتدى طبعا

يجتمعون هنا كلهم وندردش

سوا سوا

نعرف أخبار بعض نحكي مع بعض نطمن على بعض ونرحب ببعض

يأفكارك ياعم

بس قبل الكلام والقيل والقال نشوف الشروط

^^^^

1- عدم أستخدام أى كلمات غير مناسبة أو أهانات للأعضاء والالتزام بحسن المعاملة بين الأعضاء.

2- منتدى تيفا هو بيتك الكبير وفيه أصدقائك واخوانك وأخواتك يشاركون و يتواجدون معك ...

يزعلون لزعلك ويفرحون لفرحك فكلنا هنا اسرة واحده فكن حريص على ما تقوله ومتزعلش حد منك ..

3- الموضوع من باب الترحيب والترفيه

وبس

ايـــــه رأيكــــم

محبكم

ابن مصر

Z hgfdJJJJJj fdjJJJJJ;J

**MafiawwY** · 2009-05-31, 08:33 AM

موضوع جميل يا ابن مصر
وانا احب اعرف انت نازل امتي علشان عاوزين نشوفك

**la princesse** · 2009-06-04, 03:15 PM

فكرة جميييييلة جدا
واهو حتى فى زحمة الظروف والامتحانات اللى كل واحد فيها
نبقى ندخل هنا ونطمن على كل واحد مننا ونعرف اخر اخبار كل واحد
وندعى لبعض كمان

واسمحولى ابدا
اول حاجة عايزة اعتذر عن دخولى المتقطع
لان ظروفى الفترة دى يعنى الحمد لله مش مخليانى اعرف اعمل اى حاجة فى حياتى
انهرده 4 يونيو
ومن 4 لغايت 19 مطلوب منى اخلص 15 كتاب
ما بين تربية وعلم نفس تعليمى وعلم نفس نمو وصحة نفسية وفلسفة وتاريخ وفروق فردية وطرق تدريس باللغة الفرنسية طبعا و و و و و.....
صدعتوا منى طبعا
بس ده مش معناه انى هبطل رغى
هو انا بدخل المنتدى كل يوم؟!!!
لازم استغل كل فرصة ادخل فيها واعد ارغى واصدع الناس واخنق عليهم على اد مقدر
وطبعا مش محتاجة اطلب انكم تدعولى بقى هااا
يعنى كل واحد هيدعى ومش بمزاجه
واخيرا وليس اخرا
وخدوا بالكو من ليس اخرا
بشكرك يا ابن مصر على الموضوع
واوعدك انى هدخل ابوظهولك شوية واصدع الناس فى كل مرة افتح المنتدى
à tout à l'heure

**ابن مصر** · 2009-06-04, 09:14 PM

يادي النور ياجماعه

ايه النور ده

شكرا مفياوي وشكرا اميره

على وجودكم

وده هيكون بيتنا مهما انقطعنا عن المنتدى

وياريت كل الناس تطمنا على نفسها هنا

**لست ملاك** · 2009-06-07, 03:38 PM

متعـــة الحيــــاة أن تفعـــــل شئ لـم يفعلـــــه أحـــــد ولم يتوقعــــه أحـــد

هذا توقيعكــــــــــ

ونجحت فى تحقيق المقوله التى تحبها........

ويارب تحققها دايما

وبقولكــــ متل ما انت كاتب

يا افكارك ياعم

وتحياتى لك وربنا مع كل اللى بيمتحنوا دلوقتى

وبقلوهم ابقوا طمنونا عملين ايه فى الامتحانات

**ابن مصر** · 2009-06-08, 04:39 PM

شكرا أختي الصغيرة سنا الكبيرة عقلا

لست ملاك

وده بس من ذوقك

وان شاء الله نتواصل دائما

ونلتقي لنرتقي

**لست ملاك** · 2009-06-08, 07:07 PM

ابن مصر

كنت اسير هائمه ولا اعرف لى درب

ابحث فى الدنيا عن حنان القلب

وعندما دخلت صفحتك وجدت فيها ما يكفينى من حب

اشكرك لأنك بحثت لتقوى الصله بين افراد هذا المنتدى

**ابن مصر** · 2009-06-08, 11:16 PM

تسلمي أختي الكريمة

أقولكم على موقف حصلي امبارح

متش مصر كان جي على قناة النيل وانا الدش عندي كان تعبان امبارح فاضطريت انزل أتفرج أنا وزوج أختي في الشارع

نزلت قهوة جنب البيت لكن لقيتها كلها سعوديين وبيتابعوا برامج ليهم

فقولت خلاص نغير الكافيه ونشوف غيره

أخدت السيارة بتاعتي أنا والراجل وفضلنا ندور على قهوة لغاية ما لقيت واحده في النهاية فاضية والراجل مشغل art

وحاطت التلفزيون في الشارع

الكافيه اسمه سيكرت كوفي

نزلت ودخلتها انا والراجل جوز اختي

وهي فاضيه

قولتله عندكم متش مصر

قال صديق هادا في كل قناه بس انت قول ايش يبغى انا في جيب سرعه سرعه

طبعا اللي شغال في القهوة هندي وده طبعهم

المهم قعدنا والجو كان جميل في الرياض

وأتاري الكافيه ده كان بينش ومحدش بيدخله

يادوب قعدنا والواد على التلفزيون من فرحته

فجأه لقيت مصر كلها حواليا متعرفش جم منين

طبعا الواد مات من الفرحة لقى زباين لووووز

وطبعا اتفرجنا على المتش واتنكدنا بالنتيجة

بس عرفت في النهاية القهوة دي مبتشتغلش ليه

أكيد عشان وشها وحش على المنتخبات

وفعلا حرمت ادخلها تاني

مساءكم عسل يأهل مصر

**ابن مصر** · 2009-06-17, 08:00 AM

صباح الفل ياشباب تيفا انتوا بتذاكروا ولا نايمين ولا في أجازه ونسيتوا النت

وينكم ياشباب

**لست ملاك** · 2009-06-18, 05:54 PM

هم كويسين بس امتحانات الثانويه شغاله والجامعات.........

ومش فاضيين بيحضروا براشيم

**ابن مصر** · 2009-06-18, 07:30 PM

اقتباس:

المشاركة الأصلية كتبت بواسطة لست ملاك

هم كويسين بس امتحانات الثانويه شغاله والجامعات.........

اقتباس:

المشاركة الأصلية كتبت بواسطة لست ملاك

ومش فاضيين بيحضروا براشيم

ههههههههههههههههههههه

أتاري لا حس ولا خبر الله يهديهم وينجحهم

**عبدالرحمن م** · 2009-06-19, 12:55 AM

اقتباس:

صباح الفل ياشباب تيفا انتوا بتذاكروا ولا نايمين ولا في أجازه ونسيتوا النت

وينكم ياشباب

العياذ بالله مذاكرة ايه تانى ده أنا لسة مش عارف أتخلص من ظلال كتاب الأحياء (واخد بالك من ظلال دى)

بس الحمدلله خلّصت وخرجت من جو الإمتحانات الإنتحارى ربنا يساعد كل اللى بيمتحنوا ويجازى اللى كان السبب

ويساعدنى أخلص السبعين قصة اللى فاضلين لنبيل فاروق قبل نهاية الشهر

ايه آخر أخبارك انت

**ابن مصر** · 2009-06-19, 04:04 PM

70 قصة

أشوفك السنة الجاية العصر

اوعى تنسى

مبروك لمصر ايه الأحواء في مصر امبارح

**WebCraker** · 2009-06-20, 07:32 AM

حلوة فكرة البيت بيتك ياأستاذ أحمد

وربنا يوفق طلابنا كلهم يارب فى الامتحانات

وتلحق تخلص الميت قصة ياعبد الرحمن

ومبروك لمصر فوزها على أطاليا

موفقين جميعا إن شاء الله

**لست ملاك** · 2009-06-22, 11:41 AM

اقتباس:

المشاركة الأصلية كتبت بواسطة عبدالرحمن م

العياذ بالله مذاكرة ايه تانى ده أنا لسة مش عارف أتخلص من ظلال كتاب الأحياء (واخد بالك من ظلال دى)

ايه ياجماعة هى المدرسة صعبة كده ,مع انى بحب ايام المدرسه جدا عن الاجازه

والأحياء انا وخداه الترم الاول كان جميل

بما انك ياعبد الرحمن مابتحبش الاحياء اكيد هتدخل علمى رياضه ولا ايه؟؟

وبعذى الشباب فى خسارة مصر امبارح امام امريكا

**ابن مصر** · 2009-06-23, 07:58 AM

اقتباس:

المشاركة الأصلية كتبت بواسطة لست ملاك

ايه ياجماعة هى المدرسة صعبة كده ,مع انى بحب ايام المدرسه جدا عن الاجازه

والأحياء انا وخداه الترم الاول كان جميل

بما انك ياعبد الرحمن مابتحبش الاحياء اكيد هتدخل علمى رياضه ولا ايه؟؟

وبعذى الشباب فى خسارة مصر امبارح امام امريكا

ربنا يوفقك في الأحياء بس خدي بالك الأحياء غداره ههههههه

وشكرا على التعزية

ده أقل مصطلح ممكن أن يقال

بس والله أنا حاسس ان فيه خير جي

وربنا هيكون في عونا باذن الله

**ابن مصر** · 2009-07-19, 02:36 PM

ايه ياشباب مالكم

المنتدى نايم ليه

انتوا مش خلصتوا ونجحتم

اشتغلوا اصل نخصم من رواتبكم >>> عنده الصلاحية

**ابن مصر** · 2009-08-04, 07:56 AM

صباح الخير ياتيفا ،،،

محدش عارف نتيجة تنسيق المرحلة الخامسة قصدي الثانية للثانوية العامة امته؟

**la princesse** · 2009-08-06, 05:51 AM

بقالى كتير معرفش اى حاجة متعلقة بالموضوع ده
من بعد عقدتى المشهورة اللى بقت نمرة 3 بعد أوديب وايليكتر
(عقدة ميرا والثانوية العامة)

بس تفتكروا ليه الثانوية العامة فى مصر وخدة اكبر من حجمها بشكل مرعب
مهى مرحلة زى اى مرحلة ويمكن اسهل كمان
اشمعنا دى بقى؟؟؟

كل واحد يشرحلنا الاسباب من وجهة نظره

**ابن مصر** · 2009-08-06, 09:03 AM

اقتباس:

المشاركة الأصلية كتبت بواسطة la princesse

بقالى كتير معرفش اى حاجة متعلقة بالموضوع ده

من بعد عقدتى المشهورة اللى بقت نمرة 3 بعد أوديب وايليكتر
(عقدة ميرا والثانوية العامة)

بس تفتكروا ليه الثانوية العامة فى مصر وخدة اكبر من حجمها بشكل مرعب
مهى مرحلة زى اى مرحلة ويمكن اسهل كمان
اشمعنا دى بقى؟؟؟

كل واحد يشرحلنا الاسباب من وجهة نظره

هلا يابرنسيسه

نورتي البيت

الثانوية يابنتي هي باب الخروج من المنزل للمستقبل

3 ابتدائي + 3 اعدادي + 3 ثانوي = مستقبل

(=) دي هي الباب

وده وجهته المستقبلية

يايكون دكتور يامهندس يمدرس ياقاعد ع الرصيف

وما أكثر الأخيرة في مجتمعنا

عشان كده هي بمثابة عنق الزجاجة في حياة كل طالب

دمتي متواجده هنا